-WA PÄLAA NƖKPA: -Wa pälaa nɩkpa -kaɲɩ kwänɩ a za wa ˈzuëë -lɛ. Zaa -aˈa tobï ɛ -käˈɛ -sɩbhä a -lii -mimii, dɛɛ -a ˈkiɛ ˈzʋ, dɛɛ -a ˈkää plɛnɩ, -a -kä -mä ˈwlʋä yi a dɛɛ -a ˈkää mönɩ, ˈn -klikpï a -lɛ -sɛsʋ -ɲɛ -li -mimii ˈsɔ a dɔˈwʋ, ˈdɩmözʋwɛlɩɩ wa -kaɲɩɛ ˈɲɛɛ, -a nɩ ˈzwi ˈklʋkpamö.

BATƐƐMÖ: Wa ˈkää badizee, mʋa -känɩɛ -klikpï -yɩ -wʋä dɛɛ bhïlawaa ˈnɩgböä a ˈyila ˈklʋ, ˈn wa ˈnɩ käböde -mämaa ˈŋlɩ -dɩ. ˈDimasɩ a ˈylɩ gbʋplʋ a ˈzɔkpɔsɛ, wa ˈkää badizee kä wa ˈkä -lɛ sɛ glɩ ˈwë, batɛɛmö a bhïlabhulu ˈkä bhäla tɛɛ. Wa kä bhʋlʋbhlʋ wa -ɲɛ ˈtabhï ˈkä yi ˈn ˈɲudlubanɩ -yɩ -köbhaa ˈyli.

ˈƝƐƝƐLII: -A ˈkä -klikpï a -klikpï, gbägbälokula, televizwɩɩ -ɲɛ -lii -mimii ˈsɔ ghlɩ, -yɩ -kaɲɩɛ kwäɲɩ -aˈa ˈwluyɩbhäyɩbhʋ ˈkä sasɛ ˈwʋ ˈplɩ, -a ˈkäa Zoova yɔwʋ ˈdionɩ a za, moni a -bɛ wa plɩɛ. -N -kä dlɩ a dlɩ ˈmö -lu ˈwäla, yɩ yi ˈŋlɩ -kä, -a yi moni -a plɩɛ ghlɩ. ˈN -n yiˈɛ -aˈa lagɔlibhoo -a nʋä saa ˈwuë ˈyukusɛ kwä. -Ɔ -kä -lu ˈɲɛɛ yi a za, -dɔkwɩyie wa zʋä mäˈä ˈwluyɩbhäda ˈnɩɛ ˈwʋ zizaa. A bhɛnɩˈɛ a ˈkä donate.pr418.com ˈmö ghlɛnɩ nzɩ a ˈkä ˈɲɛ. Sɛɛ a ɲɛɛ dlɩzɛmönanɩsɛ a za, -muë -gänɩɛ -aˈa ˈwlugïganɩzɩkpa ˈyuku bhälaɲɩ -këë.

-DƲTAALII: Wa ˈkä nɩkpɛ ˈwʋ päpänɩsɛ -dʋtaa ˈmö ˈyio ˈwʋ kwä a ˈyize ˈmö wa gaa.

-LII WA ˈLIBHÏÄ: A -kä -lu ˈlibhï, a ˈnɩ wʋ -lowli -yii, a nɩ kʋ -mä -wa -wʋä -lii wa ˈlibhïä a wɛlɩ ˈyli a ˈbɛyɩ. -Na -lu -kä tʋʋ, mö -n ˈkä -mä wa ˈbɛyɩ yɩlɩ. Yuëa -wa tʋä, a -kʋaa ghlɩ a nɩ kʋa -mä. -Maa a nɩ tʋa -mä ˈa yuëa kwä wa ˈkʋa ˈwʋ -kʋ, ɛˈɛ bhö wa libho. A tɩa ˈfʋ dlɩpänɔ ˈmö -wʋ a za, a nɩ köbha ˈa yuëa ˈyli wa taɲɩa dlɩ ˈwlʋnɩ teɲii.

BHLI: -A nɩ ˈpä -a ˈbhɩa a dɛ dlɩ. -Aa -lowluwa, nɩkpaa -a -ɲɛɛ glɩɛ -budu -bhlʋ ˈmö, nɩkpaa -a -ɲɛɛ yinɩɛ tobii -bhlʋ ˈmö, nɩkpaa -a -ɲɛɛ cɩɛˈɛɛ Biblë wa ˈyize, wa bhli ˈmö -a bhɛnɩɛ -a ˈkä -lɛ -sɛ. -Yayaya bhli -aaa -lɛ -sɛɛ, -a nɩ tɩ -lɛ yɩ ˈklʋ -lu ˈzʋ.

-Ɔ -KÄ ˈYƖBHÄ Ɔ ˈKÄ LIBHO NƲ: -N kä -n ˈkä mäˈä ˈwluyɩbhäyɩbhʋ ˈwʋ a libho nʋʋ, -zɩkpaa -a -wʋä libho a -lii ˈyli, mö -n nɩ ˈyɩ ˈylɩmö.