Bahat do gunani anggo hita marlajar Bibel. Tapi sipata lang urah ai. Ra do ragu ham atap boi do torus marlajar Bibel. Tapi mase maningon marusaha hita ase torus marlajar Bibel? Aha na boi mangurupi ham hassi pe dong tantangan?

1. Mase ponting marlajar Bibel?

“Manggoluh do hata ni Naibata anjaha marhagogohon.” (Heber 4:12) Maharga tumang do Bibel ai halani marisi pingkiran ni Naibata janah patugahkon na holong do Ia bamu. Iurupi do homa ham ase boi mandapot pangarusion, hapentaran, ampa pangarapan. Anjaha na sipontingan, Bibel mangurupi ham ase boi marhasoman pakon Jahowa. Jadi anggo marlajar Bibel ham, gabe martuah ma goluhmu.

2. Mase porlu idingat hita maharga do hasintongan ni Bibel ai?

Hasintongan ni Bibel songon arta na maharga. Halani ai ma Bibel mangkatahon “boli ma hasintongan anjaha ulang jualhon ai”. (Podah 23:23) Anggo torus idingat hita maharga do hasintongan ni Bibel ai, gabe marusaha ma hita torus marlajar hassi pe dong tantangan.​—Basa Podah 2:4, 5.

3. Sonaha Jahowa mangurupi ham ase boi torus marlajar Bibel?

Jahowa do Panompa anjaha Hasomanmu na sidearan. Halani ai, sihol do Ia mangurupi ham ase torus marlajar pasal Ia. Boi do ibahen Ia ase ham “sirsir janah margogoh mangkorjahon ai”. (Basa Pilippi 2:13.) Iurupi do homa ham ase totap semangat marlajar janah mandalankon aha na dob iparlajari. Ipargogohi do ham sanggah dong tantangan atap pe dong halak na lang marosuh mangidah ham marlajar Bibel. Totap ma martonggo hubani Jahowa ase iurupi ham torus marlajar Bibel.​—1 Tessalonika 5:17.

 PARLAJARI ROH BAHATNI

4. Bahen ma parlajaran Bibel gabe na sipontingan

Sipata halani bahat na laho ihorjahon, ra do iahap hita lang adong be panorang laho marlajar Bibel. Aha do na boi ibahen hita? Basa ma Pilippi 1:10, anjaha ulas ma sungkun-sungkun on:

• Anggo pandapotmu, aha do piga-piga “na siporlunan” ibagas goluhmu?

• Sonaha ham boi mambahen parlajaran Bibel gabe na sipontingan?

1. Anggo pasir na parlobei ipamasuk hubagas ember, gabe lang siat be ganup batu ipamasuk hujai

2. Tapi anggo batu na parlobei ipamasuk, gabe bahat ma pasir na boi siat hujai. Jadi anggo ipalobei ham na siporlunan ibagas goluhmu, gabe boi ma ihorjahon ham na sipontingan anjaha dong ope panorangmu laho mangkorjahon na legan

Marlajar Bibel boi mambahen hita gabe marmalas ni uhur halani manombah janah marhasoman pakon Naibata. Basa ma Mateus 5:3, janah ulas ma sungkun-sungkun on:

• Aha do gunani anggo marusaha hita torus marlajar Bibel?

 5. Totap ma marlajar Bibel hassi pe dong tantangan

6. Marpangunsandeian ma bani Jahowa ase iurupi ham

 RIMPUNAN

Hassi pe dong tantangan, tongtong ma marpangunsandeian bani Jahowa ase iurupi ham torus marlajar Bibel. Anggo ibahen ham sonai, gabe martuah ma goluhmu sadokah ni dokahni.

Na Dob Iparlajari

• Mase maharga tumang hasintongan ni Bibel bamu?

• Sonaha ham boi mambotoh “na ija na siporlunan”?

• Mase porlu ham mangindo pangurupion ni Jahowa ase boi tongtong marlajar Bibel?