A NƖ KWÄNUË WA ˈKÄ ZEZWII A ˗NƲA ˈZƲ
’CƖƐCƖƐKÏBHË 10
A nɩ ˗bhɩɔ ˈmö a ˈkuë kwänɩ
ˈPäpägbaa: “˗A ˈkaɲɩ Lagɔ ˈa ˈMänatɩtɩɩ ˈɲɛ a ˈyize mö ˗a ˈnɩɛ a ˈwʋ ŋlu, ˗maa ɛ ˗kä a ˈyɛ nɩɩ, ˗a ˈkä a ˈwlumö ˈku aˈbhë ma ˗kë, ˗a yi a ˈyɛ ˈwʋ ŋlu. ˗Tiamö, dlɩsɛ a ˗kaɲɩɛ teɲii.”—1 Tes. 2:8
ˈSaa Zezwii nʋ ɔ ˈnɩ?
1. A nɩ ylɛ VIDEO, a ˗käˈɛ ˗waa, a nɩ zɛlɩ Zaa 3:1, 2 ˈmö. ˈN a nɩ yɩlɩ nimïyɩbhäkïbhï ˈlɛ yɔwʋ:
-
(1) A dɔˈwʋ, ˗yɩ kä ɔ ˈŋlɩ ˈn Nikodɛɛmö yi ɔ sabʋsɛ Zezwii ˈylɩmöä mö ˈnɩ?—A nɩ yɩlɩ ˗mä Zaa 12:42, 43 ˈmö.
-
(2) Sɛɛ Zezwii ˈzʋä sabʋsa ˈla dɛɛ Nikodɛɛmö mɔɔ ˈylɩmöä, sɛ yɩ tula ɔ nɩɩ ɔ ˗bhɩɔ ˗tiamö ˈmö, ɔ ˈkä nɩkpa kwänɩ wa ˈkä ɔ ˗nʋa ˈzʋ ˈnɩ?
ˈSaa ˗a cɩɛ ɔ Zezwii a dɛ ˈnɩ?
2. Sɛɛ ˗a kää nɩkpa a ˗wawʋ dlɩ zɛmö a za, ˗a ˗bhɩɔ ˈmö ˗a ˈkʋa kwänɩ wa ˈkä Zezwii a ˗nʋa ˈzʋ.
A nɩ ˗gänɩ Zezwii ˈa gbäpöö
3. ˈTɛɲɩ ˗mɛ ˈmö ɔ yɩbhää ˈn dɛ ɔ yɩbhää, a nɩ ˈcɩɛnɩ ˗lɛ. A ˈkä ˗mä ˈɔ libho ˈmö ˈcɩɛnɩ, ˗mä ˈligbë ˈmö, ˈn ɛ ˗käˈɛ dɛ ˗mämaa, dɛɛ nɩkpa a ˗bɛ ˗möä ɲɛpɛnɩɛ, ˈmö ɔ yɩbhä bhä ˗a? A ˗kä bhɛnɩ, a nɩ gïganɩ aɲɩ ˈwlu, nzɩ ˈtɛɲɩ ˗ɛɲɩ ˈmö ɔ yɩbhää a nɩ ˈcɩɛɛ, a ˈcɛ ˈklʋkpamö ˈzʋ.
4. A nɩ ˈtɛmanɩ ˈyli yɔwʋ a ˈkä ˈkwädlɩ ˈcɩɛ ˈyize. A ˈnɩ ˗lɛ ˗wʋä yi aˈbhë ˗kë, a nɩ tɩ ˈɔ Biblë a ˈcɩɛcɩʋ ˈnigba. A nɩ yɩlɩ kïbhï ˈlɛ yɔwʋ:
-
(2) ˗N bhɛnɩ ɔ ˗n ˈkä wa laa visioconférence ˈmö ghlɛnɩ nzɩ ˗n ˈkɔ ˈcɩa ˗a?
-
(3) ˗N bhɛnɩ ɔ ˗n ˈkä lagɔwɛlɩbiaɲɔ ˗mɔmɔɔ ˈdɩ ˈɲɛ nzɩ ɔ ˈkɔ ˈcɩa mö ˗a?
5. A nɩ bhibhe Lagɔ ɔ za. A nɩ bhibhe Zoova ɔ ˈkä ˗mɔ a ˈcɩaa Biblë kwänɩ, nzɩ ɔ ˈkä ˈsaa ɔ ˈcɛɛ ˈklʋkpamö ˈzʋ. (Fili. 2:13) Ɔ kä ˗kamä ˗wʋwʋsaa a ˈki a ˗bɛ ˗yɩ nɛnɩɛ. Zaa, a nɩ bhibhe Zoova ɔ ˈkaɲɩ ˈmötɛɛnɔ ˈɲɛ, a ˈkä ˈkwädlɩ ˈyli yɔwʋ ˈtɛmanɩ nzɩ a ˈkɔ kwänɩ ˈyize.
