Ongga do ham iontang hu partumpuan ni Saksi-Saksi Jahowa? Ra, lape ongga roh ham halani mabiar. Sungkun-sungkun do ra ibagas uhurmu, ‘Aha do na masa ijai? Mase ponting acara ai? Mase maningon roh ahu?’ Bani parlajaran on iulas hita ma sonaha partumpuan ai boi mangurupi ham ase lambin dohor hubani Naibata, janah aha deba gunani ai bamu.

1. Mase Saksi-Saksi Jahowa maningon rap martumpu?

Ipatugah panurat ni Bibel do mase juakjuak ni Naibata maningon martumpu. Ia mangkatahon, “Sai pujionku do Jahowa ibagas partumpuan na banggal.” (Psalmen 26:12) Sonai homa sonari on, malas tumang do uhur ni Saksi-Saksi Jahowa sanggah rap martumpu. I sab dunia on, tiap minggu martumpu do hanami laho mamuji Naibata, mandoding, ampa martonggo. Anjaha, piga-piga hali satahun ibahen hanami do partumpuan na banggal na isobut kebaktian.

2. Aha do na laho iparlajari ham i partumpuan?

Hata ni Naibata do na iparlajari hita i partumpuan. “Tangkas do ai ipatorang janah ipatugah do artini.” (Basa Nehemia 8:8.) Anggo martumpu ham, lambin bahat ma ibotoh ham pasal Jahowa ampa sifat-sifat-Ni. Ibotoh ham ma holong ni uhur-Ni bamu. On ma na mangojur ase lambin dohor ham hu Bani. Janah iurupi do homa ham ase lambin martuah goluhmu.​—Jesaya 48:17, 18.

3. Aha do gunani anggo rap hita martumpu pakon na legan?

Iparentahkon Jahowa do ase “ipardiateihon hita samah hita, marsiojuran hita patuduhkon holong ampa horja na madear, janah lang manadingkon partumpuanta”. (Heber 10:24, 25) Sanggah i partumpuan, pajumpah ma ham pakon bahat halak na marsihaholongan. Songon ham, marosuh do sidea marlajar pasal Naibata. Holi ijai bogeionmu ma sidea mambagihon na iparlajarini humbani Bibel. (Basa Rom 1:11, 12.) Boi do homa ham marsitandaan pakon halak na marhasil mangatasi masalahni. Halani ai ma sihol Jahowa ase tongtong hita martumpu.

 PARLAJARI ROH BAHATNI

4. Partumpuan ni Saksi-Saksi Jahowa

Bani abad na parlobei, taratur do halak Kristen martumpu laho mamuji Jahowa. (Rom 16:3-5) Basa ma Kolosse 3:16, anjaha ulas ma sungkun-sungkun on:

• Aha do na ibahen halak Kristen bani abad na parlobei sanggah martumpu?

1. Dong ipadas ambilan, video na iputar, janah ilatih do homa hanami marbarita. Partumpuan ipungkah janah itutup marhitei doding ampa tonggo

2. Bani piga-piga bagian boi do hadirin mambere pandapot

3.   Ganup do halak boi roh, dalahi, naboru, na matua, na maposo pakon dakdanak

4. Bani partumpuan ni Saksi Jahowa lang adong ipungut biaya janah lang mardurung-durung

5. Maningon marusaha do ase boi ham roh hu partumpuan

• Mase maningon taratur hita roh hu partumpuan?

 RIMPUNAN

Anggo roh hu partumpuan, lambin bahat ma na iparlajari ham pasal Jahowa. Lambin orot ma parhasomananmu pakon-Si. Anjaha boi ma ham rap mamuji Ia pakon na legan.

Na Dob Iparlajari

• Mase ihatahon bani Bibel ase hita rap martumpu?

• Aha ma na boi iparlajari ham i partumpuan ni Saksi Jahowa?

• Pandapotmu, aha ope gunani anggo roh ham martumpu?