• Wɛ́ 36:6—Ðɛ́ wɛ́ɖɛ́-céè-nyɔ̀ɔ̀ ɓɛ́ìn ma hwòɖò kpàìn ɓɛ́ ɔ dyià Jɛhovaa dyí-sɛ́ɖɛ́ìn-sɛ́ɖɛ́ìnɔ̀ kè “toɖo vɛ̀nɛ̀” ɓè dyí poìn nyɛ́? (it-2-E 445)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

Ðíí-gàà kè ɖíí-màà ɓè nì ɓóɖó-kpàà dà séín nyɛɛ dyé ti-kàmàùn-kàmàùn kè ɖɛ-mú-gbɔɔ̀-gbɔɔ̀ dyí dyììn ɖé gà-ɖɛ̀ ɓè kpá wa mìɔùn sɔ̃ kɔ̃ kè ɔ nyɔ ɓɛ́ nyɔùn-dyù nyu ké wa kpá kɛɛ mú. (Wɛ́ 9:9, 10) Kɛɛ, hwòɖò-dyií-gbaìn-ɖɛ̀ɔ̀ mɔ̀, “fũ̀à-fṹá-tì” ɓè ɓɛ́ìn dyiɛ ti séín ɖò. Ɔ jèɛɛ, à séín kɔ̃̀ à ké ti dyé ɓó mú-dɔ̃̀-dɔ̃̀ nì kà ɓèa jè.

Ɓó ti-dyé-dyé ɖé kpóɖóún wɛ̃ kɔ̃in nyɛɛ, a ɖɛ́ ɓɛ́ìn à gbo kpáa ɓɛ́ à ké hwòɖò ku ɔ jù ké gà-ɖɛ̀ ɖò dyi kpá níɛ́?

• Dyé ti ɖé hwòɖòùn: M̀ mɛ wɔ̃́ìn gbo kà ɓɛ́ gà-ɖɛ̀ ɓè kpá kɛ, ké poìn ɖɛ nì mu nyuùn ɔ jù ké ɖò dyi kpáín nyɛɛ jè hwìɖìi. Nì kɔ̃̀ɔ̀-ɖɛ̀ ɓèɔ̀ jè mɛ ɓɔ́ m̀ hwòɖò kpɔ̃ɔ mìɔ. Ðɛ nìà kɛ mu m̀ gbo kpáùn ɓɛ́ m̀ ké ɖɛ ɓè nyu hwòɖò-fɔ̀nɔ̀-kà kè ɖɛ-gbɔ-po-kà, ɓɛ́ m̀ ké nì fɛ̀ɛ̀ɔ̀ po kĩ́ín ɖé nì kɔ̃̀ɔ̀-ɖɛ̀ ɓèɔ̀ kɔ̃in. (Jɛ́ 19:16; Wɛ́ 36:9) Ɔ mu m̀ gbo kpáùn ɖekè ɓó gà-ɖɛ̀ ɖò tiín, ɓɛ́ m̀ ké jàà-ɖɛ̀ ɓè hwìɖìi dè, kè ɓɛ́ m̀ ké nì hwòɖò-dyùàɔ̀ ɓíɖíi dyà ɔ jù ké nì kɔ̃̀ɔ̀-ɖɛ̀ ɖò dyi mú gbɔɔ̀ ní.—Wɛ́ 37:19

• Dyé ti ɖé zùùn: Dèɛ̀ hwòɖò kɔ̃ kà Jɛhova ɓɛ́ìn kpé ké ɔ mɔ́ ɓɛ́ ɔ ké m̀ jè gbo kɔ̃̀ cá kɛ. (Wɛ́ 37:18) Hwɛ̀ ɓɛ́ gà-ɖɛ̀ ɖò ké kpá kɛɛ, dyà m̀ mìɔùn ɖɛ hwìɖìi ti séín kà ɓɛ́ Jɛhova mu ɔ bìì kũ̀à-nyu-nyɔ̀ ɓè hwìè da zàìn kè wa gbo kpáùn kɛbì à ‘fɛ̀ɛ̀ɔ̀ mɛ pó’ ɖòùn wɛ̃.—Jɛ̀ɖ 45:5; Wɛ́ 37:23, 24

À dyi Jɛhova nyɛ́nɛ́ín-ɖáìn-ɖɛ̀ ɓèɔ̀ hwòɖò kɔ̃ dè cá ní, ɔ mu à “vìè-naín” jùùn “ɖé fũ̀à-fṹá-tì” mú.—Wɛ́ 37:39.

Po VÍÐÒ nìà kɛ kũ̀à gbo, M̀ Ðà Ti Dyé Ɓó Gà-Ðɛ̀ Ðò Jèè? Nìí, diè nyɔ ɓèɔ̀ dyi:

• Xwɛ̀ Jɛhova ɓɛ́ìn à gbo kpáa ɓó gà-ɖɛ̀ ɖò tiín nyɛ́?

  Nì gɔ̃̀-jù-wùɖùɔ̀

• Ðɛ́ à ɓɛ́ìn nyuɛ ɓɛ́ à ké ti dyé kɛ́?

  Nì gɔ̃̀-jù-wùɖùɔ̀

• Xwɛ̀ à ɓɛ́ìn nyɔ ɓè ɓɛ́ gà-ɖɛ̀ ɓè kpá gboɛɛ gbo kpáa kɛ́?

  Nì gɔ̃̀-jù-wùɖùɔ̀