Adaa -ɲɛ Ɛɛvö ˈsɔ gwälɩ ˈyuë, ˈn nɩkpa yiɛ mäˈä dʋdʋ ˈwʋ zumanɩ. ˈTɛɲɩ ˈplɩɛ, lagɔzuzuku -mimii yiɛ Lagɔ ˈklʋkpamö -sɛ Sataa a sa.

ˈN yɩ yiɛ mäˈä dʋdʋ ˈwʋ yi. ˈN yɩ yiɛ nɩkpɛkpökpa ˈwʋ ˈlibhï yɩ ˈkä ˈŋlwɩ kwä a za. ˈŊlwɩ ˈla gwälɩ ˈyuë. ˈYuë ˈla, ˈwʋ wa ˈbhʋɔ teɲii, -glakäwaa wa glɩnɩɛ ˈn ˈwa ˈmötɛɛnɔɔ ˈnɩɛ -sɩbhä a sɛ -wʋ.

Dʋdʋkpätaa yiɛ -lizokunʋwa ˈwʋ yie. Biblë lɛ naa: “Nɩkpa a nʋnʋlizoku yɛ a-a mäˈä dʋdʋ ˈwʋ zumanɩ, ˈn ˈwa dlɩpäsaa ˈwuë ˈnɩɛ a-a ˈylimö nɛnɩ ˈlɩlɩlɩ.”

Nɩkpɛ a -mɔ nɛnɩɛ, ˈmö Nowee glɩnɩ a-a. Zoova yoo ˈdɩ ˈɲɛ nɩɩ, ˈɲizakwë ˈkäda ɔ ˈkää lɩbha, nzɩ ɔ ˈkä nɩkpazoku ˈla ˈwuë ˈyli bhɩa.

Lagɔ yoˈɛ ˈdɩ ˈɲɛ nɩɩ, ɔ nɩ -bhɛ ˈgɔlʋ ˈkɔdʋ -wʋ ˈkä -bhɩɛɛ -budu, ˈgɔlʋ ˈla ˈmö wa laa batoo ˈkɔdʋ. Ɔ nɩ päla -mä ˈɔ ˈligbëa ˈmö a -nʋa -ɲɛ nɩma a kii ˈwuë ˈsɔ.

Nowee ˈɲɛɛ nɩkpaa ˈƝizakwë ˈkäda a tɩtɩɩ, wa ˈnɔɔ ˈyukwli -pʋnɩ, maa nɛpɔ wa nɛpɔɔ. -Mumuë ˈnɔ a-a -wa ˈlɩlɩlɩ.

Nowee bhɩɛ batoo ˈkɔdʋ zɛmö ˈwëë, ɔ yi a-a -mä nɩma päla.