WƐ́ÐƐ́ 18
À Po Jɛ̀hóvà Zùo Ɓó Mú-Gbǎàìn-Ðɛ̀ɔ̀ Jè
-
1. Zɛ̃̌ɛ̀ kɛɛ, Jɛ̀-hó-và,
à nyànà ɓó nì zèè-ɔ̀ dyúa,
Se-póɛ-ɖé m̀ tɛ̀mɛ̀ìn ɖɛ̀ɓɛ̀ǐn-ɖɛ̀ɓɛ̀ǐn
ké ɔ zi nyɔ séín dyí.
M̀ tò nì ɖɛ̀ɓɛ̀-dyù-ɔ̀ fɛ̀ɛ̀-ɔ̀
ɓɛ́ à ké cĩ́.
Sáa-zà-zà ɖò se ɖɛ kpa fɔɔ
ɓɛ́ ɔ kéɛ dyí zi.
(WƆ̃́ÌN-WƆ̃́ÌN)
Ɔ tò ɔ fɛ̀ɛ̀ɔ̀ ɓɛ́ à ké pó.
Ɔ nyɔ-mɔɔ kpa ɖɛɔ̀ kaà ma hwìèɔ̀.
À po m̀ zùo
ɓó sè-ná-sè-ɛ̀ tiín ɖé hwòɖǒ wáɖáá mú.
-
2. Jí-zɛ̀ hwòɖǒ wɔ̃́ ma, ké ɔ nyu
ma sáa-zà-zàɔ̀.
Ðé ɖɛ̀ɓɛ̀ǐn-ɖɛ̀ɓɛ̀ǐn múɛɛ, ɔ fɛ̀ɛ̀ɔ̀ mɔ̀
ɖɛ ɓɛ́ ɔ pɛ́ɛ̀ ma kɛ.
Hwòɖǒ-kɔ̃-dè-ɖɛ̀ ɖò se ma
nì, kɛɛ ɔ póìn nyɔǔn.
Kàǔn wɛ̃ɛ, à dè fɛ̀ɛ̀ hwòɖǒ kɔ̃,
ké à ɖǎ gĩɔ xwaún pó.
(WƆ̃́ÌN-WƆ̃́ÌN)
Ɔ tò ɔ fɛ̀ɛ̀ɔ̀ ɓɛ́ à ké pó.
Ɔ nyɔ-mɔɔ kpa ɖɛɔ̀ kaà ma hwìèɔ̀.
À po m̀ zùo
ɓó sè-ná-sè-ɛ̀ tiín ɖé hwòɖǒ wáɖáá mú.
(Dyé Híì. 9:13, 14; 1 Pí. 1:18, 19 ɖekè.)
