Ase nasiam mandapot guna sanggah marlajar Bibel manggunahon buku on
Pindo ma ase sasahalak mangurupi ham: Patugah ma bani halak na mambere buku on, anggo ham sihol marlajar Bibel. Atap, isi ma formulir laho mangindo parlajaran Bibel i situs web jw.org.
BAGIAN NA PARLOBEI
Basa ma tiap paragrap, tarmasuk sungkun-sungkun (A) pakon ayat (B) na icetak tebal, na patuduhkon gagasan utamani. Bani piga-piga ayat dong ihatahon “basa ma”. Jadi, basa ma ayat ai rap pakon na mangurupi ham marlajar.
BAGIAN NA PADUAHON
Hatorangan pamungkah (C) na dong i bagian Parlajari Roh Bahatni patuduhkon aha na laho iulas. Subjudul (D) patuduhkon gagasan utama na laho iulas. Basa ma ayat-ayatni, balosi ma sungkun-sungkunni, janah tonton ma ganup videoni (E).
Pardiateihon ma homa ganup gambar ampa hatoranganni (F), anjaha pingkirhon ma homa sonaha ham mambalosi bagian Anggo Dong na Mangkatahon (G).
BAGIAN NA PARPUDI
Bagian na parpudi ai ma Rimpunan pakon Na Dob Iparlajari (H) Tulis ma tanggal piga parlajaran ai salosei iulas. Bani bagian Na Laho Ibahen (I) dong piga-piga na porlu ibahen ham. Bagian Tonggor Homa (J) marisi hatorangan tambahan na boi ibasa atap itonton ham.
Cara manorihi ayat-ayat na dong ibagas Bibel
Bagian (A) ai ma goran ni buku bani Bibel, bagian (B), ai ma bindu, anjaha bagian (C) ai ma ayat. Umpamani, 2 Timoteus 3:3 artini 2 Timoteus, bindu 3, ayat 3.
