ˈPänɩɛ -ka wɛlɩ ˈlɛ dlɩ kɛ: Alɛkösɩ, dlɩ kɔ ˈyli klɛ. ˈSaa ɔ kä a-a ɔˈbhlɩ ˈkwädlɩ dlɩ ˈwʋ miɛ nɩɩ, Lagɔ mɔɔ -lɛ -lii ˈwuë -yɩ -bhölɩɛ a ˈwälaɲɔ. Maa zɩˈɛ, -mä -suku ˈmö ɔ -sukumasɩ -bhlʋ lɛ nɩɩ ˈpɩwʋ a -lii ˈnɩɛ ˈwälaɲɔ -kä. Ɔ lɛ nɩɩ -sɩbhä ˈnɛɛnɩwa ˈkädɩ gbää. Maa Alɛkösɩ ˈnɩɛ ˈyɩbhä wa ˈkä nɩɩ ˈwlumö ɲimo nʋ. ‘Yɩ ˈplɩɛ saˈa ˈwë, -mä ɔ dlɩ zɛmö ɔ nʋä nɩɩ, ‘ˈn ˈnɛɛnɩwa ˈkädɩ aˈbhï -kä -sɩbhä nʋʋ, n yɩ ɔ na-a nʋ nɩɩ ɛˈɛ -bhö mi -a?’

ˈN -nmö -käa Alɛkösɩ a ˈbhle ˈmö -wʋ, -mä -sukubɔgwɩ ˈmö, wa yɛ a-a nɩɩ ˈpɩwʋ a -lii ˈnɩɛ ˈwälaɲɔ -kä a zaa, dlɩ wʋ -n ˈkɩ ɔ -kä -a?

Nɩkpa a -bɛ, ˈsaa wa -kä dlɩ ˈwʋ -kä -kë, wa ˈkä yɩ wɛlɩ bhïla a dɔˈwʋ, ˈwʋ wa ˈpäpanɩɛ. Maa ˈsaa kää ˈŋlɩ ˈn wa kɩɛ dlɩ ˈwʋ, waˈbhï wa ˈniɛ -yi.

• -Mumuë, -mä ˈwa lagɔbïdï ˈmö -mä wa ˈɲʋa ˈdɩ nɩɩ, ˈpɩwʋ a -lii ˈwuë kä ˈwälaɲɔ zaa, nza wa kɩɛ wabhlɩ dlɩ ˈwʋ.

• -Mumuë wabhlɩˈɛ, -mä -suku ˈmö -mä wa ˈcʋa nɩɩ, ˈpɩwʋ a -lii ˈwuë ˈnɩɛ wälaɲɔ -kä, nza wa kɩɛ dlɩ ˈwʋ.

Biblë lɛ nɩɩ: “Mäˈä ˈpɩwʋ a -bïdii, yɩ kä abhlɩ bhʋlʋbhlʋ -lowluwa, maa Lagɔ -ɔ ˈwälaa -lii ˈwuë, mɔɔ glɩnɩɛ yɩ ˈwuë a -lowli.” (Ebleewaa 3:4) -A yi ɔ -tiamö wɛlɩ ˈlɛ dlɩ ˈwʋ -kä -a?

WA LƐ NƖƖ: -Lu -bhlʋ mʋʋ ˈkpɔtɔɔ sɛˈɛ ˈn -lii ˈwuë yiˈa bhäla ˈpɩwʋ yi.

WA LƐ NƖƖ: Nɩkpa nɩma wa glɩnɩ a-a ˈn ɔ yiɛ bhäla nɩkpa ˈzʋ.

WA LƐ NƖƖ: -Lii -yɩ tulaa nɩɩ ˈfʋ ˈpɩwʋ a -lii ˈwuë ˈwlʋä -bhölɩ.

“-N -kä ˈklɛgba ˈmö plɛ, ˈn -n -kä -mä -budu a -nʋ a -nʋʋ ghlɩnɩɩ, yɩ ˈnaa ˈkamö ɔ ‘ˈtikïyie ˈwʋ ŋli yɩa -a? Swii aˈbhë mii bhlibhlinɩɛ -gömö ˈn -budu yiɛ ˈsɩbhɔ.’ N’nn ɛˈɛ -bhö -sɩbhä ma! -Sɩbhä -lii ˈnɩɛ ˈwʋ ˈplɩ. Zaa, a yi ɔ dlɩ ˈpä nɩɩ ˈpɩwʋ a -lii ˈwuë ˈfʋ yɩ ˈwlʋä nʋ -a?”—Zulia.

“Yɩɛ -ka. Nɩkpɛ -kamö ˈdɩ ˈɲɛ nɩɩ, -budu -wʋɲɩ ˈmö wa bhɛnɩɛ ˈbɔgwɩ a ˈmö a -lu -bhlʋ muu ˈkpɔtɔɔ. Maa wʋ ˈkpɔtɔɔ, ˈlaklɩɲu wa ˈcɛlɩnɩ a-a kpɩ ˈklʋ yiɛ ˈsaa ˈwuë mlɩmanɩ, -mä ˈkpakwëa yɔwʋ, -mä -budu a ghäyɩ ˈwʋ ˈn ˈbɔgʋ -wʋ sɛɛ wɛlɩkïbhï zɛmö wa laa diksɩɔnɛlɩ yiɛ ˈwʋ ˈwlʋ. -N yi ɔ wɛlɩ ˈla dlɩ ˈwʋ -kä -a?”—Gwɛnɩ.

Biblë lɛ nɩɩ, Lagɔ ‘a ˈyize a -nʋa a sɛ a nɩ nɛmö.’ (Ghlɔɔmö 12:1) Mii sɛɛ zɛmö nɩɩ, -naˈa Lagɔ a dlɩˈwʋkänɔɔ ˈnɩɛ -kä wʋ ˈkä ˈfʋ -lii nɩ ˈwʋ -glɛ:

• DLƖPÄSAA (Na dɔˈwʋ ˈmötɛɛnɔ -wʋ ˈbhöönɩɛ -mä ghäyɩ ˈwʋ -bhölɩ.)

• ˈSAA -MUMUË NƲƲÄ ˈWLU (Lagɔgligbë -bhlʋ a -nɔɔ n glɩnɩɛ.)

• ˈWLUMÖ KÖBHÄNƖSƐ (Na -lowluwa yɩbhä nɩɩ, n nɩ kä Lagɔ dlɩ ˈwʋ. Nza n ˈkɔɔ dlɩ ˈwʋ.)

ˈLɩlɩlɩ a dɔˈwʋ, -lii -yɩ kää ˈŋlɩ ˈn -n ˈkɩɛ dlɩ ˈwʋ nɩɩ Lagɔ mɔ -lɛ -lii ˈwuë a ˈwälaɲɔ kä yɩ ˈkä -bhölɩ.

“N -kä -mä -sukugbë ˈmö -wʋ, sɛ -aˈa kpökpaa zʋmözʋmöä ˈmö a wɛlɩ, -aˈa -sukumasɩ ˈkaɲii dlɩ -gömö -sɛsɛnɩ dɔˈwʋ -wʋ, n -kɩɩ ˈwʋ yɩlɩ, n -yi sɛ nɩɩ Lagɔ -bhölɩ -tiamö. -Aˈa kpökpa ˈmö a ˈsaa -wʋä -mä, bhʋlʋbhlʋ yɩ kää yɩ libhï, maa -aˈbhï -aa sɛ -yi. Sɛ kpökpa nʋnʋnɩɛ libho ˈmö, ŋli yɩ yɩa!”—Teleza.

“N -kä -budu -wʋ ˈbhʋɔ teɲii ˈwʋ ˈylɩmö, n -käˈɛ batoo ˈn tobi ˈylɩmö, naɲɩ n yɩbhää nɩmï nɩɩ: ‘-Mɔ -bhɩɩ ɔ ˈnɩ?’ Nɩkpa -wa kää ˈnɛgö mʋa ˈwäla tobï. Ɛˈɛ -bhö ɲɩasɛ, maa -lii ˈtikïyie a –bɛ mii kää yɩ ˈkä libho nʋ nzɩ tobi ˈwuë ˈkä nɛmö. ˈN nɩkpɛ -kä tobi -bhɛ, n kɩɛ -na a dlɩ ˈwʋ nɩɩ nɩkpɛ kä ˈwälaɲɔ.”—Ghlisaa.

“Sɛ n cɩɛɛ -lii a -bɛ -mä -suku ˈmö, -sɩbhä n kɩɛ dlɩ ˈwʋ nɩɩ, ˈpɩwʋ a -lii -yɩ -bhölɩɛ kä ˈwälaɲɔ. [...] Na dɔˈwʋ na a n ˈkɩ dlɩ ˈwʋ -kä nɩɩ, ˈpɩwʋ a -lii ˈwue ˈnɩɛ ˈwälaɲɔ -kä yɩ ˈtɛɛ ˈmö yɩ zi n kɩ dlɩ ˈwʋ -kä nɩɩ Lagɔ mɔɔ -lɛ -lii ˈwue a ˈwälaɲɔ mɔ.”—Atoni.

ˈYlʋbö a -bɛ yɛ ˈplɩ ˈwë maa ˈnɛɛnɩwa ˈkädɩ ˈkää -lii ˈmö vɩɛ a ˈsaa wa ghlɩɛ -yɩ tulaa nɩɩ, ˈpɩwʋ a -lii ˈwuë ˈnɩɛ ˈwälaɲɔ -kä, waˈbhï wa ˈniɛ ˈmö -wanɩ. Sɛɛ ˈpɩwʋ a -lii ˈnɩɛ ˈwälaɲɔ -kä a dɔˈwʋ, -wa gbä a-a nɩɩ ˈnɛɛnɩwaa ˈkädɩ wa glɩnɩ, waɲɩgäsɛ ˈnɩ ˈmö -ŋöŋönɩ, nɩkpɛ yi ɔ wa wɛlɩ dlɩ ˈwʋ -kä -a?