Zoova ˈa Bhlɩnɩwaa a -zɩkpöö a ˈwlʋyɩbhäyɩbhɩɩ

Sɛɛ -aˈa ˈwlʋyɩbhäyɩbhʋ ˈplɩplɩnɩ ɔ ˈmö. -N bhɛnɩ -n ˈkä ˈwluyɩbhäda a -wʋä -lɛ -na yɔwʋ ghlɩ.

ˈWluyɩbhäda dɛɛ ˈnaɲɩɛ dɛ tlʋnɩ a nɩ ghlɩ -lɛ (opens new window)

Sɛɛ -aˈa ˈwluyɩbhäyɩbhɩɩ ˈplɩplɩnɩ ɔ ˈmö ˈnɩ?

-Mä ˈdimasɩ -bhlʋ ˈmö, Zoova ˈa Bhlɩnɩwaa ˈwʋ ˈsɔ wa ˈyɩbhänɩɛ ˈwlu. (Ebleewaa 10:24, 25) Nɩkpaa ˈwuë bhɛnɩ wa ˈkä ˈwluyɩbhäyɩbhɩ ˈla ˈwʋ yimö. Sɛɛ Biblë gbää ˈn sɛɛ -a ˈkɩɛ -gänɩ -mä -aˈa zɩkpaa ˈmö, mö -a cɩɛɛ -mä.

Nɩkpaa ˈwuë bhɛnɩ wa ˈkä bhïlamö -mä ˈwluyɩbhäyɩbhɩ ˈla ˈwʋ, -mä -suku ˈmö a sɛ. -Aˈa ˈwluyɩbhäyɩbhɩɩ ˈwuë, ˈlʋ -ɲɛ bhibhebhibhiuu ˈsɔ ˈmö yɩ tɛnɩɛ ˈwʋ. ˈN yɩ -kä zɛmö bhɩɛ yii, ˈlʋ -ɲɛ bhibhebhibhiuu ˈsɔ mii ˈbhlenɩɛ ˈgbë.

Zoova ˈa Bhlɩnɩwaa a ˈyize mʋa ˈnɩɛ ˈwluyɩbhäyɩbhɩ ˈla ˈwʋ yi; nɩkpaa ˈwuë mö -a wäzɩmöä. Wa ˈnaa ˈkä -lu ˈpɛnɩ. Waˈaa ˈyɛ -mä moni a -dɔkwɩ bia.