• Jóɓ 42:7—Nyɛ́ jɛ́ɛ́ Jóɓòɛ̀ ɓàto ɓèɔ̀ nì ma kà ɖɛ gbà kɔ̃ún cɛ̃iń nyɛ́, ké xwɛ̀ ɖɛ nìà kɛ dyí-dyuò-dyuò kpá à gbo ɓɛ́ à ké nyɔ-dyɔ́-ɓaɖa-ɓaɖa hwòɖò kùìn nyɛ́? (it-2-E 808)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

À kpá múàùn ɓɛ́ à ké Jɛhova ɓɛ́ ɔ mɔ̀à ɖɛ̀ɓɛ̀ìn-ɖɛ̀ɓɛ̀ìn hìɖì-kpà kɛɛ ɓiè. (1Jɔ̃́ɔ́ 4:8, 16) Jɛhovaa ɖɛ̀ɓɛ̀ìn-ɖɛ̀ɓɛ̀ìnɔ̀ nyuɛ ké à xwɛ̃́ìn ɔ bũ̀in, ké ɔ po à kpéí ɓɛ́ à ké ɔ dyí nɛ́ kánáá pu. À mɔ̀à Jɛhovaa ɓáɖáá ɓèɔ̀ kɛɛ, à séín dyuòɛ̀ dyí kà Jɛhova ɖɛ̀ɓɛ̀ à múɛ.

À vɔ̃ ɓɛ́ à ké Jɛhovaa ɖɛ̀ɓɛ̀ìn-ɖɛ̀ɓɛ̀ìnɔ̀ tɛ̀mɛ̀ìn dyììn ɖé kà à nyu à gbò-xwíníín-nyɔ̀ ɓè kè à mùè ɓiè-nyɔ̀ ɓè ɔ kè nyɔ tɔ̀ɔ̀ ɓè kpɔ̃ɔ kɛɛ mú. (Jóɓ 6:14; 1Jɔ̃́ 4:11) Dyììn ɖé ɖɛ̀ɓɛ̀ìn-ɖɛ̀ɓɛ̀ìn tɛ̀mɛ̀ìn-tɛ̀mɛ̀ìn múɛɛ, à kpá nyɔ tɔ̀ɔ̀ ɓè gbo ɓɛ́ wa ké Jɛhova dyí dyuò, kè ɓɛ́ wa ké ɔ bũ̀in xwɛ̃́ìn. Kɛɛ, ɔ jù ké à se nyɔ tɔ̀ɔ̀ ɓè ɖɛ̀ɓɛ̀ìn-ɖɛ̀ɓɛ̀ìn dyí tɛ̀mɛ̀ìn fɔɔ ní, nìí, ɔ mu mú kàmàùn ɓɛ́ wa ké Jɛhovaa ɖɛ̀ɓɛ̀ìn-ɖɛ̀ɓɛ̀ìnɔ̀ dyéɖé gbo dè.

Po VÍÐÒ nìà kɛ kũ̀à gbo, À Dyé Ma Jàà-Ðɛ̀ɓɛ̀ìn-Ðɛ̀ɓɛ̀ìn Ðé Jɛhovaa Xwéɖé-Dùɔ̀ Mú. Nìí, diè nyɔ ɓèɔ̀ dyi:

Ðɛ́ m̀ cɛ̃́ Ðií-Ðií kè Mìmí xwaún ɓá ɖɛ̀ɓɛ̀ìn-ɖɛ̀ɓɛ̀ìn tɛ̀mɛ̀ìn jè dyíɛ́?