Maasɩ a ˈylɩ 23 ˈwʋ, nɩkpa a miniɲwii 12 a sɛ, -a -kʋnɩɛ wa ˈkä Zezwii ˈa ˈkwie a ˈwʋligbanɩzlɩ ˈwʋ yi. Wɛlɩ a -mii kää teɲii dɛsɛ ˈmö wa ˈkää -lɛ a zlɩ ˈla ˈmö ˈyukwli -pʋnɩ. Sɛ Zoova zetiɲɩɛ ˈn sɛ ɔ -kaɲɩɛ zɩkö -li a -lii ˈɲɛ, bhïlaɲɔɔ yuëɲɩ dlɩ -gömö -sɛsɛnɩ. (Is 11:6-9; 35:5, 6; 65:21-23; Zh 3:16) Maa, bhïlaɲɔɔ a ˈyize mɔ ˈnaa ˈkä -bhɛ nzɩ -lɛ a zlɩ ˈla -ɛ -wʋä ɛ dɛ ˈkä ˈmäna ˈwʋ -bhö. -Wa ˈkää yi, -aa ˈwuë -abhʋa kää -a ˈkʋa pälaa. (Gh 15:7) A ˈyɩɛ -ka ˈdɩmözɛwɛlɩ ˈlɛ ˈylɩmö.

• -A nɩ tɩ sɛ -glɩɛ mö cuu nzɩ -a ˈkä ˈgïle ˈwluyɩbhäyɩbhʋ ˈkää ˈmö tɛɛ -kʋnɩ. Maa, nɩkpa -a wäzɩ a-a ˈn lagɔdaayuëa -wa nɩ biamö a-a lagɔwɛlɩɩ ˈn ˈcwɩ gbʋplʋ yiɛ ˈplɩ, wa -kä yi, -a nɩ bhälʋä -aa bhɛya a sɛ ˈn -a nɩ pälʋä ˈmänasɛ

• -N -kä -naˈa -nʋa -wa yimöä ˈyli zʋnɩ dɔˈwʋ -wʋ, nɩkpa -muëˈla ˈwuë -a wäzɩɛ a dɔˈwʋ, zʋmöˈɛ -sɩbhä. Wa yiɛ ˈlili ˈwʋ, ˈɲʋa ˈdɩ wa ˈkä -lɛ -na yɔwʋ sɛ glɩ. -Naˈa Biblë -ɲɛ -naˈa lwɩ a ˈbɔgʋ ˈsɔ, a nɩ yɩlɩnɩ -mä ˈgämö

• Bhïlabhuluu -kä bhɩɛ ˈwë, ˈkïbhï wa -kamöä ˈwʋ ˈyɩbhänɩɩ, ˈɲɛ yɩ zɛmösɛna. Lagɔzɩkpa -mämaa -kä -kamä da -bhlʋ -kpɔ ˈla ˈwlu yɩbhänɩɛ yi, ˈn ˈtɛɲɩ ˈnɩ a -mä -zu, -n bhɛnɩ -n -ɲɔ ˈsɔ a ˈkä ˈmönʋnʋnɩ nzɩ -n ˈkɔa ˈylɩmöä mö cuu. -N ˈnɔ -yi ˈlɩlɩlɩ, -n bhɛnɩ -n ˈkä nɩɩ: “ˈWluyɩbhäyɩbhʋ ˈlɛ a dɔˈwʋ, n yɩbhä n ˈkä sɛ -n ˈpää dlɩ -yi. Zaa, sɛ n ˈkä ɔ zʋ n -kamö ˈwʋ ˈsɔ ˈylɩmö ˈyɩ ˈnɩ?”