• Wɛ́ 108:9—Ðɛ́ ɓɛ́ìn Móà-ɓòɖòɔ̀ kè Geɖepɔɔ “mú-dèɖèìn-ɖɛ̀” dyí-poìn-poìnɔ̀ xwíníín jùɛ kɛ́? (it-2-E 420 ¶4)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

Ti ɓɛ́ Jɛhova ɖà ma Éézùɖùɛ̀-nyɔ̀ ɓè ɓɛ́ fã̀à dyíìn ma kà múin nyɛɛ gbàa ɖé Íjè-sòjà ɓéɖé kpé ɓèɔ̀ xwaún ɖé dyóó zĩ-zãɔ̀ wĩín nyɛɛ, ɔ nyɔ ɓèɔ̀ po ma ɔ zùo ɖé wɛ́ɖɛ́ mú. (Ɛ́sé 15:​1-19) Gàa ɓèɔ̀ mɔ̀ nyɔ dè ma wɛ́ɖɛ́ ɖìè nìà kɛ ɓeɖe-ɓeɖe gbɔ. (Ɛ́sé 15:21) Jízɛ̀ kè Kɛ́ɖɛ́ì ɖeín-sí-nyɔ̀ ɓè nì ma kĩ́ín nyɛɛ ɓèɖèìn ma Geɖepɔɔ gbo. (Máf 26:30; Kɔ̀ 3:16) À po Jɛhova zùo tee dyììn ɖé wɛ́ɖɛ́ ɓeɖe-ɓeɖe mú ɖé à dyí-poìn-poìn ɓèɔ̀ mú ɔ kè Ɛ̀sámèɖè kè kɔ̃̀vɛ̃́sĩ̀ɔ̀ ɓè kɔ̃. Ɔ hwɔìn-kà, wɛ́ɖɛ́ à ɓeɖeà kàùn mɔ̀à, “À Po M̀ Zùo, Jɛhova” kɛɛ, à ɖúó ɔ ɓeɖeɛń dyí ɖé à dyí-poìn-poìn ɓèɔ̀ mú sɔ̀ìn 1966 gbo.

Ðé nyɔ-dù ɖíɛ́ ɓè hwìɛ̀ kɛɛ, gàa ɓè ɓɛ́ìn dɛ̃ peɖeɛ ɓɛ́ wa ké ɓèɖè ɖé nyɔ ɓè hwìɛ̀. Ðíɛ́ ɓè seɛ nyuɛ mɔ́, sepoɛɖe wa hwòɖò ɖá wa se wuɖu nɔ̀mɔ̀ dyíin ɓédé jè. Kɛɛ, ɔ mɛ nì à hwìɖìi kà ɓɛ́ ɖé à dyí-poìn-poìn ɓèɔ̀ mú ɓeɖe-ɓeɖe mɔ̀ à ɓiè-ɓièɔ̀ wáká ɖò kɛ. Jɛhovaa kpooɔ̀ po ɖé kpé pàɖà ɖé wɛ́ɖɛ́ nɔ̀mɔ̀ kɔ̃in ɓè nyu-nyu kè ɔ nyɔ à ké ɓeɖe ɖé dyí-poìn-poìn ɖò-ɖò múɛɛ gã-gã mú. À nììn kũ̀àɔ̀ fɛ̃́ìn xwa—ɔ mɔ̀ ɓɛ́ à ké à wuɖu ɓèɔ̀ dyí poìn, ɓɛ́ à ké à ɖɛ̀ɓɛ̀ìn-ɖɛ̀ɓɛ̀ìn kè à zùo-po-hwòɖòɔ̀ à dyɔún Ɓàɔ̀ dyí tɛ̀mɛ̀ìn.

Po VÍÐÒ nìà kɛ kũ̀à gbo, À Ɓóɖó-Sùàùn-Ðɛ̀ Ɓèɔ̀ Nì Dyúa Muɛń—Nyíí-Ðɛ̀ Mɔ̀à Wɛ́ɖɛ́ Kɛ, Wáká 2. Nìí, diè nyɔ ɓèɔ̀ dyi:

• Ðɛ́ mɔ̀ dyéɖé-gbo-dè-ɖɛ̀ ɖò ɓɛ́ ɔ kpá ma 1944 xwíníín nyɛ́?

  Nì gɔ̃̀-jù-wùɖùɔ̀

• Xwɛ̀ à ɖíí ɓè nì ma ɖé Sàbíɖà-ɓòɖòɔ̀ kɔ̃ɛɛ nyu ma waà zùo-po-hwòɖò ɓó Kã́á-ɓòɖò-wɛ̀ɖɛ̀ ɓè ɓeɖe jè kɛɛ tɛ̀mɛ̀ìn nyɛ́?

  Nì gɔ̃̀-jù-wùɖùɔ̀

• Xwíníínɔ̀ nyɛ́ kɔ̃̀ jè ɓeɖe-ɓeɖe kpaà ɖɛ mìɔ ɖé Jɛhova Zàse ɓè gbo kɛ́?

  Nì gɔ̃̀-jù-wùɖùɔ̀