WƐ́ÐƐ́ 9
Jɛhova Mɔ̀ À Kã́á!
-
1. Nyu múà, ké ɓàìn à ɓà Jɛ-ho-va,
Se-poɛ-ɖe dyɔɔ̀ po zio kà ɔ sɛ́ɖɛ́ìn dyí kɛ.
Ɓèà mɛ ɓàìn à Geɖe-pɔɔ ɖé múà-wɛ̀ɖɛ̀ ɓeɖe-ɓeɖe mú.
Nyɔùn séín mɛ wɔ̃ ɔ gã̀a-ɖɛ̀ ɓèɔ̀ jè.
(WƆ̃́ÌN-WƆ̃́ÌN)
Múà mɛ nì ɖéé ɖé dyɔún kè nɔ ɖé ɓóɖó-kpàà kɔ̃,
Se-poɛ-ɖe Jɛ-ho-va mɔ̀ à Kã́á!
Múà mɛ nì ɖéé ɖé dyɔún kè nɔ ɖé ɓóɖó-kpàà kɔ̃,
Se-poɛ-ɖe Jɛ-ho-va mɔ̀ à Kã́á!
-
2. Ɓèà kpa ɔ ɓàìn-bɔ̃ ɓóɖó-dù séín gbo.
Se-poɛ-ɖe Jɛ-ho-va mɔ̀ à póìn-nyɔ̀ jàà.
Dyéɛ, Jɛ-ho-va mɔ̀ Kã́á. À ɓéɖé à ké ɔ ɓàìn.
Ɔ jèɛɛ, à ɓùɖùìn ɓó nì zèè-ɔ̀ dyúa.
(WƆ̃́ÌN-WƆ̃́ÌN)
Múà mɛ nì ɖéé ɖé dyɔún kè nɔ ɖé ɓóɖó-kpàà kɔ̃,
Se-poɛ-ɖe Jɛ-ho-va mɔ̀ à Kã́á!
Múà mɛ nì ɖéé ɖé dyɔún kè nɔ ɖé ɓóɖó-kpàà kɔ̃,
Se-poɛ-ɖe Jɛ-ho-va mɔ̀ à Kã́á!
-
3. Ɔ nyɔ-wuɖuí-kɔ̃̀-kpéɔ̀ jè ɖà wáɖáá nì.
Ɔ ɖà ɔ zèèɔ̀ ɔ Dyú-gàà kpò dyúá-ɖòɔ̀ nyí.
Dɛ̃ mɛ nyu Geɖe-pɔɔ ɓè kè nyɔ ɓè ɓièà wa kɛ,
Se-poɛ-ɖe Geɖe-pɔɔ ɖòùn ɓéɖé kpé séín.
(WƆ̃́ÌN-WƆ̃́ÌN)
Múà mɛ nì ɖéé ɖé dyɔún kè nɔ ɖé ɓóɖó-kpàà kɔ̃,
Se-poɛ-ɖe Jɛ-ho-va mɔ̀ à Kã́á!
Múà mɛ nì ɖéé ɖé dyɔún kè nɔ ɖé ɓóɖó-kpàà kɔ̃,
Se-poɛ-ɖe Jɛ-ho-va mɔ̀ à Kã́á!
(Dyé 1 Ká. 16:9; Wɛ́ɖɛ́ 68:20; 97:6, 7 dekè.)
