Zuzukuzokuu ˈkulɩbhäwa yɩ glɩnɩɛ!
Sataa -ɲɛ zuzukuzoku ˈsɔ ˈnɩɛ ɲäzɩdlɩ -kä ˈlɩlɩlɩ, ˈkpʋkpʋ yɩ kää teɲii, yɩɛ -sɩbhä a sɛ -wʋ. Bhlagɔgɔˈmö, lagɔnɩkpɛ Zɔɔbö ˈa ˈsiasianɩma -ɲɛ ˈɔ libhonʋwa ˈsɔ ˈmö Sataa ˈlɩbhää. ˈN ɔ yiˈɛ “ˈvuu ˈkɔdʋ” -lɛmö ˈn ɔ yiɛ Zɔɔbö ˈa yuëa kʋgbä -kpɔ ˈwuë -budu ˈwʋ sɛ bhlɩ. ˈN ɔ yiˈa -sɩkaa Zɔɔbö “ˈgbëbhï ˈwʋ sɛ slu, tɛɛnɩ -mä ɔ ˈwlu yɔwʋ -këë -mä ɔ kplɩ zɛmö.”—Job 1:7-19; 2:7.
Zezwii a ˈtɛɲɩ ˈmö, zuzukuzoku käˈɛ ˈŋlɩ -mumuë ˈnɩ a-a wɛlɩ -kä, ˈn -mumuë ˈnɩ a-a sɛ yɩlɩ. (Matie 9:32, 33; 12:22) Nɩkpa yɩ -wʋ a-a -gömöö, yɩ ˈyʋ a-a teɲii ˈklɩ, ˈn wa ˈtanɩ a-a waɲɩ kpɩɩ. (Maakö 5:5) Ɲɛgbayu -bhlʋ yɩ -wʋ a-a -gömö, ɔ -kä -lɛ glɩ, ˈmö a ˈyize ɔ kpaa ˈn yɩ ˈsunɔˈɛ -mä, ɔ wälɛnɩɛ ‘-glasɛ ɔɲɩ dʋdʋ ˈn ɔ ˈsiasianɩɛ ɔɲɩ ˈmö.’—Lwiikö 9:42.
Bhlaˈmö a dɔˈwʋ, zuzukuzokuu ˈlɩbha a-a nɩkpa gu, yɩ ˈsunʋa -mä ˈn wa wälɛnɩɛ -glasɛ waɲɩ dʋdʋ ˈn wa ˈsiasianuë ˈmö.
Sataa -ɲɛ zuzukuzoku ˈsɔ, ˈkpʋkpʋ yɩ kää ˈkwädlɩ. Sɛ wa ˈmaa ˈki a-a -mä zlɩ ˈmö kpëti, teɲii yɩ -ɲuaa ˈmlɩ. -Mä ˈbhlɩ -gömö a ˈtɩtɩ tulaa nɩɩ, nɩkpa ˈwuë ˈmö yɩ ˈpänɩɛ ˈkpʋkpʋ ˈwʋ. Yɩ ˈlɩbha -mumuë gu. Yɩ yɔlɔa -mumuë sabʋsɛ ˈn waˈaa ŋämöä sasɛ, wa ghlɛɛ yɛlɩ zoku. Yɩ libhï -mumuë yɩɲɩ a ŋwlɩ a sɛ ˈwʋ, ɛ -käˈɛ yɩɲɩ a ˈluwluwa a sɛ ˈwʋ. ˈN yɩ köbha -mumuë ˈgwɩ, yɩ ˈsunɩ -mä -mumuë ˈn wa lɩbhää ˈku, ˈn wa ˈlɩbhäˈɛ waɲɩ.
Zɩˈɛ, zuzukuzokuu ˈsunɩ -mä nɩkpa ˈn wa kää -glaa, ˈn sabʋsɛ, yɩ yɔlɔa -mumuë ˈn wa ghlɛɛ yɛlɩ -zoku.
Sulinamö ˈa ˈylikwi wa laa Lɛtina lɛ nɩɩ, -mä ˈɔ -kosu yɔwʋ a nɩkpa 16 ˈmö zuzukwëzokwë -bhlʋ ˈlɩbhää ˈn wa yiɛ ˈku. Ɔˈbhë, yɩ yɔlɔanɔɔ ˈylʋbö 18 ˈmö. Nza ɔ nʋä nɩɩ, zuzukuzoku -kä “nɩkpɛ -gänɩɩ, yɩ -wɔɔ yɔlɔa dɔˈwʋ -këë, ɔ kuä.”
Maa Zoova yi ˈɔ bʋbɔbʋbɔwaa ˈwʋ -kʋ Sataa ˈtʋä a -lizoku ˈwlu nʋ.—Proverbes 18:10.
