ˈKÏBHË 8
Sɛɛ Zezwii a ˈkwie sɛ ɔ -aa dɔˈwʋ zɛmö ˈnɩ?
Zezwii ˈa ˈkwie a za, nza -a ˈkää -bhölɩbhölɛ ghlɩ. Zaah 3:16
Zezwii ˈkuä ˈwë ˈylɩ a tanɛ ˈmö, ŋwlɩɩ -mumuë yiɛ ɔ lesikpëa ˈylimöä mö. Maa wa ˈkää -mä ghlɛɛ, aˈaa -lu ˈmö -kä. Zoova kɔa -pa glu -sɛ ˈwë.
-Miˈla ˈplɩɛ ˈwë, ˈn Zezwii yiɛ ˈɔ tietiewaa ˈylimö ghlɛ.
-Tiamö a dɔˈwʋ, Zoova kɔa -pa glu -sɛ ˈwë. Zuzukwë a -ma ˈtɛɛ teɲii ˈmö, -a ˈnaa ˈkää ˈku, ˈmö ɔ glɩnɩaˈa -sɩkaa. Zezwii ˈa ˈwʋ-bhlinɩwaa -wɔɔ ylɛ dɔˈwʋ ˈn ɔ yiɛ -mä Lagɔ yɔwʋ mö.
Daniel 7:13, 14
Zoova -sɛ Zezwii glu ˈwë ˈn ɔ yoo ˈKämanɩɲɔ ˈwʋ ˈzʋa.Zezwii, ˈɔ zɩkpaa ˈmö ɔ ˈwlʋä ˈmö, ˈbhlɩbhë ˈkäa -bhölɩbhölɛ ghlɩ a za. (Matie 20:28) ˈƆ ˈkwie a za, Lagɔ ˈkää nɩkpa ˈpɩwʋ mää ˈnaa ˈkää ˈyli bhɩɛ ˈɲɛ.
Zoova yiɛ Zezwii ˈKämanɩɲɔ ˈwʋ ˈzʋa, ɔ ˈkä dʋdʋkpäta ˈwuë -gömö ˈkämanɩ. Mäˈä dʋdʋ ˈwʋ a nɩkpaa Zoova ˈkää glu -sɛ a glaˈmö, -mä Zoova ˈkää nɩkpa -wa ˈtɛɛnɔɔ dlɩ ˈmö gbäzɩ, nzɩ wa ˈkä -mä zlɩ ˈmö mö. Wa -bhli nɩkpa a 144.000. Nɩkpa ˈla mʋa -ɲɛ Zezwii ˈkää ˈgämö ˈkämanɩ. Zezwii -ɲʋa ˈsɔ, mʋa glɩnɩɛ -mä zlɩ ˈmö a ˈKämanɔɔ -wʋ zlɔnɩɛ ˈmö, ˈmö wa laa Lagɔ ˈa ˈKämanɔɔ—ˈKlʋkälɩwɛlɩɩ 14:1-3.
Lagɔ ˈa ˈKämanɔɔ muu lɛ ˈkää dʋdʋkpätaa ˈbhlɩ a bhlɩ ˈwʋ ˈzʋa. Tʋ, ˈkulɩbhälɩbhʋ, ˈpʋa, -ɲɛ ŋɔmʋ ˈsɔ ˈnaa ˈkäa -bhölɩ. Nɩkpaa, -tiamö a -jɔlʋ wa ˈkää ghlɩ.—Psaume 145:16.