Nɩkpɛ ˈnaɲɩɔ -bhlɛ tɛkäsɛ ˈwi ˈmö a ˈdɩ ˈɲɛɛ -a?— * -Mä Biblë ˈmö -mä wɛlɩɩ -yɩ -wʋä yɩ dɛ ˈcɛlɩɛ. ˈMö wa laa Lagɔ ˈa wɛlɩɩ “-yɩ zizaa a-a.” Lagɔ ˈmö yɩ ˈbhöönɩɛ ˈmö zaa, -lɛ ˈyɩ sa-a. Nɩkpa ˈniɛ -yi zaa, zizaa yɩ -zizaa a-a. Lagɔzuzuku aˈbhï yɩbhä wa ˈkɩ -yi. -N yɩbhä ɔ -n ˈkɩ yɩbhlɩnɩ -a?—

-Lɛ yɛ ˈmö gwälɛ ˈwë ˈn Lagɔ ˈyiɛ tɛkänɩkpɛ -ɲɛ tɛkäŋlɔ ˈsɔ -bhɛ. Wa ˈŋlɩɛ Adaa ˈn Ɛɛvö. ˈBhlɩ a -bhlɩɩ wa laa Edɛnɩ a ˈlagblɛ ˈmö -mä ɔ zuëë. Adaa -ɲɛ Ɛɛvö ˈsɔ -käa Lagɔ ˈklʋkpamö ˈzʋ, wa -ɲɛ ˈwa yuëa ˈsɔ wa yia dʋdʋ ˈwuë ˈbhlɩ a -bhlɩɩ ˈwʋ zʋa, Edɛnɩ a ˈlagblɛ a sa. Wa yia ˈkwädlɩ -mä ˈbhlɩ a -bhlɩɩ ˈmö -bhölɩnɩ. Maa -n ligba ɔ ˈsaa Adaa -ɲɛ Ɛɛvö ˈsɔ nʋ a-a la?—

Adaa -ɲɛ Ɛɛvö ˈsɔ, Lagɔ ˈmö wa -sɛɛ ˈklʋkpamö nza -aa zɩˈɛ -mä ˈbhlɩ a -bhlɩɩ ˈmö glɩ. Maa Lagɔ -lɛ nɩɩ, ɔ yi dʋdʋkpäta ˈwuë ˈbhlɩ a -bhlɩɩ ˈwʋ zʋa. -Mä nɩkpa ˈwuë ˈkää ˈkwädlɩkwädlɩnɩ ˈmäna ˈmö -bhölɩnɩ. Sɛ ɔ ˈkä bhä ˈzʋ nzɩ dʋdʋkpäta ˈwuë ˈkä ˈbhlɩ a -bhlɩɩ ˈzʋ ˈnɩ? -Lɛ yɛ ˈmö gwälɛ, maa nɩkpa ˈnia -yi. Zizaa yɩ -zizaa a-a ˈla.

Zezwii yiɛ mäˈä dʋdʋ ˈwʋ, ɔ bhïla a-a -lii -yɩ zizaa a-a daˈa a dɛ. Ɔ lɛ naa, Lagɔ ˈa ˈKämanɔɔ ˈmö yɩ -glɛɛ ˈwʋ. Zezwii lɛ nɩɩ, -a nɩ bhibhee ˈKämanɔ ˈla ˈkä yi. Wʋ ˈkä dʋdʋ ˈwuë ˈbhlɩ a -bhlɩɩ ˈwʋ zʋa.

-N yɩbhä ɔ -n ˈkä -lii -yɩ zizaa a-a daˈa yɩbhlɩnɩ -a?— Ligba nɩɩ, -wa zʋä Zoova ˈklʋkpamö a ˈyize, mʋa ˈkää -mä ˈbhlɩ a -bhlɩɩ ˈmö glɩ. Biblë -ɲɩaɲɩ ɲɩbhɛlɩɩ -ɲɛ ŋwlɩ ˈsɔ -wa zʋä Zoova ˈklʋkpamö a ˈdɩ. -N yɩbhä bhä -n kuë yɩbhlɩnɩ -a?— Wa glaˈmö a -nʋa ˈmö -a ˈkäa -sɩkaa yɩbhlɩnɩ, ˈn sɛɛ -a ˈkää ˈwa gbäpöö ˈmö nɛmönɩ.