Bahat do halak i sab dunia on na marsitaronon. Halani ai, gabe lungun ma pangahapni, mabiar, janah pusok uhurni. Ongga do masa na sisonai bamu? Ra, marsitaronon ham halani dong naboritmu, atap ra do pusok uhurmu halani dong kaluarga atap pe hasomanmu na matei. Gabe sungkun-sungkun do ra ibagas uhurmu, ‘Ai sonon do lalab goluhku on?’ Ibagas Bibel ipatugah do balosni sungkun-sungkun ai na boi mambahen tarapoh uhurta.

1. Aha do janji na ipatugah bani Bibel?

Ibagas Bibel ipatugah do mase bahat sitaronon i dunia on. Dong homa janji na patugahkon anggo bani ari na laho roh lang dong be na marsitaronon. Pos ma uhurta saud do holi na ihatahon Bibel pasal “pangarapan bani ari simagira”. (Basa Jeremia 29:11, 12.) Pangarapan ai mangurupi hita ase totap martahan janah marmalas ni uhur age pe dong sitaronon. Gabe porsaya ma hita, boi do holi hita marmalas ni uhur sadokah ni dokahni.

2. Domu bani janji ni Bibel, sonaha do hagoluhanta bani ari simagira?

Holi, lang dong be masalah na boi mambahen sunsah goluhta. Umpamani lang dong be parjahat, na miskin, na boritan, atap hamatean. Domu bani janji ni Bibel, bani ari simagira “seng dong be hamatean, age pusok ni uhur, age partangisan, age sitaronon seng dong be”. (Basa Pangungkabon 21:4.) Bibel mangkatahon marmalas ni uhur do holi hita i Paradeiso i tanoh on.

3. Sonaha ase porsaya ham saud do holi janji na dong ibagas Bibel?

Sihol do halak ase lambin dear hagoluhanni bani ari na laho roh. Age pe sonai, lang porsaya ope sidea anggo ai boi saud. Tapi boi do hita porsaya bani janji na dong ibagas Bibel. Ase porsaya, porlu do hita “mamareksa Surat na Pansing in”. (Lahoan 17:11) Sanggah iparlajari ham Bibel, gabe boi ma ibuktihon ham saud do holi na ihatahon Bibel pasal ari simagira.

 PARLAJARI ROH BAHATNI

4. Bibel mangkatahon hita boi manggoluh sadokah ni dokahni janah lang dong be sitaronon

Idah ma janji ni Bibel na isurat i toruh on. Bani janji na ija do rosuh tumang uhurmu? Mase ai na iharosuhkon ham?

Basa ma ayat-ayatni anjaha balosi ma sungkun-sungkun on:

• Ai tarapoh do ham dob mambasa ayat on? Pangahapmu, tarapoh do homa kaluarga pakon hasomanmu anggo mambasa ayat on?

Bayangkon ma

 5. Lambin dear ma goluhta dob mambotoh janji na dong ibagas Bibel

Bahat do halak na kecewa halani mangidah aha na masa sonari on. Halani ai, dong ma na marusaha mambahen parubahan. Tonggor hita ma sada pangalaman na patuduhkon aha do gunani banta dobkonsi ibotoh hita janji na dong ibagas Bibel. Tonton ma VIDEO, janah ulas ma sungkun-sungkun on:

 RIMPUNAN

Janji bani Bibel boi mambere pangarapan banta. Halani ai, gabe boi ma hita totap marmalas ni uhur age pe dong sitarononta.

Na Dob Iparlajari

• Mase hita mamorluhon pangarapan?

• Aha do na ihatahon Bibel pasal ari simagira?

• Anggo porsaya hita bani janji ni Bibel, aha do gunani ai banta sonari on?