• Wɛ́ 35:19—Ðɛ́ mɔ̀ wuɖu ɓɛ́ Dèɓé cɛ̃à kà Jɛhova ní wɔ̃́ ké nyɔ ɓè nyɛ́à ɔ múɛɛ ní “pòìn [ɔ] dyéɖé-pì dya” kɛɛ xwíníín nyɛ́? (w06-E 5/15 20 ¶2)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

Dyí-poìn-poìn ɓèɔ̀ nyí à ti nɔ̀mɔ̀ dyíin ɓɛ́ à ké Jɛhova ɓàìn. Hwìè tã ɓè kɛà kɛ̀.

Dɔ́ɔ́ ɓè: Cɛ̃ Jɛhova kpeɖeɛ̀ dyíin nɔ̀mɔ̀ jè ɔ jù ké m̀ kè nyɔ tɔ̀ɔ̀ ɓè dyi dɔ́ɔ́ dèɛ̀n nììn. (Wɛ́ 145:1, 7) M̀ wɔ̃́ ɖɛ jɛ́ɛ́ ɖòò, mɔɔ m̀ zà ɖɛ jɛ́ɛ́ ɖò wuɖuún ɓɛ́ ɔ nyu m̀ kpáná dyíɛ̀? M̀ dyé ɖɛín-ɖɛ̀ ɖò dyí ɖé wuɖu-wáɖá-kũ̀àɔ̀ múù? Nyɔ ɖòɛ̀ wĩín-wùɖù mɔɔ ɔ nyuu-ɖɛ̀ ɓè po m̀ kpéíì? M̀ dè mɛɛ-ɖɛ̀ ɖòɛ̀ wáká ɖò dyéɖé gbo ɓɛ́ ɔ jè mɔ̀ dĩ́ín-dĩ̀ìn-ɖɛ̀ ɖé m̀ gboɛ̀? Ðɛ ɓè nìà wɛ séín mɔ̀ nyíí-ɖɛ̀ sɔ̀ìn ɖé Jɛhova gboɛ. (Jĩ́ 1:17) Fṹà dyiɛń ɓɛ́ m̀ ké ti ɓéɖé, ɓɛ́ m̀ ké nyɔ tɔ̀ɔ̀ ɓè gbo wùɖù.

Gɔ̃̀-jù-wùɖù ɓè: Vɔ̃ ɓɛ́ m̀ ké wɛ́ɛ gɔ̃̀-jù-wùɖù dyúáɖò tò ɓó dyí-poìn-poìn ɖò-ɖò séín tiín. (Wɛ́ 26:12) M̀ ɓɛ́ìn dyi-diè-ɖɛ̀ɔ̀ gɔ̃̀-jù-wùɖù jɛ́ɛ́ɔ̀ tòɛ̀ mɔɔ fɔ̀nɔ̀-hwòɖò ɖò ɓɛ́ ɔ dè ɔ sɔ̃ xwíɖíiɛ mɔɔ vɔ̀sì ɖò mɔɔ dyi-dyé-ɖɛ̀ɔ̀ mɔɔ ɔ kũ̀à-mú-nyùìn-kàɔ̀ jè cɛ̃ɛ. Sepóɛɖé nyɔ tɔ̀ɔ̀ ɓè mu dyɛ̀ sɔ̃ dyíi poùn ɖekè jèɛɛ, m̀ mɛ dyéìn gɔ̃̀-jù-wùɖù gbɛ̀i-gbɛ̀i ti. Nyɔ pàɖà mu ‘Geɖepɔɔ ɓàìn’ ɔ jù ké à gɔ̃̀-jù-wùɖùɔ̀ dyi sɛ́kɔ̃̀ 30 mɔɔ ɔ cɛ̃-kɔ̃ jù ní.—Híì 13:15.

Wɛ́ɖɛ́ ɓè: Ɓeɖe Kã́á-ɓòɖò-wɛ̀ɖɛ̀ ɓèɔ̀ ɖé múà mú. (Wɛ́ 147:1) Wa se dyɛ̀ m̀ ɖáa mu ɓɛ́ m̀ ké gɔ̃̀-jù-wùɖù tò ɖé dyí-poìn-poìn séín mú, jɛ́ɛ́ kɛɛ ɖé dyí-poìn-kpòò vɛ̀nɛ̀ ɖò mú, kɛɛ m̀ ɓɛ́ìn wɛ́ɖɛ́ ɓèɔ̀ ɓeɖe-ɓeɖe hwìɛ̀ kpáa ti séín. M̀ ɓɛ́ìn hwìɖìi poɛ̀n kà m̀ se ɓeɖeɛ dyuò nɔ̀mɔ̀ dyíin nyɛ. Kɛɛ, ɔ jù ké m̀ dyi ɔ nyɔ m̀ ɓɛ́ìn nyuɛ kɛɛ nyu ní, ɔ mu Jɛhova hwòɖò dyi dèìn! (2Kɔ̀ 8:12) M̀ ɓɛ́ìn ti dyéɛ dyììn ɖé wɛ́ɖɛ́ ɓèɔ̀ xwai-nyu-nyu mú ɖé taún.

Po VÍÐÒ nìà kɛ kũ̀à gbo, À Ɓóɖó-Sùàùn-Ðɛ̀ Ɓèɔ̀ Nì Dyúa Múɛń—Nyíí-Ðɛ̀ Mɔ̀à Wɛ́ɖɛ́ Kɛ, Wáká 1. Nìí, diè nyɔ ɓèɔ̀ dyi:

Ɓó à kpoo nìà zɛ̃̀ɛ̀ kɛɛ ti sùà ɓèɔ̀ ɓaɖaa, xwɛ̀ à nyuɛ ma tɛ̀mɛ̀ìn kà Jɛhova gbo ɓèɖèìn-ɓèɖèìn kpa ɖɛ kɛ́?