“Lagɔ yi mäˈä dʋdʋ ˈwʋ ˈKämanɔɔ ˗wʋ ˈnaa ˈkää ˈkwädlɩnɩ ˈyli bhɩɛ sɛ ˈgïla.”—Daniel 2:44, Traduction du monde nouveau.

“Lagɔ ˗ɲɩaɲɩ ˈyu ˗ɔɲɩ ˈkämanɔɔ ˈnaa ˈkää ˈyli bhɩɛ.”—Isaïe 9:6.

• ˈKämanɔɔ ˗wʋ zlɔnɩɛ ˈmö ˗yimö ˗li a ˗lii ˈwlu nʋ.—Isaie 48:17, 18.

• ˈPɩwʋlelea ˗a ˈkää yi ˈmö, ˗a yi ˈmö nɛnɩ, ˗a yi ˈmäna ˈmö ˗wʋ.—ˈKlʋkälɩwɛlɩɩ 21:3, 4.

Nn. Kïbhï ˈlɛ ˈsɔ ˗kpɔ a za:

• Zezwii mɔ tulanɩɲɩ a˗a ˈsaa Lagɔ ˈa ˈKämanɔɔ ˈkää nʋ ˈylimö. Zezwii ˈcɩa a˗a ˈɔ ˈwʋ˗bhlinɩwaa wa nɩ bhibhee Lagɔ ˈa ˈKämanɔɔ ˈkä yi ˈn ˈsaa ɔ yɩbhää ˈkä mäˈä dʋdʋ ˈwʋ ˈyli ˈwlʋnɩ. (Matie 6:9, 10) Zezwii sʋlʋnɩ sɛ bhibhewɛlɩ ˈla ˈkää ˈyli ˈwlʋnɩ.

  Dɛ ɔ ˗wʋ a˗a mäˈä dʋdʋ ˈwʋ, Zezwii lia a˗a ˗muë ŋɔmʋ lɩbhää, ɔ yɛmanɩ a˗a guzʋwaa, ˈn ɔ yi a˗a ˗wa yɛɛ ˈku ˈwë glu ˗sɛ! (Matie 15:29-38; Zaah 11:38-44) Mɔ ˈkää Lagɔ ˈa ˈKämanɔɔ a ˈkifii zʋ zaa, Zezwii tulanɩɲɩ ˗bhlɛ ˈsaa ˈɔ ˈKämanɔɔ ˈkää nɩkpaa ˈwlu nʋ ˈylimö. ˈKlʋkälɩwɛlɩ 11:15.

• ˗Lii ˗yɩ ˈplɩɛ mäˈä ˈpɩwʋ ˈwʋ, mɩɩ gbää nɩɩ, Lagɔ yia ˗pa ˈɔ ˈKämanɔɔ sɛ ˈgïla. Zezwii nʋ a˗a nɩɩ, Lagɔ ˈa ˈKämanɔɔ ˗kä wʋ ˈkä mäˈä dʋdʋ ˈwʋ ˈtɩɩglɩglɛ ˗lɛ, ˗lii ˗yɩ ˈkää ˈyli ˈwlʋnɩ mɩɛ dɛˈɛ: Tʋ, ŋɔmʋgupegupe ˗ɲɛ dʋdʋ ˗wʋ tɩtlɛnɩɛ ˈsɔ.—Matie 24:3, 7.

  ˗Lii ˈla ˈwuë ˈmö ˗a yɩɛ zɩˈɛ ˈylɩmö zaa, ˗a nɩ kɩ dlɩ ˈwʋ nɩɩ, Lagɔ ˈa ˈKämanɔɔ yia ˗pa ˈyli bhɩa.