WƐ́ÐƐ́ 38
Ɔ Mu M̀ Dyi Kùìn
-
1. Jɛ-ho-va Geɖe-pɔɔ dyà ma jààɔ̀ m̀ gbo ké ɔ
Zà ma m̀ tíe-kpòɔ̀ mú ɓó xwíníín ɖò jè.
Ðé nì hwòɖòɔ̀ bũɛɛ ɔ dyéɛ kà m̀ nìɛ̀ ma mɔ́uń xwéé,
Ɓɛ́ m̀ ké ɔ jè dyuò kè ɔ kpeɖe nyuɛ.
M̀ cɛ̃ɛ ma kà nì mu ɔ wuɖu nyuùn wɛ̃.
Ɔ kpá ma m̀ gbo, ké ɔ muɛ nyuùn tee.
(WƆ̃́ÌN-WƆ̃́ÌN)
Ké dyììn ɖé Jí-zɛ̀ɛ̀ nyɔmɔɔ̀ múɛɛ,
M̀ mɔ̀a Geɖe-pɔɔ kɔ̃̀ɔ̀-ɖɛ̀.
Ɔ mìɔùn mu m̀ dyi kùìn,
Ké ɔ mu m̀ kpé nyíìn.
Ɔ mu m̀ dyí gmɔ̀ùn ɖe-kè
Kà ɔ nyuà ti séín nyɛɛ.
Ɔ mìɔùn mu m̀ dyi kùìn,
Ké ɔ mu m̀ kpé nyíìn.
-
2. Geɖe-pɔɔ tò ma ɔ Dyú-gàà dyúá-ɖòɔ̀ ɓó m̀ bìì.
Ɔ jèɛɛ, ɔ mɔ́ ɓɛ́ m̀ kéɛ kpáná kɔ̃ún dyé.
Kà ɔ se ma sɔ̃ dɔ̀ ɓó ɔ Ðɛ̀ɓɛ̀-dyùɔ̀ tò jèɛɛ,
Nìí, poɛ jàà kà ɔ mu m̀ kpé nyíìn nyɛ.
Ké ɖɛ̀ɓɛ̀ìn-ɖɛ̀ɓɛ̀ìn ɓɛ́ m̀ ɓéɖéɛɛ jè nì ɔ hwìɖii.
Ɔ mu Ɔ nyɔ séín ɓèɔ̀ jè gbo kɔ̃̀ùn wɛ̃́ɛ́.
(WƆ̃́ÌN-WƆ̃́ÌN)
Ké dyììn ɖé Jí-zɛ̀ɛ̀ nyɔmɔɔ̀ múɛɛ,
M̀ mɔ̀a Geɖe-pɔɔ kɔ̃̀ɔ̀-ɖɛ̀.
Ɔ mìɔùn mu m̀ dyi kùìn,
Ké ɔ mu m̀ kpé nyíìn.
Ɔ mu m̀ dyí gmɔ̀ùn ɖe-kè
Kà ɔ nyuà ti séín nyɛɛ.
Ɔ mìɔùn mu m̀ dyi kùìn,
Ké ɔ mu m̀ kpé nyíìn.
(WƆ̃́ÌN-WƆ̃́ÌN)
Ké dyììn ɖé Jí-zɛ̀ɛ̀ nyɔmɔɔ̀ múɛɛ,
M̀ mɔ̀a Geɖe-pɔɔ kɔ̃̀ɔ̀-ɖɛ̀.
Ɔ mìɔùn mu m̀ dyi kùìn,
Ké ɔ mu m̀ kpé nyíìn.
Ɔ mu m̀ dyí gmɔ̀ùn ɖe-kè
Kà ɔ nyuà ti séín nyɛɛ.
Ɔ mìɔùn mu m̀ dyi kùìn,
Ké ɔ mu m̀ kpé nyíìn.
(Dyé Wóɖ. 8:32; 14:8, 9; Híì. 6:10; 1 Pí. 2:9 ɖekè.)
