-N -yi bhä ˈKämanɔ -mʋɲɩ wɛlɩ -a -wʋ bhïla dɔˈwʋ -a?— Nn, Lagɔ ˈa ˈKämanɔɔ mʋä, ˈKämanɔɔ -wʋ ˈkää dʋdʋkpäta ˈbhlɩ a -bhlɩ ˈwʋ zʋa.— -N yɩbhä bhä -n ˈkä sasɛ ˈKämanɔɔ ˈla a wɛlɩɩ ˈcɩɛ -a?

Wa -kä ˈkämanɔ nʋä, ˈKämanɩɲɔ ˈwʋ kää -gömö. ˈN ˈkämanɩɲɔ ˈla ˈkämanɩɛ nɩkpa -wa -wʋä -mä ˈɔ ˈbhlɩ ˈmö -gömö. -N -yi bhä -mɔ glɩnɩɛ Lagɔ ˈa ˈkämanɔɔ a ˈkämanɩɲɔ -a?— Zezwii klii mɔ. -Mä zlɩ ˈmö -mä ɔ -wʋä. Ɔ yi a -pa mäˈä dʋdʋ ˈwʋ a nɩkpa ˈwuë -gömö ˈkämanɩ! Zezwii -kä nɩkpa ˈwuë -gömö ˈkämanɩɩ, -a yi bhä ˈmäna ˈmö -bhölɩnɩ -a?—

-A yi teɲii ˈmäna ˈmö -wʋ! -Mä ˈbhlɩ a -bhlɩ ˈmö nɩkpa ˈnaa ˈkä tʋ gwɩ. -A yi -wawanɩ. Gu ˈnaa ˈkä nɩkpɛ ˈlɩbhä, nɩkpɛ ˈnaa ˈkäˈɛ ˈku. ˈKukwlekäwaa a ˈyila yi do, ˈyukwïlagbëgbakäwa a ˈyukwïla yi do, ˈn kpälɛkpälɛwa yi guë. Nɩkpa ˈwuë yi -bhʋlʋbhlʋ lile a -bɛ ghlɩ. ˈN nɩma ˈnaa ˈkäˈa lilinɩ, ˈn yɩ -ɲɛ nɩkpa ˈsɔ a jijoˈwʋ ˈtɩɩglɩglɛ yi -lɛ -wʋ. -Wa yɛɛ ˈku ˈwë yi glu ˈwlʋ wa ˈkä ˈwʋ ˈsɔ -bhölɩnɩ. Ŋwlɩ -ɲɛ ɲɩbhɛlɩ ˈsɔ a wɛlɩ -n ˈcɩɛ -mä blosu nɩ ˈmö, Ghlebeka mɔɔ, Ghlaabö, Daviidɩ ˈn Elii, wa yi glu ˈwlʋ wa ˈkä ˈwʋ ˈsɔ -bhölɩnɩ.  Wa -kä glu ˈwlʋä, -n yɩbhä bhä -n kʋä ˈylɩmö -a?—

Zoova -wamö ˈn ɔ yɩbhä -n ˈkä ˈmäna ˈmö -wʋ. Zoova ˈa wɛlɩɩ -n ˈcɩɛ dɛˈɛ -n kɩɩ dlɩ ˈwʋ -kä ˈn -n kɔɔ ˈklʋkpamö ˈzʋä, -n yi ˈkwädlɩnɩ -mä ˈbhlɩ a -bhlɩ ˈmö -bhölɩnɩ. -N yɩbhɩ bhä -a?—