Songon na iulas bani parlajaran na salpu, lang ganup ugama boi pamalaskon uhur ni Naibata. Tapi, adong do cara na sintong laho manombah Ia na boi pamalaskon uhur-Ni. Sonaha “panumbahan na sintong” na boi pamalaskon uhur ni Naibata? (Jakobus 1:27) Pardiateihon ma na ihatahon Bibel.

1. Aha do na iihutkon hita laho manombah Naibata?

Ihatahon Jesus do bani Naibata, “Hata-Mu do hasintongan.” (Johannes 17:17) Jadi, panombahanta maningon mangihutkon Bibel. Tapi bahat ugama lang ra mandalankon ai. Rosuhan do sidea mandalankon adat pakon pingkiran ni jolma. Hape lang marosuh Jahowa bani halak na ‘pasidingkon titah-Ni’. (Basa Markus 7:9.) Tapi gabe malas do uhur-Ni anggo idalankon hita parentah-Ni.

2. Sonaha do cara na sintong laho manombah Jahowa?

Jahowa dassa na isombah hita halani Ia na manompa hita. (Pangungkabon 4:11) Jadi maningon holong do uhurta Bani. Anjaha lang boi igunahon hita patung atap pe gambar laho manombah Ia.​—Basa Jesaya 42:8.

Panombahanta maningon “pansing janah iharosuhkon” Jahowa. (Rom 12:1) Halani ai maningon idalankon hita ma titah-Ni bai ganup ari. Umpamani, mandalankon parentah-Ni pasal parhajabuan. Leganni ai, lang ra hita mangkorjahon na lang dear, songon mangissop, mardemban, tenggen, atap pe marnarkoba. a

3. Mase maningon rup martumpu hita pakon sanina botou?

Sanggah martumpu, hita boi “mamuji Jahowa”. (Psalmen 111:1, 2) Sada cara ai ma mandoding hubani Naibata. (Basa Psalmen 104:33.) Halani holong ni Jahowa sihol do Ia ase hita martumpu. Ijai iajari do hita sonaha ase boi totap marmalas ni uhur. Leganni ai, boi do homa hita marsiojuran pakon na legan.

 PARLAJARI ROH BAHATNI

4. Lang boi igunahon hita patung atap gambar laho manombah Naibata

5. Anggo Jahowa na isombah hita, boi ma hita maluah hun ajaran na salah

 6. Manombah Naibata i partumpuan

Sanggah mandoding ampa mambere komentar i partumpuan, on patuduhkon anggo hita mamuji Jahowa ampa patoguhkon hasoman sahaporsayaon. Basa ma Psalmen 22:22, janah ulas ma sungkun-sungkun on:

• Ai marosuh do ham manangar komentar i partumpuan?

• Ai ra do ham mambahen persiapan ase boi homa mambere komentar?

7. Marosuh Jahowa anggo ra hita patugahkon na iparlajari hita

Bahat do cara na boi ibahen hita laho patugahkon aha na dob iparlajari hita. Basa ma Psalmen 9:1 pakon 34:1, janah ulas ma sungkun-sungkun on:

• Parlajaran na ija do na sihol ipatugah ham bani halak na legan?

 RIMPUNAN

Malas uhur ni Naibata anggo pitah Ia na isombah hita, ipuji hita Ia i partumpuan, janah ipatugah hita aha na dob iparlajari bani na legan.

Na Dob Iparlajari

• Hunja ibotoh hita cara na sintong laho manombah Naibata?

• Mase maningon Jahowa dassa na isombah hita?

• Mase maningon rup martumpu hita pakon sanina botou?