NAIBATA PARGOGOH NA SO TARIMBANG aima Raja bani sagala na adong. Goluhta, sonari on pakon bani ari simagira, marpangarapan Bani. Dong do kuasa Bani, laho mamasu-masu ampa manguhum. Dong do kuasa Bani, laho mambere ampa pasohkon hagoluhan. Anggo hita iharosuhkonNi, dear ma hagoluhanta; tapi anggo lang, sunsah ma goluhta. Ponting tumang do ugama na hinarosuhkon Naibata!

Buei do masamni panumbahan ni halak. Anggo ugama usih songon dalan, ai iharosuhkon Naibata do dalan ni ganup ugama? Lang. Jesus, atap Nabi Isa, sinuruh ni Naibata, patugahkon pitah dua do dalan. Ia manghatahon, ”[Bolag] do horbangan anjaha bolag do dalan hu hamagouan, anjaha buei do halak na masuk hujai. Tapi sompit do horbangan anjaha etek do dalan na dompak hagoluhan, anjaha otik do halak na jumpahan ai.”​—Mateus 7:13, 14.

Pitah dua do masam ni ugama: na sada manogu-nogu hu hagoluhan, janah na legan manogu-nogu hu hamagouan. Buku on ibahen laho mangurupi nasiam ase jumpahan dalan hu hagoluhan sisadokah ni dokahni.