• Wɛ́ 17:8—Ðɛ́ mɔ̀ ɖɛ kpa ɖɛ ɓá wuɖu mɔ̀à “dyéɖé-dyùà” kɛɛ jè dyíɛ́? (it-2-E 714)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

Dyììn ɖé Jízɛ̀ɛ̀ wuɖuɔ̀ nyu-nyu mú, ɓó Sɔ̃́ɖè ɓàɖà Dunu-Tòɖò wé 24 kɔ̃ɛɛ, à mu Jízɛ̀ɛ̀ mɛ́-mɛ́ ɓɛ́ ɔ ɓá ɖɛ̀ɓɛ̀ìn-ɖɛ̀ɓɛ̀ìn zi ɖɛ kpauń sɔ̃́ ɓè tɛ̀mɛ̀ìn jè dyíɛɛ jè hwìɖìi dyàùn. (Ðúù 22:19; Jɔ̃́ɔ́ 3:16; 15:13) Xwɛ̀ à ɓɛ́ìn ti dyéɛ ɓó hwɔ kpa ɖɛ nìà kɛ jè kɛ́?

• Nì hwòɖò-dyùàɔ̀ mɛ nyu cà-cà ɓɛ́ m̀ ké bɔ̃̀-dyi-ɓèìn-ɓèìnɔ̀ ɖò nyu ɓɛ́ m̀ ké nyɔ ɓè ɖá ɓó wáɖáá-wùɖù jɛ́ɛ́ɔ̀ kè Ðɛ-hwìɖìi-dyà-hwɔ̀ɔ̀ jè. Céè nyɔ ɓè m̀ dyuò dyíɛɛ nyɛ́nɛ́ ɓíɖíi ɓɛ́ m̀ ké wa ɖá. Ɔ jù ké wa ɖò se nì gbɛ̀ɔ̀ mú tã́ìn ní, mu ɖé jw.org kɔ̃, ɓɛ́ m̀ ké ti kè dɛ̀ wa mu dyí-poìn-poìnɔ̀ ɓéɖéìn ɖé wa gbɛ̀ɔ̀ múɛɛ dyi mɔ́

• Po nì kũ̀à-sɔ̃̀ɔ̀ kɔ̃ ɖé wuɖu-wáɖá-kũ̀àɔ̀ mú ɖé Dunu-Tòɖò kè Zágìɖìɔ̀ xwíníín. M̀ ɓɛ́ìn pàníɛ̀ kpá-gbo jùɛ ɓɛ́ m̀ ké áɓà 15 mɔɔ áɓà 30 nyuù?

• Ɓó Dunu-Tòɖò wé 18 kɔ̃ɛɛ, dè ɖɛ hwìɖìi poɛ̀n gbɔ ɓá ɖɛ kpa ɖɛ ɓè kpá ma ɖé wíkì hwɛ̀ìn gbɔɔ̀ xwíníín hwɛ̀ Jízɛ̀ɛ̀ fɛ̀ɛ̀ɔ̀ dyi ma mánáín hwɛ̀ dà ɓóɖó-kpàà kɔ̃ɛɛ jè dyí. M̀ ɓɛ́ìn ɖɛ jĩ̀ kà m̀ ké wuɖuún zà ɓó wé séín, sɔ̀ìn ɖé “2024 Ðɛ-Hwìɖìi-Dyà-Hwɔ̀ Baɓo Wuɖuún-Zà-Zà Naɓaà-Cèè-Ðɛ̀ɔ̀” mú ɖé mí 6-7 kɔ̃ɛɛ jè gbɔ poɛ

• Ɓó wé kɔ̃̀ ɓaɖa ɓɛ́ Ðɛ-Hwìɖìi-Dyà-Hwɔ̀ɔ̀ muà síìn nyɛɛ, dyé Gànà-Kṹún Ɓiè-Ɓiè kpá wákáɔ̀ dyi ɖé jw.org kɔ̃

• Ɓó Ðɛ-Hwìɖìi-Dyà-Hwɔ̀ɔ̀ tiín nyɛɛ, kpɔ̃ ɖéè ɓè kè nyɔ ɓè hwɛ̀ kpéí ɖé zùùn wɛ̃ɛ hwìi ɖé ɖɛ̀ɓɛ̀ìn-ɖɛ̀ɓɛ̀ìn mú. Tò m̀ mìɔùn, ɓɛ́ m̀ ké dyi-diè-ɖɛ̀ ɓè gɔ̃̀ jù ɔ jù ké hwɔɔ̀ ɖà dyi zi ní. Kpá páún ɓɛ́ m̀ ké hwɔɔ̀ kɔ̃-dyi-nyɔ̀ ɓè gboi té, ɓɛ́ m̀ ké wa gbo kpá

• Poìn mú-gbààìn-ɖɛ̀ɔ̀ jè hwìɖìi hwɛ̀ hwɔɔ̀ ké gbɔ dè ɔ kè ɔ ɖà mánáín hwɛ̀ ní

Po VÍÐÒ nìà kɛ kũ̀à gbo, Dyà Jízɛ̀ɛ̀ Mɛ́-Mɛ́ɔ̀ Jè Hwìɖìi. Nìí, diè nyɔ ɓèɔ̀ dyi:

Xwɛ̀ à ɓɛ́ìn víɖò nìà kɛ kũ̀à mú nyùɛ̀n ɓó Ðɛ-hwìɖìi-dyà-hwɔ̀ɔ̀ bɔ̃̀-dyi-ɓèìn-tìɔ̀ ɓaɖa kɛ?