ˈKÏBHË 7
-Mɔ -lɛ bhä Zezwii ˈnɩ?
Zoova tiee a-a Zezwii mäˈä dʋdʋ ˈwʋ. 1 Zaah 4:9
-A -kä -a ˈkä Zoova ˈmäna dlɩ zɛmö zʋʋ, -a kä -a ˈkä dɛsɛkänɩkpɛ -mɔmɔɔ ˈyukwli -pʋnɩ. ˈTɛɲɩ -ɛɲɩ ˈmö Zoova ˈkäa Adaa ˈwäla ˈnɩɛ a-a -bhlɛ -käpa, ˈn ɔ yiɛ ˈmötɛɛnɩzuzukwë -mä zlɩ ˈmö -bhɛ.
ˈTɛɲɩ ˈplɩɛ, Zoova yiɛ ˈɔ yuu tie, nzɩ ˈdumöwʋyuu -ɔɔɔ -bhlɛ tɛkäsɛ ɲɩbhɛlʋ a dɛ ghlɛnɩ, wa laa Malii ˈkɔ -mä Betelɛɛmö a -glɔ ˈmö gwälɩnɩ. Yu ˈla ˈmö wa ˈpää Zezwii.—Zaah 6:38.
Dɛ Zezwii -wʋ a-a mäˈä dʋdʋ ˈwʋ, Zoova ˈa gbäpöö ˈmö ɔ -gänɩ a-a ˈtɩɩ. Ɔ nɛnɩ a-a dlɩ zɛmö, ɔ -wa a-a nɩkpa, nza wa yinɔ a-a. Ɔ -kä Zoova ˈa gbëawɛlɩɩ nɩkpa ˈcɩa dɔˈwʋ -wʋ, ɔˈɔɔ ŋänɩ.
Zezwii nʋ a-a -li a -lii, maa nɩkpa ˈnɔ a-a ˈyli bhlɩ. 1 Piɛlɩ 2:21-24
Zezwii yɛmanɩ a-a guzuwaa, ɔ -sɛ a-a nɩkpaa -mumuë -wa yɛɛ ˈku ˈwë glu.
Lagɔbʋbɔwaa a ˈkifiea, ˈwa nʋnʋlii -ɲɛ ˈwa ˈcɩacɩalizokuu ˈsɔ, ˈmö Zezwii pä a-a ˈpɩwʋ. Yɩ zaa waˈa bhulo a-a ˈyli.
Lagɔbʋbɔwaa a ˈkifiea mʋa ˈɲɛ a-a Ghlɔɔmö a ˈkämanɩwaa ˈdɩ nɩɩ, wa nɩ ˈlɩbhä Zezwii ɔ ˈkä ˈku.
