• Wɛ́ 64:3—Xwɛ̀ vɔ̀sì nìà kɛ nyu à kpéí poɛ ɓɛ́ à ké ɖɛín-ɖɛ̀ ɓè jè cɛ̃ teeɛ́? (w07-E 11/15 15 ¶6)

  Nì gɔ̃̀-jù-wùɖùɔ̀

• Ðɛ́ mɔ̀ zùùn kɔ́mɔ́-ɖɛ̀ ɓè sɔ̀ìn ɖé wíkì nìà kɛ Baɓo wuɖuún-zà-zàɔ̀ mú, ɓɛ́ nì mu mɔ́ùn ɓɛ́ m̀ ké jè cɛ̃ kɛ́?

  Nì gɔ̃̀-jù-wùɖùɔ̀

Jɛhovaa “ɖɛ̀ɓɛ̀ìn-ɖɛ̀ɓɛ̀ìn se-sèìn-naín-kɔ̃̀ɔ̀ ɓúá kpéín mìɔ.” (Wɛ́ 86:13) Wuɖu mɔ̀à “ɖɛ̀ɓɛ̀ìn-ɖɛ̀ɓɛ̀ìn se-sèìn-naín-kɔ̃̀” kɛɛ mɔ̀ ɖɛ̀ɓɛ̀ìn-ɖɛ̀ɓɛ̀ìn ɓɛ́ ɔ ɓá ɖɛ-gboi-kpɔ̃-kpɔ̃ kè jàà-nyu-nyu ɔ kè ɖɛ-kíɖí-nɛ́-nɛ́ dyíɛ. Ɔ mɔ̀ jàà kà ɓɛ́ Jɛhova tɛ̀mɛ̀ìn ɖɛ̀ɓɛ̀ìn-ɖɛ̀ɓɛ̀ìn nyɔùn séín dyíɛ, kɛɛ “ɖɛ̀ɓɛ̀ìn-ɖɛ̀ɓɛ̀ìn se-sèìn-naín-kɔ̃̀ɔ̀” dè ɖɛ̀ɓɛ̀ìn-ɖɛ̀ɓɛ̀ìn ɓɛ́ ɔ po wáká ɓó ɔ bìì kũ̀à-nyu-nyɔ̀ ɓè bììɛɛ mɛ, nyɔ ɓè ɓɛ́ ɔ kè wa kè ɓéɖé gbo-kpɔ̃ìn-kpɔ̃ìn jɛ́ɛ́ ɖòɛ. (Wɛ́ 33:18; 63:3; Jɔ̃́ɔ́ 3:16; Àpɔ́ 14:17) À ɓɛ́ìn à zùo-po-hwòɖò tɛ̀mɛ̀ìn ɓó Jɛhovaa ɖɛ̀ɓɛ̀ìn-ɖɛ̀ɓɛ̀ìn se-sèìn-naín-kɔ̃̀ɔ̀ jè dyììn ɖé ɔ ɖɛ̀ɓɛ̀ìn-ɖɛ̀ɓɛ̀ìn dyí-tɛ̀mɛ̀ìn-tɛ̀mɛ̀ìn mú ɖekè. Xwɛ̀ kɛ́? Dyììn ɖé ɔ wuɖu ɓèɔ̀ nyu-nyu mú, ké ɔ kpá wuɖu mɔ̀à “nyuɛ ɓɛ́ wa ké ní ɖeín-nà-nyɔ̀ ɓè jù” kɛɛ kɔ̃.—Máf 28:19; 1Jɔ̃́ɔ́ 5:3.

Po VÍÐÒ nìà kɛ kũ̀à gbo, Tɛ̀mɛ̀ìn Ðɛ̀ɓɛ̀ìn-Ðɛ̀ɓɛ̀ìn Se-Sèìn-Naín-Kɔ̃̀ɛ Ðé Wuɖu-Wáɖá-Kũ̀àɔ̀ Mú. Nìí, diè nyɔ ɓèɔ̀ dyi:

Xwɛ̀ ɖɛ̀ɓɛ̀ìn-ɖɛ̀ɓɛ̀ìn mu à kpéí poún ɓɛ́ à ké bɔ̃̀ nɔ̀mɔ̀ dyíinɔ̀ cɛ̃ ɔ jù ké

• à dyi sa níɛ́?

  Nì gɔ̃̀-jù-wùɖùɔ̀

• à dyi nyɔ-gbo-vɔ̃-vɔ̃ dyí dyé níɛ́?

  Nì gɔ̃̀-jù-wùɖùɔ̀

• à dyi wé séínɛ̀ ɖɛ ɓè gbo nàùn nììn nyɛ́?

  Nì gɔ̃̀-jù-wùɖùɔ̀