• Wɛ́ 40:5-10—Ðɛ́ Dèɓéɛ̀ ɓaà-wùɖùɔ̀ tɛ̀mɛ̀ìn à ɓá Jɛhovaa nàìn-kpèɔ̀ dyi kpɔ̃ jè dyíɛ́? (it-2-E 16)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

Jɛhova kpáìn kũ̀à séín ɓè ɓɛ́ nyɔ sùà ɓè mɔ̀ hwòɖò-kɔ̃-dè-nyɔ̀ ɓèɛ nyu ɖé dyí-poìn-kpòòɔ̀ múɛɛ jè múàùn dyi, ké à mɔ̀ùn mɛ nyuɛ náa ɖekè. (Híì 6:10) Ɓó zɔ̃ ɓè ɖàà ziɛ xwíníín nyɛɛ, wa ɖà kũ̀à pàɖà nyu cá ɖé wa mùè ɓiè-nyɔ̀ ɓè ɖɛ-tɛ̀mɛ̀ìn-tɛ̀mɛ̀ìn kè wa kpéí-po-po mú. Hwìè ɓè kɔ̃̀ mú wa ɖà m̀ gbo kpá kɛɛ nì m̀ hwìɖìi dyɛ̀. Xwɛ̀ m̀ ɓɛ́ìn nì zùo-po-hwòɖòɔ̀ tɛ̀mɛ̀ìn ɓó ɖɛ séín ɓè wa ɖà nyu, ké wa nì nyuɛń ke ɖé dyí-poìn-kpòòɔ̀ múɛɛ jè kɛ́?

Po VÍÐÒ nìà kɛ kũ̀à gbo, ‘Nyu À Ðíí Ɓèɔ̀ Bìì Nɔ̀mɔ̀ Dyíin.’ Nìí, diè nyɔ ɓèɔ̀ dyi:

• Ðɛ́ Jí-Hɔ̃́ɔ̀ cɛ̃́ ma Ðíí-gàà Hò-jíìn Kã́à xwaún wɛ̃́?

  Nì gɔ̃̀-jù-wùɖùɔ̀

• Ðɛ́ m̀ kpáìn múàùn dyi ɓá nyɔ sùà ɓè nì ɖé nì dyí-poìn-kpòòɔ̀ múɛɛ jè dyíɛ́?

  Nì gɔ̃̀-jù-wùɖùɔ̀

• Ðɛ́ à ɓɛ́ìn cɛ̃́ɛ ɖé nɔ́ɔ́ ɓáà Sɛ̀mɛ́ɖíà-gàà nɔ̀mɔ̀ kpeɖeínɔ̀ jè dyíɛɛ mú kɛ́?

  Nì gɔ̃̀-jù-wùɖùɔ̀

• Nì hwòɖò ɖá xwíníínɔ̀ nyɛ́ kɔ̃̀ jè ɔ mɔ̀ ma fɔ̀nɔ̀-hwòɖò nɔ̀mɔ̀ dyíin ɖò cá ɓɛ́ Jí-Hɔ̃́ɔ̀ ké ma nyɔ tɔ̀ɔ̀ ɓè ɖá ɖé Ðíí-gàà Hò-jíìn Kã́à gbo-kpá-kpá múɛ́?

  Nì gɔ̃̀-jù-wùɖùɔ̀

Ɔ jù ké à dyi ɖɛ ɓè ɓɛ́ nyɔ sùà ɓè mɔ́ ɖé dyí-poìn-kpòòɔ̀ múɛ jè hwìɖìi poìn kóɖó-kóɖó ní, à ɓɛ́ìn hwìè pàɖà ɓè kɔ̃̀ mú à ɓɛ́ìn wa gbo kpáa kɛɛ dyéɛ. Ɔ jù ké m̀ dyi ɖɛ ɖò wa mu mɔ́ùn wɛ̃ɛ dyé ní, poìn ɖɛ m̀ɓɛ́ìn nyuɛ ɓɛ́ m̀ kéɛ jè gbo dyé kɛɛ jè hwìɖìi.—Jĩ́ìn 2:15, 16.

Zà Gàɖézìà 6:10 wuɖuún. Nìí, diè nyɔ ɓèɔ̀ dyi:

• Hwìè ɓèɔ̀ nyɛ́ kɔ̃̀ mú m̀ ɓɛ́ìn nyɔ sùà ɓè bìì nɔ̀mɔ̀ dyíin nyuɛ ɖé dyí-poìn-kpòòɔ̀ múɛ́?

  Nì gɔ̃̀-jù-wùɖùɔ̀