Sɛ -aˈa ˈligbëa ˈkä bhä -jɔlʋ ghlɩ ˈnɩ?
A pä ɔ dlɩ nɩɩ...
-
-wawʋ mʋ nɩɩ?
-
moni nɩɩ?
-
-lu -mumuu bhä -a?
SƐ BIBLË GBÄÄ
“Nɩkpa -wa -pʋnɩɛ sasɛ Lagɔ ˈa wɛlɩɩ ˈyukwli, sɛ yɩ gbää -wa zʋä -sɩbhä, mʋa kää -jɔlʋ ˈmö.”—Lwiikö 11:28, ˈMänatɩtɩ.
-LI A -LII A ˈKÄÄ -MÄ ˈA ZƖKPA ˈMÖ GHLƖ
-Tiamö a -wawʋ ˈmö a ˈkää ghlɩ.—Ɛfɛɛzɩ 5:28, 29.
ˈKlʋkpamözʋzwɛ.—Ɛfɛɛzɩ 5:33.
A yi -tiamö a ˈtɩɩglɩnɔɔ ghlɩ.—Maakö 10:6-9.
-A YI Ɔ SƐ BIBLË GBÄÄ DƐˈƐ -TIAMÖ DLƖ ˈWƲ -KÄ -A?
Nn. Kïbhï ˈlɛ ˈsɔ -kpɔ a za:
-
Lagɔ a käˈmöö, -mä dʋdʋ ˈwʋ a ŋäyaa ˈwuë ˈbhöönɩɛ. Biblë lɛ nɩɩ “ŋäyaa ˈwuë [...] -mä yɩ ˈbhöönɩɛ” Lagɔ Zoova a käˈmöö. (Ɛfɛɛzɩ 3:14, 15) Mɩɛ nɩɩ Zoova mɔ kää ˈŋlɩ ˈn ŋäyaa ˈwuë yiɛ ˈpɩwʋ yi. ˈSaa kä bhä ˈŋlɩ ˈn yɩ kä bhä dɛsɛ ˈnɩ?
-A -kɩɩ ˈwʋ pälɩ a dɔˈwʋ: -N -kä lilea a nɛnɩɛ ŋli, li dɔˈwʋ -wʋ, -n kä -n ˈkä ˈsaa wa ˈlibhïä ˈwʋ wa yea pi yɩbhlɩnɩ nʋʋ, -mɔ -n ˈkä bhä nimï yɩbhä ˈnɩ? -Tiamö a dɔˈwʋ -ɔ pie lilea ˈla, ˈmö -n ˈkää nimï yɩbhä.
Sɛ -bhlʋ -kpɔ ˈla, Zoova ŋäyaa ˈwuë ˈbhöönɩɛ käˈmöö, ˈmö -a kää -a ˈkä dlɩ ˈtɛɛnɩ, -a ˈkä -mä -aa ˈligbëa ˈmö -jɔlʋ ghlɩ.—Genèse 2:18-24.
-
Lagɔ mɔɔ ˈzʋnaɲɩɛ ˈyli. ˈLigbï kä yɩ ˈkä Zoova ˈa ˈdɩmözʋwɛlɩɩ -yɩ ˈcɛlɩɛ -mä Biblë ˈmö, ˈmö nɛmönɩ. ˈSaa kä bhä ˈŋlɩ ˈnɩ? “ˈYli ɔ ˈzʋnaɲɩɛ a za” (1 Piɛlɩ 5:6, 7) Zoova -wa ɔ -wamöä teɲii -sɩbhä a za -mä ˈɔ wɛlɩɩ ˈmö, -mä ɔ zʋnɩmöä ˈkwädlɩ ˈdɩ ˈmö.—Proverbes 3:5, 6; Isaïe 48:17, 18.
ˈPÄNƖ DLƖ KƐ
Sɛ a ˈkä bhä ˈluwli, ˈŋlɔ ˈn -lowluwa a -nʋa a -nʋa ˈzʋ ˈnɩ?
-Mä ƐFƐƐZƖ 5:1, 2 -ɲɛ KƆLƆƆSƖ 3:18-21 ˈsɔ ˈmö, -mä Biblë -ɲɩaɲɩɛ yɩ zɛmösɛna.
You May Also Like
-MUË -A GLƖNƖƐ
ˈSaa kä bhä ˈŋlɩ ˈn a kä ɔ a ˈkä Biblë ˈcɩɛ ˈnɩ?
Nɩkpa a miniɲwɩɩ, -mä Biblë ˈmö wa ghlɩɛ ˈpɩwʋ a dɛsɛkäkïbhï a zɛmösɛna. -N yɩbhä ɔ nɩɩ, -n kä wa glaˈmö a -nɔɔ -bhlʋ glɩnɩ -a?
-MUË -A GLƖNƖƐ
Gbä wa ˈkä yi wa -kamö ˈylɩmö
Yɩlɩ Biblë ˈmö a ˈkïbhë yɔwʋ, ˈcɩɛˈɛ Zoova a Bhlɩnɩwa a dɛ -lii -mimii a -bɛ.
