PARLAJARAN 11

Sonaha Ham Boi Mandapot Guna Sanggah Mambasa Bibel?

PADALAN

Ongga do ham sihol mangkorjahon sada tugas na banggal hape iahap ham lang sanggup mangkorjahon ai? Ra, ase lambin urah ihorjahon ham ma ai otik-otik. Sonai ma ra pangahapmu laho mambasa Bibel. Ra do sungkun-sungkun ibagas uhurmu, ‘Hunja do hupungkah mambasa?’ Bani parlajaran on, holi iulas hita ma aha do na boi ibahen ham ase marosuh ham mambasa ampa mamparlajari isi ni Bibel.

1. Mase maningon ibasa hita Bibel bai ganup ari?

Anggo bai ganup ari ibasa hita “titah ni Jahowa” ai ma Bibel, tontu gabe martuah ma goluhta. (Basa Psalmen 1:1-3.) Ase boi ihorjahon ham ai, coba ma mambasa Bibel piga-piga menit tiap ari. Anggo ipasomal ham mangkorjahon ai, gabe marosuh ma ham mambasa Bibel.

2. Sonaha carani ase ham mandapot guna sanggah mambasa Bibel?

Ase mandapot guna ham sanggah mambasa Bibel, porlu do ham soh tongkin laho mamingkirhon ayat na ibasa. Jadi artini “sai rimangi ma ai”. (Josua 1:8) Sanggah mambasa, pingkirhon ma sungkun-sungkun on, ‘Humbani ayat on, aha do na boi huparlajari pasal Jahowa? Sonaha ahu boi mandalankon ai ibagas goluhku? Sonaha ahu boi manggunahon ayat on laho mangurupi na legan?’

3. Sonaha ham boi pasirsirhon panorang laho mambasa Bibel?

Ai susah do iahap ham mangatur panorang laho mambasa Bibel? Bahat do homa halak na sonai. Bibel mangojur hita ase “pangkei manggunahon panorang”. (Epesus 5:16) Halani ai, tontuhon ma sadihari do panorang na sosok bamu ase boi mambasa Bibel bai ganup ari. Adong do na mambasa Bibel sogod ni ari. Dong homa na mambasa Bibel dob salosei mangan siang. Na legan, mambasa Bibel sanggah borngin paima modom. Anggo iahap ham, sadihari do panorang na sosok bamu?

PARLAJARI ROH BAHATNI

Parlajari ma sonaha ase rosuh ham mambasa Bibel. Parlajari ma sonaha mambahen persiapan paima marlajar mamakei buku on ase marguna parlajaran ai bamu.

Anggo ipasomal hita mangankon sipanganon na lape ongga ipangan, ujungni marosuh ma hita mangankon ai. Sonai homa sanggah mambasa Bibel

4. Marusaha ma ase rosuh mambasa Bibel

Ra do mungkahni lang urah iahap ham laho mambasa Bibel. Tapi anggo ipasomal ham, gabe marosuh ma ham. Dos do on songon mangankon sipanganon na lape ongga ipangan ham. Basa ma 1 Petrus 2:2, janah ulas ma sungkun-sungkun on:

Anggo ipasomal ham mambasa Bibel bai ganup ari, ai boi do ujungni gabe marosuh ham mambasa ai?

Tonton ma VIDEO pasal na maposo na gabe rosuh mambasa Bibel, dob ai ulas ma sungkun-sungkun on.

VIDEO: Na Maposo na Rosuh Marlajar Bibel (5:33)

Aha do tantangan na iahapkon na maposo sanggah sidea laho mambasa Bibel?
Aha do na mangurupi sidea ase boi mambasa Bibel bai ganup ari?
Aha do na ibahen sidea ase lambin rosuh sidea mambasa Bibel?

Cara na boi icoba ham laho mambasa Bibel:

Pilih ma terjemahan ni Bibel na topat janah urah iarusi. Coba ma mambasa Bibel Terjemahan Dunia Baru bani sahap na iarusi ham.
Pilih ma topik na iharosuhkon ham. Tonggor ma contohni i bagian “Mulai ma Mambasa Bibel”.
Tandai ma bindu na dob ibasa ham. Bani buku on, dong bagian “Pambasaan Bibelku”. Gunahon ma ai.
Pakei ma aplikasi JW Library^® bani HP atap tabletmu. Ija pe ham, boi do ham mambasa Bibel atap manangar rokaman audioni marhitei aplikasi ai.
Pakei ma lampiran na dong i Bibel Terjemahan Dunia Baru. Ijai dong peta, tabel, pakon daftar istilah. Lambin marosuh ma ham mambasa Bibel anggo igunahon ham ai.

5. Bahen ma persiapan paima marlajar Bibel

Basa ma Psalmen 119:34, janah ulas ma sungkun-sungkun on:

Mase maningon martonggo lobei ham paima mambasa Bibel atap mambahen persiapan?

Sonaha ase ham boi mandapot guna sanggah marlajar Bibel manggunahon buku on? Sanggah ham mambahen persiapan bani tiap parlajaran, coba ma on:

Basa ma paragrap i bagian na parlobei bani tiap parlajaran.
Basa ma ganup ayat na dong ijai janah pingkirhon ma aha do kaitanni ayat ai pakon topik na laho iulas.
Tandai ma kata kunci na gabe balos ni sungkun-sungkun ai. Marguna do on sanggah ham mangulas ai pakon Saksi na mangurupi ham marlajar Bibel.

Ai ibotoh ham do?

Dong piga-piga terjemahan ni Bibel na igunahon Saksi Jahowa. Tapi rosuhan do hanami manggunahon Kitab Suci Terjemahan Dunia Baru halani terjemahanni topat, urah iarusi janah dong goran ni Naibata ijai.—Tonggor ma artikel web “Ai Ibahen Saksi Jahowa do Bibelni Sandiri?”

ANGGO DONG NA MANGKATAHON: “Susah do na marlajar Bibel ai. Bahat horjangku, lang sompat.”

Sonaha pandapotmu pasal ai?

RIMPUNAN

Ase mandapot guna ham humbani Bibel, atur ma panorang laho mambasa ai. Martonggo ma ase boi iarusi aha na ibasa, janah bahen ma persiapan laho marlajar Bibel manggunahon buku on.