LAGƆWƐLƖBIAWAA A -SUKU ˈYiosɛwaa -wa yɛɛ ˈylʋbö a 23 ghlɩ ˈwë, maa -waaa -bhlɛ ˈylʋbö a 65 yɛˈmö bhlɩɩ, -wa yɩbhää wa ˈkä lagɔwɛlɩbiawaa a -suku plɛ, wa kä ˈwluyɩbhäyɩbhʋ ˈdimasɩ a -kidosɛ. Dɛ wa ˈkää ˈwluyɩbhäyɩbhʋ ˈla -bhɛnɩɩ, ˈn ˈgïle -mɛ ˈmö wa ˈkʋä -bhɛɛ, wa yuëɲɩ bhäla sʋlʋnɩ.

-WA PÄLAA NƖKPA -Wa pälaa nɩkpa -kaɲɩ kwänɩ a za wa ˈzuëë -lɛ. Zaa -aˈa tomobïa ɛ -käˈɛ -sɩbhä a -lii -mimii, dɛɛ a ˈkiɛ ˈzʋ, ˈn dɛɛ a ˈkää plɛnɩ -ɲɛ dɛɛ a ˈkää -mä ˈwlʋnɩ ˈn -klikpï a -lɛ -sɛsʋ -ɲɛ -li -mimii ˈsɔ a dɔˈwʋ, dɩɩ wa -yiɲɩɛ ˈɲɛɛ, a-a nɩ -pʋnii sasɛ ˈyukwli.

BATƐƐMÖ Wa ˈkää badizee, mʋa -känɩɛ -klikpï -yɩ -wʋä dɛɛ bhïlawaa ˈnɩgböä a ˈyila ˈklʋ, ˈn wa ˈnɩ käböde -mämaa ˈŋlɩ -dɩ. ˈDɩmasɩ a ˈylɩ gbʋplʋ a ˈzɔkpɔsɛ, wa ˈkää badizee kä wa ˈkä -lɛ sɛ glɩ ˈwë, batɛɛmö a bhïlabhulu ˈkä bhäla tɛɛ. Wa kä bhʋlʋbhlʋ wa -ɲɛ ˈtabhï ˈkä yi ˈn ˈɲudlubanɩ -yɩ -köbhaa ˈyli.

ˈƝƐƝƐLII -A ˈkä -klikpï a -klikpï, gbägbälokula, televizwɩɩ -ɲɛ -lii -mimii ˈsɔ ghlɩ, -yɩ -kaɲɩɛ kwäɲɩ -aˈa ˈwluyɩbhäyɩbhʋ ˈkä sasɛ ˈwʋ ˈplɩ, -a ˈkäa Zoova yɔwʋ ˈdionɩ a za, moni a -bɛ wa plɩɛ. -N -kä dlɩ a dlɩ ˈmö -lu ˈwäla, yɩ yi ˈŋlɩ -kä, -a yi moni -a plɩɛ ghlɩ. ˈN -n yiˈɛ -aˈa lagɔlibhoo -a nʋä sa ˈwuë ˈyukusɛ kwä. -Ɔ -kä -lu ˈɲɛɛ yi a za, -dɔkwɩyie wa zʋä mäˈä ˈwluyɩbhäda ˈnɩɛ ˈwʋ zizaa. -Zɩmö a -kä ˈɲɛ, -a bhälaɲɩ teɲii yɩ za. -Zɩkpaa -a -gää Zoova ˈa Bhlɩnɩwaa a ˈwlugïganɩzɩkpa ˈyuku bhälaɲɩ, ˈa sɛ -a tulaa dlɩzɛmönanɩsɛ nɩɩ, Lagɔ ˈa ˈKämanɔɔ a libhoo a gbʋ plɛnaɲɩ a za.

-DƲTAALII Wa ˈkä nɩkpɛ ˈWƲ PÄPÄNƖSƐ -DƲTAA ˈMÖ ˈYIO ˈWƲ KWÄ A ˈYIZE ˈmö wa gaa.

-LII WA ˈLIBHÏÄ A -kä -lu ˈlibhï, a ˈnɩ wʋ -lowli -yii, a nɩ kʋ -mä -wa -wʋ -lii wa ˈlibhïä a wɛlɩ ˈyli a ˈbɛyɩ. -Na -lu -kä tʋʋ. mö -n ˈkä -mä wa ˈbɛyɩ yɩlɩ. Yuëa -wa tʋä, a -kʋaa ghlɩ a nɩ kʋa -mä. Maa a nɩ tʋa -mä ˈa yuëa kwä wa ˈkʋa ˈwʋ -kʋ, ɛˈɛ bhö wa libho. A nɩ köbha ˈa yuëa ˈyli wa taɲɩa dlɩ ˈwlʋɲɩ teɲii.

BHLI -A nɩ ˈpä a ˈbhɩa a dɛ dlɩ. -A nɩ ligba nɩɩ, -aa -lowluwa, nɩkpaa -a -ɲɛɛ glɩɛ -budu -bhlʋ ˈmö, ˈn nɩkpaa -a -ɲɛɛ yiɲɩɛ tomobii -bhlʋ ˈmö, nɩkpaa -a -ɲɛɛ cɩɛˈɛɛ Biblë wa ˈyize, wa bhli ˈmö -a bhɛnɩɛ -a ˈkä -lɛ -sɛ. -Yayaya bhli -aaa -lɛ -sɛɛ, -a nɩ tɩ -lɛ yɩ ˈklʋ -lu ˈzʋ.

-Ɔ -KÄ ƆƝƖGÄSƐ Ɔ ˈKÄ LIBHO NƲ -N kä -n ˈkä mäˈä ˈwluyɩbhäyɩbhʋ ˈwʋ a libho nʋʋ, ˈyɩ ˈdɩmözʋwɛlɩɩ ˈn -wa -wʋä -zɩkpa ˈlɛ yli ˈylɩmö.