WƐ́ÐƐ́ 82
“Ɓěɛ̀ Ceɔ̀ Mɛ Fã”
-
1. Jí-zɛ̀ cɛ̃ɛ ma, ké ɔ
Ðá, “Ɓěɛ̀ ceɔ̀ mɛ fã.”
Kà dyóɖóɔ̀ fã̀ìn nyɔ séín kɔ̃in
Ké ɔ tòà ce kɛɛ.
Kǎà Gèɖè-pɔ́ɔ̀ Wuɖuɔ̀ nyuɛ ké
Nyɔǔn ɓɛ́ìn gìɖìǐ jè wɔ̃́ɔ.
Kà à muà Ɔ Wuɖuɔ̀ tɛ̀mɛ̀ìn nyɛɛ,
À ceɔ̀ mɛ fã tee.
-
2. Nyɔǔn séín mɛ wɔ̃́ bɔ̃̌ ɓáà
Gèɖè-pɔ́ɔ̀ Kã́á-ɓòɖòɔ̀ dyíɛ.
Kà à nìà kũ̀à nyuɛń nyɛɛ
Ceɔ̀ mɛ fã̀ìn à dyai.
Gèɖè-pɔ́ɔ̀ Wuɖuɔ̀ nyí à ce
Ké à kpaa nyɔǔn gbo.
À tɛ̀mɛ̀ìn jǎàɔ̀ nyɔ séín dyí ɓɛ́
Wa mìɔùn kéɛ gã ɓɛ́ìn.
-
3. Kpeɖeɛ̀-dyíin-nɔ̀mɔ̀-nɔ̀mɔ̀ mɔ̀ ce
Ɓɛ́ nyɔ séín ɓɛ́ìn dyéɛ.
Ɔ nyuɛ ké à wuɖuɔ̀ fã
Kà sɔ́ɔ́ kpa ɖɛ nìà.
À ceɔ̀ mɛ fã tee ɖé
Ðɛín-ɖɛ̀ nɔ̀mɔ̀ dyíin mú.
Nìí à nyuu-ɖɛ̀ séín ɓěɔ̀ mu
Gèɖè-pɔ́ɔ̀ hwòɖǒ dyi dèìn.
(Dyé Wɛ́ɖɛ́ 119:130; Máf. 5:14, 15, 45; Kɔ̀ɖ. 4:6 ɖekè.)
