Zoova yɩbhä nɩɩ, ˗a nɩ nʋ ˈmäna ˗mä ˗aˈa zɩkpaa ˈmö. ˈN ɔ yɩbhäˈɛ nɩɩ ˗a nɩ ˈbhliˈɛ ˈtɛɲɩ ˗mɛmɛɛ ˈmö. ˗Maa, ˈfɛtilea ˈwuë mii nɛnɔ ɔ dlɩ yɔwʋ ˗a? Yɩ dɔˈwʋ sɛɛ ˗a ˈkä ɔ tula nɩɩ, ˗a ˗wa ˗tiamö Zoova ˈnɩ?

1. ˗Yɩ kä ɔ ˈŋlɩ ˈn ˈfɛtilea a ˗bɛ ˈnɩ ɔ Zoova dlɩ yɔwʋ nɛnɩ ˈnɩ?

Sɛɛ ˈfɛtilea a ˗bɛ ˗ɲɛ ˈsaa Biblë ˈcɩa ˈsɔ ˈnɩɛ yɔwʋ mönɩ, ˈn sɛ yɩ ˗glɛ ˈfʋ a ˗lagwɩɩ a bʋbɔbʋbʋ ˈwʋ, yɩ ˗yimö ŋli yɩa. ˈFʋ a lagɔgligbï ˈmö ˗mä yɩ ˈbhöönɩɛ. Yɩ glaˈmö a ˗nɩ a ˗bɛ, yɩ ˗glɛ guli ˈwʋ. ˈN ˗wa bhɛɛ ˗sɩbhä a ˈfɛtilea ˈlaa, ˈwa dɔˈwʋ nɩkpɛ ˗kä ˈku ˈwë, käbödɛ ɔ möä ˗bhölɩnɩɛ. (Isaïe 65:11) Nza Zoova ˈɲɛɛ ˈɔ bʋbɔbʋbɔwaa ˈdɩ nɩɩ: “˗Lizokunʋwaa, [...] a ˗ɲʋa nɩ tɩ bhʋ ˗bhʋlʋ yɩ. ˗Lizokuu ˈwuë a nɩ ˗sɩɩ kɛˈmö.”—2 Kolɛɛtɩ a ˗nʋa 6:17. a

2. ˈFɛtilea wa sɛɛ wa ˈkä nɩkpa ˗mumuë a ˈŋlɩ ˈghlimanɩ sɛɛ Zoova yɩlii ɔ ˈwʋ ˈnɩ?

Zoova zʋʋɲɩ ˈdɩ ˈmö nɩɩ ˗a “nɩ tɩ nɩkpɛ ˗ɔ ˗gwälɩnɩɛ ˈɲiɲlolii ˈmö dlɩ ˈtɛɛnɩ.” (Zɛlɩ Jérémie 17:5 ˈmö.) Zɩˈɛ, nɩkpaa sɛ ˈfɛtile ˗mimii wa ˈkä politikönɩkpaa ˗ɲɛ ˈslʋja ˈsɔ ˈwʋ ˈbhli nzɩ wa ˈkä wa ˈŋlɩ ˈghlimanɩ. ˗Mumuë sɛ ˈwa bhlɩɩ a ˈfɛtlɩ. (1 Zaa 5:21) ˗Mumuë bhɛ ˈfɛtile wa ˈkä politiközɩkpö ˈwʋ ˈbhli, yɩ ˗ɲɛ ˈwa bhlɩɩ ˈmö a ˗lii ˗mimii ˈsɔ. Nɩkpaa ˗waɲɩ dlɩpäsaa ˗ɲɛ ˈsaa Zoova ˈyɩbhä ˈsɔ ˈnɩɛ yɔwʋ mönɩɩ, ˗a ˗kä wa ˈfɛtilea ˗sɛɛ, ˈsaa yɩ nʋ ɔ Zoova ˈwlu ˈnɩ?

3. ˗A ˗kä ˈfɛtlɩ ˗sɛ dɔˈwʋ ˗wʋʋ, nʋnʋlii a ˗mi ˈnɩ ɔ kɛ ˗gä ˈnɩ?

“Nʋnɩmänɩwa, [...] ˈfɛtilea wa ˗kä ˗sɛ ˈn wa liɛ ˗këë ˈwa doo wlu ˈkpulu ˈn nʋʋ lɩbhʋää,” Biblë lɛ nɩɩ, yɩˈɩɛ nɛnɩ. (1 Piɛlɩ 4:3) ˗Mä ˈfɛtliea ˗mimii ˈwʋ, nɩkpaa ˗mumuë sɛ wa yɩbhää ˗sɩbhä wa zʋä ˈn wa nʋä ˗ɔɔzʋkälii a kii ˈwuë. ˗A ˗kä ˈyɩbhä ˗a ˈkä Zoova a bhɛya glɩnɩ ˈyizee, ˗lii a ˗mi bhɛnɩɛ yɩ ˈkä nɩkpɛ fɩ päla Lagɔ a ˈyila ˈklʋ a dɔˈwʋ, ˗a kä ˗a ˈkɩ gwë ˈdionɩ.

 ˈCƖƐ ˗LII ˗MIMII

 5. Sɛɛ ˗a ˈkää ˈzʋ wa ˈkä ˈsaa ˗a kää dlɩ ˈwʋ ˈklʋkpamö ˈzʋʋ, ˗a nɩ ˈzʋ ˗sɩbhä

6. Zoova yɩbhä ˗a nɩ ˗wʋ ˈmäna ˈmö

Zoova yɩbhä nɩɩ ˗a ˗ɲɛ ˗aˈa ˈligbë ˈmö a ˗nʋa ˈsɔ ˈn ˗aa bhɛya kökä, ˗a nɩ ˈlibhï ˈtɛɲɩ ˈwʋ nzɩ ˗a ˈkä ˈbhli. Zɛlɩ Ecclésiaste 8:15 ˈmö, ˈn a nɩ yɩlɩ nimïyɩbhäkïbhï ˈlɛ yɔwʋ:

• Sɛɛ gbɛlʋ ˈlɛ tula ɔ nɩɩ Zoova yɩbhä ˗a nɩ ˗wʋ ˈmäna ˈmö ˈnɩ?

Zoova yɩbhä nɩɩ ɔ ˗nʋa nɩ ˈlibhï ˈtɛɲɩ ˈwʋ nzɩ wa ˈkä ˈgämö ˈmäna nʋnɩ, wa ˈkä ˈbhli. ˈZʋ ˗lɛ VIDEO nzɩ sɛ yɩ ˈwlʋnɩɛ ˈyli bhlɩɩ ˈwuë ˗gömö a ˈwluyɩbhäyɩbhɩ ˈkädɩɩ ˈwʋ, a ˈkɩ ˈylɩmö.

Zɛlɩ Galatii a ˗nʋa 6:10 ˈmö, ˈn a nɩ yɩlɩ nimïyɩbhäkïbhï ˈlɛ yɔwʋ:

• ˈfɛtilea nɩkpaa ˈwuë sɛɛ, ˗a kä ɔ ˗a ˈkɩ ˗sɛmö nzɩ ˗a ˈkʋa “ˈmäna dlɩ zɛmö ˈzʋ ˗a?”

• ˈSaa ˗bhömö ɔ ˈmäna ˈwʋ: ˈfɛtlɩ a za, ˗n ˈkä klɩpaa nɩkpɛ ˗lu ˈɲɛ mii ˗bhömö ɔ ˈmäna ˈwʋ ˈnɩɩ, ˗maa ˗naɲɩgasɛ ˗n ˈkä dlɩzɛmönanɩsɛ nɩkpɛ ˗lu ˈɲɛ mii ˗bhömö ɔ ˈmäna ˈwʋ ˗a?

• Zoova a ˗nʋa a ˗bɛ, ˈtɛɲɩ ˗mɛmɛɛ ˈmö, wa yɩbhä ˈwlu wa ˈkä ˈbhli ˈn wa ghlɛnɩ ˗lɛ a ˈtɛɲɩ ˈla ˈmö wa ˈkä zɛmövusɛ ˈwa yuëa ˗lu ˈɲɛ. ˗N ˗kä ˈyuë ˗kä, ˗li a ˗mi ˗n bhɛnɩ ɔ ˗n ˈkä nʋ nzɩ ˗n ˈkʋa ˈmäna dlɩ zɛmö ˈzʋ ˈnɩ?

 DƐSƐKÄKÏBHÏ

Zoova yɩbhä nɩɩ ˗a nɩ ˈlibhï ˈtɛɲɩ ˈwʋ nzɩ ˗a ˈkä ˈmäna nʋ, ˗a ˗ɲɛ ˗aˈa ˈligbë ˈmö a ˗nʋa ˈsɔ ˈn ˗aa ˈtuawa kökä. ˗Maa ɔ yɩbhäˈɛ nɩɩ, ˈfɛtilea ˗yɩ ˈnɔɔ dlɩ yɔwʋ nɛnɩ ˗a nɩ ˈdioni gwë.

ˈWʋligbanɩkïbhï

• ˈKïbhï a ˗mi ˗a ˈkä ɔ ˗aɲɩ ˈwʋ ˈyɩbhänɩ nzɩ ˗a ˈkä sɛ ˗yi nɩɩ, ˈfɛtlɩ ˗a ˈkää ˗sɛ ˈnɩɛ Zoova dlɩ yɔwʋ nɛnɩ ˈnɩ?

• ˈfɛtilea a dɔˈwʋ, sɛɛ ˗a ˈkä ɔ ˗aˈa ˈligbë ˈmö a ˗nʋa ˗ɲɛ ˗aa ˈbhɛya ˈsɔ kwänɩ, nzɩ wa ˈkä ˈsaa ˗a sɛɛ ˗lɛ ˈmö ˈnʋ ˈnɩ?

• Sɛɛ ˗a ˗yi ɔ sɛ nɩɩ, Zoova yɩbhä ˗a nɩ ˗wʋ ˈmäna ˈmö ˈn ˗a nɩ ˈbhli ˈnɩ?