Jɛhova Zàse Ɓèɛ̀ Dyí-Poìn-Kpòòɔ̀ Dyí-Poìn-Poìn Ɓè

Cɛ̃́ à dyí-poìn-poìn ɓèɔ̀ jè. Mɔ́ à dyí-poìn-naín dyɛ̀ xwɛ̃́ìn m̀ bũ̀in nyɛɛ dyi.

Mɔ́ Dɛ̀ Xwɛ̃́ìn M̀ Bũ̌in Nyɛɛ Dyi (kàà wáká ɖìè ɖò dyí)

Ðɛ́ Wa Nyu Ðé À Dyí-Poìn-Poìn Ɓěɔ̀ Múɛ́?

Jɛ̀hóvà Zàse ɓě poìn dyí kpa sɔ̃́ ɖé wíkì ɖò-ɖò séín xwíníín ɓó ɓiè jè. (Híìbúɖúù 10:24, 25) Ðé dyí-poìn-poìn ɓě nìà kɛ ɓɛ́ nyɔ séín ɓɛ́àìn ɖé muɛ kɛ múɛɛ, à gmɔìn ɖɛ Báɓòɔ̀ cɛ̃ kɛ, kè kà à ɓɛ́ìn ɔ tɛ̀mɛ̀ìn-ɖɛ̀ ɓěɔ̀ kũ̀à mú nyùɛ̀n ɖé à cĩ́-cĩ́ɔ̀ múɛɛ múin.

À dyí-poìn-poìn ɓěɔ̀ pàɖǎ mɔ̀ dɔ́ɔ́-dè-dè kà dyúáɖò kà ɔ nyuà nìɛ̀ ɖé ɖɛ-cɛ̃́-gbò ɖò múɛ. Dɔ́ɔ́ɔ̀ hwìɛ̀-kpá-kpá mɔ̀ pídyi. Dyí-poìn-poìn ɓěɔ̀ dèìn wɛ́ɖɛ́ kè ɓaà-ɓaà gbɔ, ké wa mánáín-hwɛ̀-hwɛ̀ mɔ̀ wɛ́ɖɛ́ kè ɓaà-ɓaà.

M̀ se ɓéɖé ɓɛ́ m̀ ké Jɛ̀hóvà Zàse ɓěɔ̀ ɖò jǔ hwɛ̀ ɓɛ́ m̀ ké ɖé à dyí-poìn-poìn ɓěɔ̀ mú mu. À nì nyɔ séín ɖáuń, ɓɛ́ wa ké ɖé dyi. Kò-naín jè pɛ́ɛ̀-pɛ́ɛ̀ ɖò se ɖé nì. Pɛ́nɛ̀ kpɔ̃-kpɔ̃ ɖò se ɖé nì fɔɔ.

Nì Mu Ɖɛ Nìà Kɛ Mú Ɖɛ̀ɓɛ̀ìn Dyɛ̀

DYÍ-POÌN-POÌN ƁÈ

Ðɛ́ Wa Nyu Ðé Kĩ́dɔ̃̀ Hɔ́ɔ̀ Zɔ̃̀ Kɛ́?

Dyá ɖé, ɓɛ́ m̀ mìɔùn ké ɖé dyé.

ƁÁ À JÈ DYÍ

Mu Dyí-Poìn-Poìn Ðò Mú

Ɓǎsɔ́ɔ̀ (Ɖàbíɖà)

Mu Dyí-Poìn-Poìn Ðò Mú

https://cms-imgp.jw-cdn.org/img/p/1011229/univ/art/1011229_univ_sqr_xl.jpg

Ðɛ́ Wa Nyu Ðé À Dyí-Poìn-Poìn Ɓěɔ̀ Múɛ́?

Nì Mu Ɖɛ Nìà Kɛ Mú Ɖɛ̀ɓɛ̀ìn Dyɛ̀

Ðɛ́ Wa Nyu Ðé Kĩ́dɔ̃̀ Hɔ́ɔ̀ Zɔ̃̀ Kɛ́?

Mu Dyí-Poìn-Poìn Ðò Mú

Gã Nì Wuɖu-Dùɔ̀

Tòɛ̀