SONG 62
Wɛ́ɖɛ́ Ðìèɔ̀
-
1. Ɓěa ɓèɖèìn Gèɖè-pɔ́ɔ̀ gbo. Ɓěa ɓàìn ɔ ɖé wɛ́ɖɛ́ ɖiè ɖò mú.
Cɛ̃ dĩ́ín-dĩ̀ìn-ɖɛ̀ ɓě ɔ nyuɛɛ jè ɖé nyɔ séín gbo.
Ɔ ɖòùn ɓéɖé kpé séín. Ɔ ɖòùn-ɖóùn mɔ̀ to-ɖu-Gèɖè-pɔ́ɔ̀.
Ɔ vɔ̃ dyí-sɛ́ɖɛ́ìn-ɖɛ̀ jè.
Ɔ po zaa wɔ̃ jǎà-kà.
(WƆ̃́ÌN-WƆ̃́ÌN)
Ɓeɖe, ɓeɖe, ɓeɖe!
Ɓéɖé wɛ́ɖɛ́ɔ̀ ɖé wuɖu zoo mú!
Ɓeɖe, ɓeɖe, ɓeɖe!
Jɛ̀-hó-và mɔ̀ à Kã́á.
-
2. Nyu múà-kùɖǔ-kuɖu tee. Nyu kuɖu-kuɖu, ɓɛ́ à Kã́áɔ̀ kéɛ wɔ̃́!
Ɓàìn ɔ nyɛ́nɛ́ɔ̀. Dè ɔ dya. Ɓèɖèìn ɔ múà-wɛ̀ɖɛ̀ ɖò dyi.
Sí nyɔ kúɖúú ɓěɔ̀ hwìɛ̀, ɓɛ́ ɓě ké à Boun-ɓoɔ̀ gbo ɓèɖèìn.
Ɓaɖaa-ɖɛ̀-dù kò-kò ɓě,
Ɓě poìn ɓěɛ̀ jĩ̌ìn ɓěɔ̀ dyí.
(WƆ̃́ÌN-WƆ̃́ÌN)
Ɓeɖe, ɓeɖe, ɓeɖe!
Ɓéɖé wɛ́ɖɛ́ɔ̀ ɖé wuɖu zoo mú!
Ɓeɖe, ɓeɖe, ɓeɖe!
Jɛ̀-hó-và mɔ̀ à Kã́á.
-
3. Dyóó vɛ̀nɛ̀ɔ̀ kè ɖɛ séín ɓě nìà ɔ múɛɛ mɛ ɓàìn ɔ tee.
Ɓóɖó-kpàɔ̀ nììn mɛɛ-ɖɛ̀ ɓě, ɓě poìn ɓěɛ̀ wuɖu ɓěɔ̀ dyí.
Ɓóɖó-kpàà mɛ kpá múàǔn, ɓɛ́ zi-nì ɓěɔ̀ ké xwa gbàǎ ɓaɖa.
Toɖo ɓěɔ̀ kè bɔɔ-kpà ɓěɔ̀,
Ɓě ɓàìn ɔ ɖé dà séín.
(WƆ̃́ÌN-WƆ̃́ÌN)
Ɓeɖe, ɓeɖe, ɓeɖe!
Ɓéɖé wɛ́ɖɛ́ɔ̀ ɖé wuɖu zoo mú!
Ɓeɖe, ɓeɖe, ɓeɖe!
Jɛ̀-hó-và mɔ̀ à Kã́á.
(Dyé Wɛ́ɖɛ́ 96:1; 149:1; Àzé. 42:10 ɖekè.)