PARLAJARAN 04
Ise do Naibata?
Lang piga dokah dobkonsi dong jolma i tanoh on, mulai ma sidea manombah bahat Naibata pakon gana-gana. Tapi bani Bibel ihatahon dong sada Naibata na ‘sisangapan humbani sagala Naibata na legan’. (2 Kronika 2:5) Ise do Ia? Mase sangapan Ia humbani Naibata na legan? Bani parlajaran on pardiateihon hita ma sonaha Naibata patandahon diri-Ni bamu.
1. Ise do goran ni Naibata, janah aha ma buktini anggo Naibata sihol ase ibotoh hita goran-Ni?
Bani Bibel, ipatanda Naibata do diri-Ni. Ia mangkatahon, “Ahu do Jahowa, ai ma goran-Ku.” (Basa Jesaya 42:5, 8.) Goran “Jahowa” ibuat humbani hata Heber na mangartihon “Ia na Mambahen Adong”. Sihol do Jahowa ase ibotoh hita goran-Ni. (2 Musa 3:15) Aha ma buktini? Dong lobih 7.000 hali goran ni Naibata isurat ibagas Bibel! a Pitah sada do “Naibata na sintong i langit pakon i tanoh on”, anjaha Jahowa do goran-Ni.—5 Musa 4:39.
2. Aha do na ipatugah Bibel pasal Jahowa?
Bibel mangkatahon humbani sagala naibata na isombah jolma, Jahowa dassa Naibata na sintong. Mase? Dong piga-piga alasan. Jahowa do “Na Tang Sitimbulan i sab tanoh on”. (Basa Psalmen 83:18.) Isobut do Ia “Pargogoh na So Tarimbang” halani banggal kuasa-Ni. Janah boi do ibahen Ia aha pe domu bani harosuh-Ni. Ia do na “manompa sagala na adong” i langit pakon i tanoh on. (Pangungkabon 4:8, 11) Anjaha pitah Jahowa do na tongtong adong ronsi sadokah ni dokahni.—Psalmen 90:2.
PARLAJARI ROH BAHATNI
Parlajari hita ma aha do beda ni pandiloon pakon goran ni Naibata. Holi iulas hita homa mase Naibata marosuh patugahkon goran-Ni hubanta.
3. Bahat do pandiloon ni Naibata tapi pitah sada do goran-Ni
Ase ibotoh hita aha do beda ni pandiloon pakon goran, tonton ma VIDEO, janah ulas ma sungkun-sungkun on.
-
Aha do beda ni goran pakon pandiloon ni Naibata?
Bibel mangkatahon bahat do naibata pakon Tuhan na isombah jolma. Basa ma Psalmen 136:1-3, anjaha ulas ma sungkun-sungkun on:
-
Ise do “Naibata ni sagala naibata” pakon “Tuhan ni sagala tuhan”?
4. Jahowa sihol ase hita mambotoh janah mandilo goran-Ni
Hunja ibotoh hita anggo Jahowa sihol ase ibotoh hita goran-Ni? Tonton ma VIDEO, janah ulas ma sungkun-sungkun on.
-
Anggo pandapotmu marosuh do Jahowa ibotoh hita goran-Ni? Mase?
Sihol do Jahowa ase idilo hita goran-Ni. Basa ma Rom 10:13, janah balosi ma sungkun-sungkun on:
-
Mase maningon idilo hita goran ni Jahowa?
-
Sonaha pangahapmu anggo idingat halak goranmu janah ra ia mandilo goranmu?
-
Anggo pandapotmu, sonaha pangahap ni Jahowa sanggah idilo hita goran-Ni?
5. Jahowa sihol ase hita marhasoman pakon-Si
Dong sahalak naboru hun Kamboja na margoran si Soten. Dobkonsi itanda ia Naibata, gabe “megah tumang ma uhurni”. Tonton ma VIDEO, janah ulas ma sungkun-sungkun on.
-
Bani video ai, sonaha pangahap ni si Soten dobkonsi ibotoh ia goran ni Naibata?
Ase boi marhasoman pakon sasahalak, somalni porlu do lobei ibotoh hita goranni. Basa ma Jakobus 4:8a, janah ulas ma sungkun-sungkun on:
-
Aha do na ipindo Jahowa hubanta?
-
Mase lambin orot hita bani Naibata anggo ibotoh hita goran-Ni?
ANGGO DONG NA MANGKATAHON: “Pitah sada do Naibata. Lang soal sonaha hita mandilo Ia, itangar Naibata do ganupan ai.”
-
Porsaya do ham Jahowa goran ni Naibata?
-
Sonaha ham patorangkon anggo Naibata sihol ase hita mandilo goran-Ni?
RIMPUNAN
Jahowa do goran ni Naibata na sintong. Sihol do uhur-Ni ase ibotoh janah idilo hita goran-Ni. Anggo ibahen hita sonai lambin orot ma hita hu Bani.
Na Dob Iparlajari
-
Aha do beda ni Jahowa pakon naibata na legan?
-
Mase maningon idilo hita goran ni Naibata?
-
Hunja ibotoh hita anggo Jahowa sihol ase hita lambin dohor hu Bani?
TONGGOR HOMA
Pareksa ma lima bukti na patuduhkon adong do Naibata ai.
“Ai Adong do Naibata?” (Artikel web) (dong bani bahasa Indonesia)
Pardiateihon ma alasan mase hita porsaya tongtong do adong Naibata.
“Ise do na Manompa Naibata?” (Menara Pengawal 1 Agustus 2014) (dong bani bahasa Indonesia)
Mase maningon idilo hita goran ni Naibata, hassi pe lang ibotoh hita sonaha mandilo goran-Ni ai bani mungkahni?
“Ise do Jahowa Ai?” (Artikel web) (dong bani bahasa Indonesia)
Age pe bahat pandiloon ni Naibata, mase boi ihatahon pitah sada do goran-Ni?
“Ai Piga do Goran ni Naibata?” (Artikel web) (dong bani bahasa Indonesia)
a Laho mambotoh hatorangan pasal arti goran ni Naibata ampa mase bahat terjemahan Bibel lang manuratkon goran ni Naibata, basa ma Lampiran A4 bani Kitab Suci Terjemahan Dunia Baru.
