Ase nasiam mandapot guna sanggah marlajar Bibel manggunahon buku on
Na parlobei, pardiateihon ma bagian on janah tonton ma VIDEO.
BAGIAN NA PARLOBEI
Paima marlajar basa ma lobei ganup paragrapni. Sungkun-sungkun (A) pakon ayat (B) na icetak tebal patuduhkon gagasan utamani. Bani piga-piga ayat dong ihatahon “basa”. Jadi, basa ma ayat ai rap pakon Saksi na mangurupi ham marlajar.
BAGIAN NA PADUAHON
Hatorangan pamungkah (C) na dong i bagian Parlajari Roh Bahatni patuduhkon aha na laho iulas. Subjudul (D) patuduhkon gagasan utama na laho iulas. Basa ma ayat-ayatni, balosi ma sungkun-sungkunni, janah tonton ma ganup videoni pakon Saksi na mangurupi ham marlajar.
Bani kotak VIDEO, dong link video na markaitan bani parlajaran na iulas. Dong video na ibuat humbani pangalaman ni piga-piga halak, janah dong homa drama na patuduhkon hagoluhan siganup ari.
Pardiateihon ma homa ganup gambar ampa hatoranganni (E), anjaha pingkirhon ma homa sonaha ham mambalosi bagian Anggo Dong na Mangkatahon (F).
BAGIAN NA PARPUDI
Bagian na parpudi ai ma Rimpunan pakon Na Dob Iparlajari (G). Tulis ma tanggal piga parlajaran ai salosei iulas. Bani bagian Na Laho Ibahen (H) dong piga-piga na porlu ibahen ham. Bagian Tonggor Homa (I) marisi hatorangan tambahan na boi ibasa atap itonton ham.
Daptar Isi
|
Bagian 2 
|
Bagian 3 
|
Bagian 4 
|
Hatorangan Tambahan |
Cara manorihi ayat-ayat na dong ibagas Bibel
Ibagas Bibel dong 66 buku. Ganupan buku ai ibagi gabe dua bagian: Kitab-Kitab Ibrani-Aram (“Padan na Basaia”) pakon Kitab-Kitab Yunani Kristen (“Padan na Baru”).
Ganup ayat ni Bibel na dong bani buku on urutanni: (A) ai ma goran ni buku bani Bibel, (B) ai ma bindu, anjaha (C) ai ma ayat.
Umpamani, 2 Timoteus 3:3 artini 2 Timoteus, bindu 3, ayat 3.
