Wɛ́ɖɛ́ 149
À Po Jɛ̀hóvà Zùo Ɓó Mú-Gbǎàìn-Ðɛ̀ɔ̀ Jè
Zàà Ðúú Kɔ̃:
-
Zɛ̃̌ɛ̀ kɛɛ, Jɛ̀hóvà,
à nyànà ɓó nì zèèɔ̀ dyúa,
Sepóɛɖé m̀ tɛ̀mɛ̀ìn ɖɛ̀ɓɛ̀ǐn-ɖɛ̀ɓɛ̀ǐn
ké ɔ zi nyɔ séín dyí.
M̀ tò nì ɖɛ̀ɓɛ̀-dyùɔ̀ fɛ̀ɛ̀ɔ̀
ɓɛ́ à ké cĩ́.
Sáa-zà-zà ɖò se ɖɛ kpa fɔɔ
ɓɛ́ ɔ kéɛ dyí zi.
(WƆ̃́ÌN-WƆ̃́ÌN)
Ɔ tò ɔ fɛ̀ɛ̀ɔ̀ ɓɛ́ à ké pó.
Ɔ nyɔmɔɔ kpa ɖɛɔ̀ kaà ma hwìèɔ̀.
À po m̀ zùo
ɓó sè-ná-sèɛ̀ tiín ɖé hwòɖǒ wáɖáá mú.
-
Jízɛ̀ hwòɖǒ wɔ̃́ ma, ké ɔ nyu
ma sáa-zà-zàɔ̀.
Ðé ɖɛ̀ɓɛ̀ǐn-ɖɛ̀ɓɛ̀ǐn múɛɛ, ɔ fɛ̀ɛ̀ɔ̀ mɔ̀
ɖɛ ɓɛ́ ɔ pɛ́ɛ̀ ma kɛ.
Hwòɖǒ-kɔ̃-dè-ɖɛ̀ ɖò se ma
nì, kɛɛ ɔ póìn nyɔǔn.
Kàǔn wɛ̃ɛ, à dè fɛ̀ɛ̀ hwòɖǒ kɔ̃,
ké à ɖǎ gĩɔ xwaún pó.
(WƆ̃́ÌN-WƆ̃́ÌN)
Ɔ tò ɔ fɛ̀ɛ̀ɔ̀ ɓɛ́ à ké pó.
Ɔ nyɔmɔɔ kpa ɖɛɔ̀ kaà ma hwìèɔ̀.
À po m̀ zùo
ɓó sè-ná-sèɛ̀ tiín ɖé hwòɖǒ wáɖáá mú.
(Dyé Híì. 9:13, 14; 1 Pí. 1:18, 19 ɖekè.)
