Sibere-bere na maharga humbani Jahowa do Bibel ai. Dong 66 buku ibagas. Tapi ra do sungkun-sungkun ibagas uhurmu, ‘Sonaha Bibel boi das hubani manisia? Ise do pengarangni?’ Ulas hita ma balosni.

1. Mase ma ihatahon Naibata pengarangni hape jolma na manuratkon?

Dong 40 dalahi na manuratkon Bibel. Tahun 1513 SM do ai mulai isurat, janah salosei hira-hira tahun 98 M. Jadi, hira-hira 1.600 tahun ma dokahni ganupan isurat. Marmasam do halak na manuratkon Bibel. Umpamani, dong parmahan, sijala dengke, pakon raja. Age pe sonai mardomu do na isuratkon sidea. Mase boi sonai? Halani Naibata do pengarang ni Bibel. (Basa 1 Tessalonika 2:13.) Jadi sedo pingkiran ni panurat ni Bibel na isurat ijai. Bibel mangkatahon, “Humbani Naibata do roh ni na ihatahon sidea marhitei panogu-noguan tonduy na pansing.” a (2 Petrus 1:21) Jadi ibere Naibata do tonduy na pansing hubani jolma ase boi sidea manuratkon pingkiran-Ni.​—2 Timoteus 3:16.

2. Ise do na boi mambasa Bibel?

Naibata mangkatahon “ganup halak humbani sagala bangsa, bahasa, suku, ampa marga” boi mambotoh barita na madear na dong ibagas Bibel. (Basa Pangungkabon 14:6.) Bueinan do Bibel iterjemahkon marimbangkon buku na legan. Jadi, sonari on urah do halak mambasa Bibel, lang soal ija sidea tading, atap bahasa aha pe na igunahon sidea.

3. Sonaha Jahowa manjaga ase Bibel adong ronsi sonari?

Mungkahni, Bibel isuratkon bani bahan na urah maseda, songon kulit binatang, atap kulit hayu na isobut papirus. Bahat do halak na mangkaholongi Bibel. Jadi sai isalin sidea ma use Bibel ai janah teliti do sidea sanggah manalin ai. Sanggah ilarang pamarentah halak manalin Bibel, totap do adong na mangkorjahon ai hassi pe iancam ibunuh. Lang adong na boi manlanglangi Jahowa laho padaskon hata-Ni hubanta. Songon na ihatahon Bibel tongtong do martahan hata ni Naibata.​—Jesaya 40:8.

 PARLAJARI ROH BAHATNI

5. Tongtong do adong Bibel ronsi sonari

 6. Buku bani haganup halak

Bibel ma buku na sibahatan iterjemahkon ampa icetak. Basa ma Lahoan 10:34, 35, janah ulas ma sungkun-sungkun on:

• Mase Naibata sihol ase Bibel bahat iterjemahkon ampa icetak?

• Humbani hatorangan na i toruh on, na ija do na menarik bamu?

 RIMPUNAN

Hata ni Naibata do Bibel ai. Anjaha Naibata manjaga ase Bibel ai adong ronsi sonari janah sirsir bani ganup halak.

Na Dob Iparlajari

• Sonaha Naibata mangurupi jolma sanggah sidea manuratkon pingkiran-Ni?

• Sonaha pandapotmu dob mambotoh bahat tantanganni ase Bibel dong ronsi sonari?

• Sonaha pangahapmu pasal Naibata, dob mambotoh marusaha do Ia padaskon hata-Ni hu bamu?