Báɓò-Cèè-Ðɛ̀ Jè Kɔ̃in-Zaìn-Zaìn Víɖò Ɓě
Ðɛ jɛ́ɛ́ ɓě ɓá Báɓò-cèè-ɖɛ̀ ɖò-ɖò ɓě jè dyíɛ.
Jɛ́nɛ́sì-Cèè-Ðɛ̀ɔ̀ Jè Kɔ̃in-Zaìn-Zaìn
Jɛ́nɛ́sì-cèè-ɖɛ̀ɔ̀ zaìn ɖɛ kpa ɖɛ ɓě ɓá kà nyɔǔn-dyù cĩ́-cĩ́ kè gǎ-dyé-dyé ɔ kè gĩɔ nyu ma gbɔ dèɛ̀ kɛɛ jè kɔ̃in.
Ɛ́séɖɔ̀-Cèè-Ðɛ̀ɔ̀ Jè Kɔ̃in-Zaìn-Zaìn
Dyé kà Gèɖèpɔ́ɔ̀ nyu ma Éézùɖùɛ̀-nyɔ̀ ɓěɔ̀ poɛ̀n ɖé gǐì-kũ̀à nyu-nyu xwaún ɖé Íjè kɛ kè kà ɔ nyu ma wa ɓóɖó-dù po wáká mú nyuɛ kɛ.
Ðìvéɖékɔ̀-Cèè-Ðɛ̀ɔ̀ Jè Kɔ̃in-Zaìn-Zaìn
Dyé kà Ðìvéɖékɔ̀ nyu Geɖepɔɔ mú-hwɛ̀-hwɛ̀ ɔ kè xwíníín kɔ̃̀ jè ɔ kpaa ɖɛ ɓɛ́ à mɔ̀ùn kéà mú hwɛ̀ kɛ jè kɔ̃in zaìn nyɛ.
Nɔ̀ɓà-Cèè-Ðɛ̀ɔ̀ Jè Kɔ̃in-Zaìn-Zaìn
Dyé kà ɔ kpa ɖɛ ɓɛ́ à ké Jɛhova wuɖu nyu kè ɓɛ̀ à ké nyɔ ɓè ɓɛ́ ɔ ɖàa gã ɓɛ́ wa ké ɔ nyɔ ɓèɔ̀ nàìn nyɛɛ kpéín dyéɛ.
Dìtɔ̀wáɖánámɛ̀-Cèè-Ðɛ̀ɔ̀ Jè Kɔ̃in-Zaìn-Zaìn
Dyé kà Jɛhovaa Gma ɓè ɔ nyí ma Éézùɖùɛ̀-nyɔ̀ ɓèɔ̀ kɛɛ nyu ɔ ɖɛ̀ɓɛ̀ìn-ɖɛ̀ɓɛ̀ìn tɛ̀mɛ̀ìn ɓó ɔ nyɔ ɓèɔ̀ bììɛ.
Jasúé-Cèè-Ðɛ̀ɔ̀ Jè Kɔ̃in-Zaìn-Zaìn
Dyé kà Éézùɖùɛ̀-ɓòɖòɔ̀ nyu ma ɓóɖó-dù tɔ̀ɔ̀ ɓè tóún ɖuɛ kè kà wa nyu ma pá ɓɛ́ Geɖepɔɔ nyí ma kà wa kɛɛ geɛ̀n nyɛ.
Tɔ̀ɔ̀-Ɓìɔ̀-Cèè-Ðɛ̀ɔ̀ Jè Kɔ̃in-Zaìn-Zaìn
Wa dèìn céè-ɖɛ̀ ɓɛ́ ɔ cɛ̃ ɖɛ ɓè kpá ma kɛɛ gàa ɓéɖé hwìɖìì-taɓa-taɓa ɓè ɓɛ́ Geɖepɔɔ nyùìn ma kũ̀à mú ɓó Éézùɖùɛ̀-nyɔ̀ ɓèɔ̀ póìn jè sɔ̀ìn ɖé waà mú-nyɛ́-nyɔ̀ ɓèɔ̀ xwaún wɛ̃ɛ nyɛ́nɛ́.
Wuɖufí-Cèè-Ðɛ̀ɔ̀ Jè Kɔ̃in-Zaìn-Zaìn
Wuɖufí-cèè-ɖɛ̀ɔ̀ ɓá jàà ɖɛ̀ɓɛ̀ìn-ɖɛ̀ɓɛ̀ìn ɓɛ́ jɔ̀ɔ̀-màà-dyù-gmɔ̀ ɖò ɓéɖé ma ɓó ɔ dyú ɓà ɖe bììɛ kè kà Jɛhova nyu ma wa mana kɔ̃ poɛ kɛɛ jè dyí.
1 Sámíò-Cèè-Ðɛ̀ɔ̀ Jè Kɔ̃in-Zaìn-Zaìn
Dyé kà Éézùɖùɛ̀ nyu Tɔ̀ɔ̀-ɓìɔ̀ ɓè nàìn-kpè xwíɖíi-nì-nì gbo sɔ̀ɛ̀ìn ɓɛ́ wa ké kã́á ɓè nàìn-kpè xwíɖíi-nì-nì gbo muɛ.
2 Sámíò-Cèè-Ðɛ̀ɔ̀ Jè Kɔ̃in-Zaìn-Zaìn
Dyé kà Dèɓé mìɔùn-ɓíɖíi-dyà-dyà kè hwìɖìì-taɓa-taɓa nyuɛ ké ɔ jù ma mú-ɖɛ̀ɓɛ̀-nyɔ̀ kè nyɔ ɓɛ́ Baɓoɔ̀ cɛ̃ jè cá kɛ.
1 Kĩ́ìn-Cèè-Ðɛ̀ɔ̀ Jè Kɔ̃in-Zaìn-Zaìn
Dyé kà dĩ́ìn-dĩ̀ìn kè mana nyu ma Éézùɖùɛ̀-ɓòɖòɔ̀ kɔ̃ dyiɛ ti Sã́ɖómà mɔ̀ ma Kã́á kɛ ɔ kè kà Éézùɖùɛ̀-ɓòɖòɔ̀ nyu ma fũ̀à-fṹá-ɖɛ̀ ɓè dyí dyéɛ ké wa ge ma mú dú sɔ̃́ kɛ.
2 Kĩ́ìn-Cèè-Ðɛ̀ɔ̀ Jè Kɔ̃in-Zaìn-Zaìn
Dyé kà se geɖepɔɔ ɓiè-ɓiè nyu ma dyi hwɔɔ ɖé Éézùɖùɛ̀-ɓòɖòɔ̀ xwía kɛ kè kà Jɛhova nyu ma nyɔ xwéɖé-wè ɓè ɓɛ́ wa ɓiè ma ɔ hwòɖòɛ̀-ɖé-hwɛ̀-kà kɛɛ mana kɔ̃ poɛ kɛ.
1 Kánáníkɔ̀-Cèè-Ðɛ̀ɔ̀ Jè Kɔ̃in-Zaìn-Zaìn
Cɛ̃́ Dèɓéɛ̀ nììn ɓà nììn ɓà ɓè jè kè kà ɔ jù ma Kã́á ɓó Éézùɖùɛ̀-nyɔ̀ ɓèɔ̀ bìì ké ɔ fɛ̀ìn ma Geɖepɔɔ dyi sɔ̀ìn tia gbo ké ɔ mɛ́-mɛ́ dyɛ̀ìn nyɛɛ jè.
2 Kánáníkɔ̀-Cèè-Ðɛ̀ɔ̀ Jè Kɔ̃in-Zaìn-Zaìn
Dyé kà céè-ɖɛ̀ ɓáà Júɖà-kã̀à ɓèɔ̀ jè dyíɛɛ nɛ́ìn kpáná sɔ̀ìn ɖé Geɖepɔɔ wuɖu-nyu-nyu múɛɛ jè jìì kɔ̃ɛ.
Ɛ́zùɖùà-Cèè-Ðɛ̀ɔ̀ Jè Kɔ̃in-Zaìn-Zaìn
Jɛ̀hóvà kpɔ̃ ma ɔ nyɛ́nɛ́ín-ɖáìn-ɖɛ̀ɔ̀ gboi ɓá kà ɔ mu ma Júù-nyɔ̀ ɓěɔ̀ Báɓèɖɔ́ùn zàùn kè ɓɛ́ wa ké jǎà-ɓiè-ɓiè gbɔ dè ɖe ɖé Jùɖúsɛ̀ɖɛ̀ìn wɛ̃ɛ dyi.
Níòmádyà-Cèè-Ðɛ̀ɔ̀ Jè Kɔ̃in-Zaìn-Zaìn
Báɓò-cèè-ɖɛ̀ mɔ̀à Níòmádyà kɛ ɓéɖé cɛ̃́-ɖɛ̀ kpa ɖɛ ɓě ɓó jǎà ɓiè-nyɔ̀ ɓě nì zɛ̃̌ɛ̀ kɛɛ bìì.
Ɛsɔ́ɖɔ́-Cèè-Ðɛ̀ɔ̀ Jè Kɔ̃in-Zaìn-Zaìn
Ðɛ ɓě kpá ma ɖé Ɛsɔ́ɖɔ́ nììn tiín nyɛɛ mu nì hwìɖǐǐ-taɓa-taɓa ɖé Jɛ̀hóvà Gèɖèpɔ́ɔ̀ múɛɛ dyi kuìn, kà ɓɛ́ ɔ ɓéɖé kpé ɓɛ́ ɔ ké ɔ nyɔ ɓě nì zɛ̃̌ɛ̀ mú-dɔ̃̌-dɔ̃̌ dyí dyéɛń nyɛɛ póìn nyɛ.
Jóɓò-Cèè-Ðɛ̀ɔ̀ Jè Kɔ̃in-Zaìn-Zaìn
Nyɔ séín ɓě ɖɛ̀ɓɛ̀à Jɛ̀hóvà múɛɛ mu mú-dɔ̃̌-dɔ̃̌ dyí dyéìn. Jóɓò-cèè-ɖɛ̀ɔ̀ nyí nyɔ hwòɖǒ-kɔ̃-dè-ɖɛ̀ kà nyɔ ɓɛ́ìn dyí sɛ́ɖɛ́ǐn ɓɛ́ nyɔ ké Jɛ̀hóvàà nyɔ-nàìn-nàìnɔ̀ gboi kpɔ̃ɔ kɛ.
Wɛ́ɖɛ́-Cèè-Ðɛ̀ɔ̀ Jè Kɔ̃in-Zaìn-Zaìn
Wɛ́ɖɛ́-cèè-ɖɛ̀ɔ̀ dè Jɛ̀hóvà nyɔ-nàìn-kpéɔ̀ sɔ̃ xwíɖíi, ɔ dè nyɔ ɓě ɓɛ́ wa ɖɛ̀ɓɛ̀ ɔ múɛɛ hwòɖǒ dyi ké ɔ tɛ̀mɛ̀ìn kà ɓóɖó-kpàà mú gbo zĩàìn dyììn ɖé Gèɖèpɔ́ɔ̀ Kã́á-ɓòɖòɔ̀ múɛ.
Nɔ́ɔ́-Cèè-Ðɛ̀ɔ̀ Jè Kɔ̃in-Zaìn-Zaìn
Dyé hwìè-da-zà-zà sɔ̀ìn ɖé Gèɖèpɔ́ɔ̀ gboɛ ɓó nì cĩ́-cĩ́ gànáà bìì—sɔ̀ìn bézĩ̀ìn gbo kéà xwéɖé-dù jè gbo muɛ.
Ìkíɖísìásì-Cèè-Ðɛ̀ɔ̀ Jè Kɔ̃in-Zaìn-Zaìn
Kã́á Sã́ɖómà cɛ̃ ɖɛ ɓě kpaa ɖɛ ɖé à cĩ́-cĩ́ɔ̀ múɛɛ jè ké ɔ cɛ̃ ɖɛ ɓě kòà ɓó ɓóɖó-kpàà nììn hwòɖǒ-fɔ̀nɔ̀-fɔ̀nɔ̀ gboɛɛ jè ɖekè.
Sã́ɖómàà Wɛ́ɖɛ́-Cèè-Ðɛ̀ɔ̀ Jè Kɔ̃in-Zaìn-Zaìn
Wa ɖáìn ɖɛ̀ɓɛ̀ǐn-ɖɛ̀ɓɛ̀ǐn se sèìn náín kɔ̃̀ ɓɛ́ Súɖàùn-màà ɓéɖé ma ɓó ɓáɖáá-dyí-gmɔ̀-nyɔ̀ɔ̀ bììɛɛ “Jɛ̀hóvàà nyɛ-mì.” Ðɛ́ kɔ̃̀ jèɛ́?
Àzédyà-Cèè-Ðɛ̀ɔ̀ Jè Kɔ̃in-Zaìn-Zaìn
Àzédyà mɔ̀ céè-ɖɛ̀ ɓɛ́ ɔ ɓéɖé kpáá-ɖɛ̀ ɓɛ́ ɔ mɔ̀ jǎà ké ɔ ɓɛ́ìn à hwìɖǐǐ-taɓa-taɓaɔ̀ dyi kuɛìn ɖé Jɛ̀hóvà mú kà ɔ mɔ̀ à póìn-nyɔ̀ ké ɔ mu ɖɛ ɓě ɓɛ́ ɔ ɖáìn à nyɛ́nɛ́ín nyɛɛ nyuùn wɛ̃.
Jɛ̀ɖèmádyà-Cèè-Ðɛ̀ɔ̀ Jè Kɔ̃in-Zaìn-Zaìn
Jɛ̀ɖèmádyà nyu ma ɔ kpáá-ɖɛ̀-cɛ̃-kũ̀àɔ̀ hwòɖǒ-kɔ̃-dè-kà kɛbì ɔ mɛ dyé ma ti kàmàǔn-kàmàǔn dyíɛ. Poɛ̀n hwìɖǐi ɖɛ ɓɛ́ìn ɔ dyí-tɛ̀mɛ̀ìn-ɖɛ̀ɔ̀ xwíníín jǔɛ ɓó Kɛ́ɖɛ́ì ɖeín-sí-nyɔ̀ ɓě bìì zɛ̃̌ɛ̀ kɛ.
Vĩ̌-Wùɖù-Cèè-Ðɛ̀ɔ̀ Jè Kɔ̃in-Zàìn-Zàìn
Kpáá-ɖɛ̀-cɛ̃-nyɔ̀ Jɛ̀ɖèmádyà mɔ̀ nyɔ céèɛ̀, vĩ̌-wùɖù-cèè-ɖɛ̀ɔ̀ cɛ̃ wìì-ɖɛ̀ ɓá Jùɖúsɛ̀ɖɛ̀ìn mú gbɔɔ̀ jè dyí, ké ɔ tɛ̀mɛ̀ìn kà kpeɖe gbà dyi-táà-táà dya Gèɖèpɔ́ɔ̀ nyɔǔn wìǐn dyé-dyé kɛ.
Ìzíkìò-Cèè-Ðɛ̀ɔ̀ Jè Kɔ̃in-Zàìn-Zàìn
Ìzíkìò ku ma hwòɖǒ ké ɔ nyu ma kũ̀à séín ɖò ɓɛ́ Gèɖèpɔ́ɔ̀ nyí ma ɔ kɛ kɛbì ɔ mɛ kàmà ma múɛ. Ðɛ ɓě ɔ nyu ma kɛ kpa ɖɛ ɓó à bìì zɛ̃̌ɛ̀.
Dànyá-Cèè-Ðɛ̀ɔ̀ Jè Kɔ̃in-Zaìn-Zaìn
Dànyá kè ɔ mùě ɓěɔ̀ sè ma Jɛ̀hóvà kíɖíí ɖé ɖɛ séín mú. Waà nyuu-ɖɛ̀ kè kpáá-ɖɛ̀ jǎà-kpá-kpá ɓɛ́ìn à kpáná dyí nyuɛ kàǔn ɖé wé hwɛ̀ìn gbɔ ɓěɛ̀ xwíníín.
Hòzéà-Cèè-Ðɛ̀ɔ̀ Jè Kɔ̃in-Zaìn-Zaìn
Hòzéàà kpáá-ɖɛ̀ɔ̀ ɓéɖé cɛ̃́ɛ́-ɖɛ̀ kpa ɖɛ ɓě ɓó à bìì zɛ̃̌ɛ̀ ɓá wìì ɓɛ́ Jɛ̀hóvà ɓéɖé ɓó ɖɛ-gbà-nyu-nyɔ̀ ɓě ɓɛ́ wa zĩàìn gboɛ kè ɓiè-kà ɓɛ́ ɔ mɔ́ kɛɛ jè dyí.
Jóɛ̀-Cèè-Ðɛ̀ɔ̀ Jè Kɔ̃in-Zaìn-Zaìn
Jóɛ̀ cɛ̃ ma “Jɛ̀hóvàà wéɔ̀” dyi jè, ké ɔ zà ma ɖɛ jɛ́ɛ́ ké à póìn nyɛɛ da. Ɔ kpáá-ɖɛ̀ɔ̀ mɔ̀ ɖɛ kpa ɖɛ ɖò cá zɛ̃̌ɛ̀.
Emɔ́-Cèè-Ðɛ̀ɔ̀ Jè Kɔ̃in-Zaìn-Zaìn
Jɛ̀hóvà nyùìn ma gàa ɓɛ́ ɔ dyà ɔ mìɔùn ɓíɖíí nìà kɛɛ kũ̀à mú ɓó kũ̀à kpa ɖɛ ɖò jè. Ðɛ́ mɔ̀ cɛ̃́ɛ́-ɖɛ̀ kpa ɖɛ ɓě ɓɛ́ à ɓɛ́ìn cɛ̃ɛ sɔ̀ìn ɖé Emɔ́ɛ̀ nyuu-ɖɛ̀ ɓěɔ̀ múɛ́?
Òbòdádyà-Cèè-Ðɛ̀ɔ̀ Jè Kɔ̃in-Zaìn-Zaìn
Ɔ mɔ̀ céè-ɖɛ̀ xwã́ ɓoún ɖé Híìbúɖúù-cèè-ɖɛ̀ ɓěɔ̀ hwìɛ̀. Kpáá-ɖɛ̀ɔ̀ cɛ̃ hwòɖǒ-kɔ̃-dè-ɖɛ̀ kè Jɛ̀hóvàà kã́á-kpèɔ̀ jè.
Jónà-Cèè-Ðɛ̀ɔ̀ Jè Kɔ̃in-Zaìn-Zaìn
Kpáá-ɖɛ̀-cɛ̃-nyɔ̀ɔ̀ kpɔ̃ ma náún-po-wùɖù dyi, ké ɔ hwɔ̀ ma ɔ kũ̀àɔ̀ gbɔ, ké ɔ cɛ̃́ ma cɛ̃́ɛ́-ɖɛ̀ kpa ɖɛ ɖò ɓá Gèɖèpɔ́ɔ̀ ɖɛ̀ɓɛ̀ǐn-ɖɛ̀ɓɛ̀ǐn kè ɔ wìì jè dyí. Ðɛ ɓě ɔ mùìn ma múɛɛ mu nì hwòɖǒ-dyùàɔ̀ dyi tóùn.
Mákà-Cèè-Ðɛ̀ɔ̀ Jè Kɔ̃in-Zaìn-Zaìn
Kpáá-ɖɛ̀ sɔ̀ìn ɖé Gèɖèpɔ́ɔ̀ gbo nìà kɛɛ ɓɛ́ìn à jǎà-po-poɔ̀ dyi kùɛ̀n kà ɓɛ́ ɖɛ ɓě ɓɛ́ Jɛ̀hóvà mɔ́ à ké nyuɛɛ se xwa ku, ké wa nyu à kpáná dyíɛ.
Néhɔ̃̀-Cèè-Ðɛ̀ɔ̀ Jè Kɔ̃in-Zaìn-Zaìn
Kpáá-ɖɛ̀ɔ̀ nyuɛ ké à dèɛ̀ hwòɖǒ kɔ̃ kà Jɛ̀hóvà nyu ɖɛ ɓě ɔ cɛ̃ kɛɛ ti séín kè kà ɔ tò hwòɖǒ-dyi-dè-dè ɓó nyɔ séín ɓɛ́ wa mɔ́ gìɖìǐ kè pó-pó dyi ɖé ɔ kã́á-ɓòɖòɔ̀ xwíɖíiɛɛ bììɛ.
Hàbákù-Cèè-Ðɛ̀ɔ̀ Jè Kɔ̃in-Zaìn-Zaìn
À dèɛ̀ hwòɖǒ kɔ̃ kà Jɛ̀hóvà dyuò ti kè kà nɔ̀mɔ̀ dyíin séín ɔ ké ɔ nyɔ ɓěɔ̀ póìn nyɛɛ dyíɛ.
Zɛ́fènádyà-Cèè-Ðɛ̀ɔ̀ Jè Kɔ̃in-Zaìn-Zaìn
Xwíníínɔ̀ nyɛ́ kɔ̃̀ jè à mɛ ɓɔ́ɔ hwìɖǐi poɛ̀ìn kà ɓɛ́ Jɛ́hóvà wéɔ̀ se dyiɛ́ mu kɛ́?
Hágàì-Cèè-Ðɛ̀ɔ̀ Jè Kɔ̃in-Zaìn-Zaìn
Kpáá-ɖɛ̀ɔ̀ nɛ̀ìn Gèɖèpɔ́ɔ̀ ɓiè-ɓiè ɖé nyɔ-mìɔùn-nììn-mɔ́ɔ́-ɖɛ̀ kɔ̃in nyɛɛ jìì kɔ̃.
Zɛ́kɔ̀wáɖádyà-Cèè-Ðɛ̀ɔ̀ Jè Kɔ̃in-Zaìn-Zaìn
Dyí-tɛ̀mɛ̀ìn-ɖɛ̀ ɓě kè kpáá-ɖɛ̀ pàɖǎ ɓě kùìn ma Gèɖèpɔ́ɔ̀ nyɔ ɓěɔ̀ dyi ɖé ti sùà mú. Kpáá-ɖɛ̀ dyúáɖò ɓě nìà kɛɛ nìɛ̀ à tɛ̀mɛ̀ǐn jɛ́ɛ́ kà Jɛ̀hóvà nì à gbo kpáauń zɛ̃̌ɛ̀ kɛ.
Máɖékà-Cèè-Ðɛ̀ɔ̀ Jè Kɔ̃in-Zaìn-Zaìn
Ɔ mɔ̀ kpáá-ɖɛ̀ ɓá Jɛ̀hóvàà gma ɓě ní zàìn dyí kè wìì ɔ kè ɖɛ̀ɓɛ̀ǐn-ɖɛ̀ɓɛ̀ǐn nyɛɛ jè dyí. Kpáá-ɖɛ̀ tɛ̀mɛ̀ìn à cɛ̃́ɛ́-ɖɛ̀ kpa ɖɛ ɓě ɓá ɖɛ ɓě nì kpáuń zɛ̃̌ɛ̀ kɛɛ jè dyí.
Máfíò-Cèè-Ðɛ̀ɔ̀ Jè Kɔ̃in-Zaìn-Zaìn
Kpáìn jǎà ɓě ɓá céè-ɖɛ̀ ɓɛ́ ɔ mɔ̀à céè-ɖɛ̀ hĩinyɛ ɓě mɔ̀à Bɔ̃̌-Ɓá-Jízɛ̀-Jè-Dyíɛ kĩ́ín nyɛ jè dyíɛɛ cɛ̃́-cɛ̃́ múàǔn dyi.
Máà-Cèè-Ðɛ̀ɔ̀ Jè Kɔ̃in-Zaìn-Zaìn
Ɔ xwã́ ɓoún ɖé céè-ɖɛ̀ hĩinyɛ ɓě mɔ̀à Bɔ̃̌ Ɓáà Jízɛ̀ Jè Dyíɛɛ hwìɛ̀, Máà tɛ̀mɛ̀ìn kà Jízɛ̀ mu nyɔ wuɖuí kɔ̃̀ɔ̀ nyuùn ɖé Gèɖèpɔ́ɔ̀ Kã́á-ɓòɖòɔ̀ múɛ.
Ðúù-Cèè-Ðɛ̀ɔ̀ Jè Kɔ̃in-Zaìn-Zaìn
Ðɛ́ mɔ̀ ɖɛ ɓě ɓɛ́ Ðúù-cèè-ɖɛ̀ɔ̀ ɖòùn ɓéɖé ɓɛ́ céè-ɖɛ̀ tɔ̀ɔ̀ ɓě se ɓéɖéɛ́?
Jɔ̃́ɔ́-Cèè-Ðɛ̀ɔ̀ Jè Kɔ̃in-Zaìn-Zaìn
Jɔ̃́ɔ́ nììn nɔ́ɔ̀ nɛ́ìn Jízɛ̀ɛ̀ ɖɛ̀ɓɛ̀ǐn-ɖɛ̀ɓɛ̀ǐn ɓó nyɔǔn bììɛ kè ɔ mìɔùn ɓíɖíi-dyà-dyà ɔ kè kà ɔ mɔ̀ Mɛ̀sádyà—mɔ̀à Kã́á ɓó Gèɖèpɔ́ɔ̀ Kã́á-ɓòɖòɔ̀ bììɛɛ jìì kɔ̃.
Àpɔ́sò-Cèè-Ðɛ̀ɔ̀ Jè Kɔ̃in-Zaìn-Zaìn
Kɛ́ɖɛ́ì ɖeín-sí-nyɔ̀ ɓě nì ma kĩ́ín nyɛɛ nyu ma kũ̀à kóɖó-kóɖó ɓɛ́ wa kéɛ nyu ɓɛ́ nyɔ ɓě ké ɖeín-nà-nyɔ̀ jǔ ɖé ɓóɖó-kpàà dà séín. Báɓò-cèè-ɖɛ̀ mɔ̀à Àpɔ́sò kɛɛ ɓɛ́ìn m̀ kpéí poɛ ɖé nì Gèɖèpɔ́ɔ̀-wùɖù-wáɖá-kũ̀àɔ̀ mú.
Wóɖómà-Cèè-Ðɛ̀ɔ̀ Jè Kɔ̃in-Zaìn-Zaìn
Wuɖu ɓá Jɛ̀hóvàà nyɔ séín mú ɖɛ̀ɓɛ̀-ɖɛ̀ɓɛ̀ kè kà Jízɛ̀ hwìɖǐǐ-taɓa-taɓa nyu ɖɛ kpaa kɛ jè dyíɛ.
1 Kɔ̀ɖéíntĩ̀ɔ̀-Cèè-Ðɛ̀ɔ̀ Jè Kɔìn-Zaìn-Zaìn
Pɔ́ɔ̀ céè-ɖɛ̀ɔ̀ ɓéɖé náún-po-wùɖù ɓá gbo kpɔ̃ìn jè kè kpeɖeɛ̀-mú-hwɛ̀ jè kè ɖɛ̀ɓɛ̀ǐn-ɖɛ̀ɓɛ̀ǐn se mánáín-hwɛ̀-hwɛ̀ kɔ̃̀ɛɛ ɔ kè gĩɔ wóɖó jè.
2 Kɔ̀ɖéíntĩ̀ɔ̀-Cèè-Ðɛ̀ɔ̀ Jè Kɔ̃in-Zaìn-Zaìn
Jɛ̀hóvà mɔ̀à “nyɔ-wìì-kɔ̃-ɓéɖé-Ɓǎ” kɛɛ kùìn ɔ nyɔ ɓěɔ̀ dyi.
Gàɖézìà-Cèè-Ðɛ̀ɔ̀ Jè Kɔ̃in-Zaìn-Zaìn
Gàɖézìà-cèè-ɖɛ̀ ɓɛ́ Pɔ́ɔ̀ céè ma kɛɛ kpá ɖɛ ke, kà dyúáɖò ɔ nyuǒ zɔ̀ɔ nìɛ̀ kɛ ke. Ɔ ɓɛ́ìn jǎà kɛ́ɖɛ́ì ɖeín-sí-nyɔ̀ séín ɓě gbo kpáa ɓɛ́ wa ké dyi ku.
Ìfísĩ̀ɔ̀-Cèè-Ðɛ̀ɔ̀ Jè Kɔ̃in-Zaìn-Zaìn
Céè-ɖɛ̀ nìà kɛ taɓa Gèɖèpɔ́ɔ̀ hwòɖǒɛ̀-gbɔ-po-ɖɛ̀ ɓó gìɖìǐ kè gbo-kpɔ̃in jè dyììn ɖé Jízɛ̀ kɛ́ɖɛ́ì múɛɛ jè jìì.
Fèɖópĩ̀ɔ̀-Cèè-Ðɛ̀ɔ̀ Jè Kɔ̃in-Zaìn-Zaìn
À dyi dyi ku ɖé à gǎ-dyé-dyéɔ̀ múin, à ɓɛ́ìn nyɔ tɔ̀ɔ̀ ɓě kpéí poɛ ɓɛ́ wa ké dyi ku ɖekè.
Kɔ̀ɖɔ́sĩ̀à-Cèè-Ðɛ̀ɔ̀ Jè Kɔ̃in-Zaìn-Zaìn
À ɓɛ́ìn Jɛ̀hóvà hwòɖǒ dyi dèɛ dyììn ɖé ɖɛ à cɛ̃́ɛɛ nyu-nyu mú kè dyììn ɖé nyɔ tɔ̀ɔ̀ ɓě kɔ̃in-zĩ̀ìn-zĩ̀ìn mú ɔ kè dyììn ɖé Jízɛ̀ Kɛ́ɖɛ́ì kpéɔ̀ jè dyuò-dyuò mú.
1 Tɛ̀sàɖónìà-Cèè-Ðɛ̀ɔ̀ Jè Kɔ̃in-Zaìn-Zaìn
À ɓéɖé ɓɛ́ à ké ɓɛ́ɖɛ́ kɔ̃ nì kè ɓɛ́ à ké ‘ɖɛ séín mú dɔ̃̌ kè ɓɛ́ à ké ɓaà tee’ ɔ kè ɓɛ́ à ké kpéí poìn pòìn.
2 Tɛ̀sàɖónìà-Cèè-Ðɛ̀ɔ̀ Jè Kɔ̃in-Zaìn-Zaìn
Pɔ́ɔ̀ sɛ́ɖɛ́ìn ma wa hwìɖǐi-poìn-poìnɔ̀ dyí ɓá Gèɖèpɔ́ɔ̀ zaa-wɔ̃-po-wèɔ̀ jè dyí ké ɔ po ma ɖíí ɓěɔ̀ kpéí ɓɛ́ wa ké dyi nyànà cá ɖé jǎàɔ̀ múɛ.
1 Tímétè-Cèè-Ðɛ̀ɔ̀ Jè Kɔ̃in-Zaìn-Zaìn
Àpɔ́sò Pɔ́ɔ̀ céè ma 1 Tímétè-cèè-ɖɛ̀ɔ̀ ɓɛ́ ɔ ké kà ɖɛ ɓě kɔ̃̀ wa ké nìɛ̀ nyu ɖé dyí-poìn-kpòɔ̀ múɛɛ tɛ̀mɛ̀ìn kè ɓɛ́ ɔ ké wa náún po ɓó se-ɖɛ̀ ɓě tɛ̀mɛ̀ìn jè ɔ kè ɓɛ́ wa ké wíɖí mú ɖɛ̀ɓɛ̀ jè dyi táà kɛ.
2 Tímétè-Cèè-Ðɛ̀ɔ̀ Jè Kɔ̃in-Zaìn-Zaìn
Pɔ́ɔ̀ pó Tímétè kpéí ɓɛ́ ɔ ké bɔ̃̌ nɔ̀mɔ̀ dyíin kpa-kũ̀àɔ̀ nyu wé séín.
Tátɔ̀-Cèè-Ðɛ̀ɔ̀ Jè Kɔ̃in-Zaìn-Zaìn
Céè-ɖɛ̀ ɓɛ́ Pɔ́ɔ̀ céè ma kà Tátɔ̀ gboɛɛ cɛ̃ fũ̀à-fṹá-ɖɛ̀ ɓě nìà ɖé Kíɖíì dyí-poìn-kpò ɓěɔ̀ múɛɛ jè ké ɔ cɛ̃ ɖɛ ɓě gàa ɓě ɓɛ́ìn kpéɛ kɔ̃̀ wa ké nyu ɓɛ́ wa ké ɛ́ɖɔ̀ ɓě jǔɛɛ jè.
Fàɖímɔ̀-Cèè-Ðɛ̀ɔ̀ Jè Kɔ̃in-Zaìn-Zaìn
Céè-ɖɛ̀ xwã́-xwã́ nìà kɛ ɓéɖé cɛ̃́ɛ́-ɖɛ̀ kpa ɖɛ ɓě ɓá nyɔ mìɔùn ɓíɖíi dyà jè kè hwòɖǒ kɔ̃in nɔ̀mɔ̀ jè ɔ kè kɔ̃in zĩ̀ìn jè dyí.
Híìbúɖúù-Cèè-Ðɛ̀ɔ̀ Jè Kɔ̃in-Zaìn-Zaìn
Kɛ́ɖɛ́ì ɖeín-sí-nyɔ̀ ɓíè-ɓíè ɓá ɖɛ kpa ɖɛ cá ɓě dyí ké ɔ zi po-ɖɛ̀ ɓě à dyéà kɛɛ kè nyúà-ɖɛ̀ sáǎ-zà-zà ɓě dyí.
Jĩ́ìn-Cèè-Ðɛ̀ɔ̀ Jè Kɔ̃in-Zaìn-Zaìn
Jĩ́ìn nyùìn ma ɖɛ ɓě à ɓɛ́ìn dyéɛ kɛɛ kũ̀à mú, ɓɛ́ ɔ ké Kɛ́ɖɛ́ì ɖeín-sí-nyɔ̀ ɓě náún-po-wùɖù kpa ɖɛ ɓě nyí.
1 Píɖɛ̀-Cèè-Ðɛ̀ɔ̀ Jè Kɔ̃in-Zaìn-Zaìn
Píɖɛ̀ céè-ɖɛ̀ kĩ́ín-kĩ́ínɔ̀ po à séín kpéí, ɓɛ́ à ké kũ̀à nyu kóɖó-kóɖó kè ɓɛ́ à ké à hwòɖǒ-dyií-gbǎìn-ɖɛ̀ séín ɓěɔ̀ Géɖèpɔ́ɔ̀ xwa nyí.
2 Píɖɛ̀-Cèè-Ðɛ̀ɔ̀ Jè Kɔ̃in-Zaìn-Zaìn
Píɖɛ̀ po à kpéí ɖé ɔ cèè-ɖɛ̀ sɔ̃́ nììnɔ̀ mú ɓɛ́ à ké hwòɖǒ-kɔ̃-dè-nyɔ̀ ɓě jǔ kà à nìà dyɔɔ̀ ɖièɔ̀ kè ɓóɖó-kpà ɖièɔ̀ fòèɛ̌n nyɛ.
1 Jɔ̃́ɔ́-Cèè-Ðɛ̀ɔ̀ Jè Kɔ̃in-Zaìn-Zaìn
Jɔ̃́ɔ́ɛ̀ céè-ɖɛ̀ɔ̀ po à náún ɓɛ́ à ké Kɛ́ɖɛ́ì gbo-vɔ̃-nyɔ̀ ɓě dyí ɓáɖáìn, ké ɔ kpá à gbo ɓɛ́ à ké ɖɛ ɓě ɓɛ́ à ké mú ɖɛ̀ɓɛ̀ɛ̀ kè ɖɛ ɓě à mɛ ɓɔ́ mú ɖɛ̀ɓɛ̀ɛ̀ kɛɛ dyí dyuò.
2 Jɔ̃́ɔ́-Cèè-Ðɛ̀ɔ̀ Jè Kɔ̃in-Zaìn-Zaìn
Jɔ̃́ɔ́ɛ̀ céè-ɖɛ̀ɔ̀ sɔ̃́ nììnɔ̀ cɛ̃ɛ à gbo kà à mɛ cĩ́ ɖé jǎàɔ̀ múɛ ɔ kè kà à mɛ ɓàɖàìn nyɔ-cá-nyɔ̀ ɓě dyíɛ.
3 Jɔ̃́ɔ́-Cèè-Ðɛ̀ɔ̀ Jè Kɔ̃in-Zaìn-Zaìn
Jɔ̃́ɔ́ɛ̀ céè-ɖɛ̀ tã nììnɔ̀ tɛ̀mɛ̀ìn à cɛ̃́ɛ́-ɖɛ̀ nɔ̀mɔ̀ dyíin ɖò ɓɛ́ Kɛ́ɖɛ́ì ɖeín-sí-nyɔ̀ ɓě mɛ ɓéɖéɛ, ɔ mɔ̀, ɖéè jè dyi-kpɔ̃-kpɔ̃.
Júɖè-Cèè-Ðɛ̀ɔ̀ Jè Kɔ̃in-Zaìn-Zaìn
Ɔ nyuɛ ma ɓɛ́ Kɛ́ɖɛ́ì ɖeín-sí-nyɔ̀ ɓěɔ̀ ké nyɔ ɓě dyàa se-ɖɛ-tɛ̀mɛ̀ìn-tɛ̀mɛ̀ìn kè kpeɖe gbà ɓě kɛɛ dyí dyuò.
Wɛ̀ɖɛ̀ɓèɖésĩ̀ɔ̀-Cèè-Ðɛ̀ɔ̀ Jè Kɔ̃in-Zaìn-Zaìn
Dyí-tɛ̀mɛ̀ìn-ɖɛ̀ ɓě nìà Wɛ̀ɖɛ̀ɓèɖésĩ̀ɔ̀-cèè-ɖɛ̀ɔ̀ múɛɛ dè kà Gèɖèpɔ́ɔ̀ Kã́á-ɓòɖòɔ̀ mu Gèɖèpɔ́ɔ̀ mɔ́ɔ́-ɖɛ̀ ɓá nyɔǔn kè ɓóɖó-kpàà jè dyíɛɛ jǎà kpá jè mɛ kɛ.
