• Jóɓ 37:20—Xwɛ̀ wa nyu ma bɔ̃̀ kè cuò-wùɖù ɓè dyi ɓèɛ̀n ɖé Baɓo-ɓòɖò ɓè kɔ̃ kɛ́? (it-1-E 492)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

Jɛhovaa kpooɔ̀ ɖà kũ̀à-mú-nyùìn-ɖɛ̀ ɓè tò ɓɛ́ wa ɓɛ́ìn à gbo kpáa ɓɛ́ à ké Geɖepɔɔ gma ɓáà nyɔmɔɔ jè dyíɛɛ dyi kpɔ̃ kɛ. (Àpɔ́ 15:28, 29) M̀ nì wa kũ̀à mú nyùɛ̀n cáà?

Kpé Ɓó Nyɔ Kɛ́ Ɓaɖa Jè (DPA) Káà Kè Nyɔ-Dyí-Dyuòìn-Kàà (ic): Káà ɓè nìà kɛɛ zaìn ɖɛ wɛ́-nyɔ̀ ɖò mɔ́ ɓá nyɔmɔɔ dyí ɖú jè dyíɛɛ jè kɔ̃in. Wuɖu-wáɖá-nyɔ̀ ɓè ɖà níɔ kpá kɛɛ ɓɛ́ìn DPA káàɔ̀ ɖò céè-ɖɛ̀-geìn-nyɔ̀ɔ̀ xwaún dyéɛ ɓó wa mìɔùn bìì ɔ kè Nyɔ-Dyí-Dyuòìn-Kààɔ̀ ɖò ɓó waà dyú mɛ́nɛ́ɛ́ ɓèɔ̀ bìì. Káà ɓè nìà kɛɛ mɛ nì à xwaún ɓó ti séín ɓaɖa. Ɔ jù ké m̀ dyi ɓéɖé ɓɛ́ m̀ ké ɖò mú dyíìn mɔɔ ɔ nyɔ m̀ ɓéɖéɛ gbo zĩàìn ní, m̀ mɛ ɓɔ́ ti ɖò zĩ̀ɛ̀n fɔɔ.

Bɔ̃̀ Ɓè Ɓó Xwíɖí-Nì-Màà Ɓè Bìì (S-401) Kè Bɔ̃̀ Ɓè Ɓó Wɛ́-Nyɔ̀ Ɓé Mɔ́ Kũ̀à-Kɔ̃-Nyu-Nyu Mɔɔ Hwòo-Hwòo Kɛɛ Bìì (S-407): Céè-ɖɛ̀ ɓè nìà kɛɛ kpá à gbo, ɓɛ́ à ké ti dyé nɔ̀mɔ̀ dyíin ɓó à dyɔɔ̀ mú wóɖó jè ɔ kè ɖɛ ɓè ɓá nyɔmɔɔ dyí ɖú jè dyíɛɛ jè. Diè nì ɛ́ɖɔ̀ ɓèɔ̀ dyi ɓó céè-ɖɛ̀ɔ̀ nyɔ m̀ kɔ̃̀ m̀ ké ɓéɖé ɔ jù ké m̀ dyi zùù kɔ̃ nììn mɔɔ wa dyi ɓéɖé ɓɛ́ wa ké m̀ kũ̀à kɔ̃ nyu mɔɔ m̀ hwòo ɓó kĩ́àsɔ̀-wɛ̀ ɖò jè ní.

Píɖɛín Jè-Gbo-Dyé-Kpòò (HLC): HLC-nyɔ̀ ɓèɔ̀ mɔ̀ ɛ́ɖɔ̀ hwɛ̀-ɖɛ ɓè ɓɛ́ wa nì páún ɓɛ́ wa ké ɖɛ kɔ̃in zaìn ɖé hwòo-nyɔ̀ ɓè kè wuɖu-wáɖá-nyɔ̀ ɓè gbo ɓá nyɔmɔɔ dyí ɖú jè dyíɛ. Wa wùɖù nì hwòo-nyɔ̀ɔ̀ gbo ɓá nyɔ-hwòo-sɛ̀ɖɛ̀ ɓè ɓɛ́ wa ɓàɖàìn nyɔmɔɔ dyí-ɖú-ɖú dyíɛɛ jè dyí. Wa ɓɛ́ìn m̀ gbo kpáa ɓɛ́ wa ké hwòo-nyɔ̀ ɖò ɓɛ́ ɔ mu nì gbɔ-po-ɖɛ̀ɔ̀ gbo wɔ̃́ìn nyɛɛ dyi mɔ́ ɔ jù ké ɔ dyi ɓéɖé ɔ ké ná nììn. Wa nì ɓɛ́ɖɛ́ kɔ̃ wé séín ɓó dyóɖóaún kè máaún. Ðá HLC kpòòɔ̀ wàɖà ɓó ɖɛ séín ɖò ɓɛ́ ɔ mu píɖɛín-bè kɔ̃-kpá-kpá mɔɔ nyɔ-kũ̀à-kɔ̃-nyu-nyu mɔɔ nyɔ-hwòo-hwòo mɔ́ùn wɛ̃—ɔ hwɔìn kà kĩ́ásɔ̀-wɛ̀ hwòo-hwòo kɛbì ɔ mɛ nì kà ɔ se nyɔmɔɔ jè dyí ɓá kɛ. Ðɛ nìà kɛ ɓá xwíɖí-nì-màà ɓè jè dyí ɖekè. Ɔ jù ké m̀ dyi gbo-kpá-kpá mɔ́ ní, diè ɛ́ɖɔ̀ ɖò dyi ɓó HLC kpòòɔ̀ nɔ̀ɓà jè.

Po VÍÐÒ nìà kɛ kũ̀à gbo, Píɖɛín Jè-Gbo-Dyé-Kpòò—Xwɛ̀ Wa Nyu Nyɔ Gbo Kpáa Kɛ́? Nìí, diè nyɔ ɓèɔ̀ dyi:

Xwɛ̀ HLC kpòòɔ̀ ɓɛ́ìn m̀ gbo kpáa ɔ jù ké m̀ dyi ɖɛ ɖò ɓɛ́ ɔ mɔ́ nyɔ-hwòo-hwòo mɔɔ nyɔ-kũ̀à-kɔ̃-nyu-nyu kɛɛ dyí dyé níɛ́?