PARLAJARAN 25
Aha do Tujuan ni Naibata Manompa Hita?
Domma ipatugah bani Bibel anggo jolma “otik do umurni janah buei hasunsahanni”. (Job 14:1) Ai sonai do harosuh ni Naibata? Anggo lang sonai, jadi aha ma harosuh-Ni sanggah manompa hita? Boi do saud holi ai? Eta ulas hita ma balos ni Bibel pasal ai na mambahen tarapoh uhurta.
1. Aha do harosuh ni Naibata sanggah manompa jolma?
Sihol do Jahowa ase martuah goluhta. Sanggah itompa si Adam pakon si Hawa, ibahen ma sidea i Taman Eden. “Dob ai, ipasu-pasu Naibata ma sidea, janah nini ma, ‘Marginompari ma hanima ase martambah hanima, goki hanima ma tanoh on anjaha patunduk ma in.’” (1 Musa 1:28) Sihol do Jahowa ase sidea marniombah, mangurus ganup binatang, anjaha mambahen sab tanoh on gabe paradeiso. Marosuh do Naibata ase ganup jolma sehat janah manggoluh sadokah ni dokahni.
Hassi pe lang sonai goluhta sonari on, a tapi lang mubah harosuh ni Naibata. (Jesaya 46:10, 11) Sihol do uhur ni Jahowa ase ganup halak na unduk hu Bani manggoluh janah marmalas ni uhur sadokah ni dokahni i tanoh on.—Basa Pangungkabon 21:3, 4.
2. Sonaha ase boi martuah goluhta sonari on?
Sanggah itompa hita, ibahen Jahowa do ase sihol uhurta laho mananda ampa manombah-Si. (Basa Mateus 5:3-6.) Sihol do uhur-Ni ase hita marhasoman pakon-Si, “mardalan bai ganup dalan-Ni, mangkaholongi-Si”, janah manombah-Si “humbai gok ni uhurta”. (5 Musa 10:12; Psalmen 25:14) Jadi anggo idalankon hita harosuh ni Naibata gabe martuah ma goluhta age pe dong masalahta.
PARLAJARI ROH BAHATNI
Ulas hita ma sonaha banggal ni holong ni Jahowa hubanta sanggah manompa tanoh on. Janah ulas hita ma homa aha do na iharosuhkon Naibata sanggah manompa hita.
3. Sihol do Jahowa ase marmalas ni uhur jolma
Tonton ma VIDEO, dob ai balosi ma sungkun-sungkun on.
-
Mase jenges tumang itompa Naibata tanoh on?
Basa ma Parambilan 3:11, janah ulas ma sungkun-sungkun on:
-
Aha do na iajarhon ayat on pasal Jahowa?
4. Totap do harosuh ni Jahowa
Basa ma Psalmen 37:11, 29 pakon Jesaya 55:11, janah balosi ma sungkun-sungkun on:
-
Hunja do ibotoh hita anggo harosuh ni Naibata lang ongga mubah?
Age pe domma maseda sada rumah tapi boi do ai ipadear use. Sonai ma homa, age pe domma iparseda jolma tanoh on, tapi padearon ni Naibata do use ai janah bereon-Ni do holi bani halak na mangkaholongi-Si
5. Gabe martuah ma goluhta anggo isombah hita Jahowa
Anggo ibotoh hita mase itompa jolma, gabe martuah ma goluhta. Tonton ma VIDEO, dob ai balosi ma sungkun-sungkun on.
-
Aha ma gunani bani si Terumi dobkonsi ibotoh ia mase itompa Naibata jolma?
Basa ma Parambilan 12:13, janah ulas ma sungkun-sungkun on:
-
Domma bahat na ibahen Jahowa hubanta, jadi sonaha hita patuduhkon anggo hita mangkargai ganupan ai?
ANGGO DONG NA MANUNGKUN: “Sonaha carani ase boi hita martuah?”
-
Sonaha ma ham mambalosi ai?
RIMPUNAN
Sihol do uhur ni Jahowa ase martuah hita janah manggoluh sadokah ni dokahni i tanoh on. Anggo isombah hita Jahowa humbai gok ni uhurta, boi do homa hita martuah sonari on.
Na Dob Iparlajari
-
Sanggah itompa Jahowa si Adam pakon si Hawa, aha do harosuh-Ni bani sidea?
-
Hunja ibotoh hita anggo harosuh ni Jahowa lang ongga mubah?
-
Sonaha carani ase martuah goluhta?
TONGGOR HOMA
Basa ma bukti na patuduhkon tongon do adong Taman Eden ai.
“Taman Eden—Tongon do Adong Ai?” (Menara Pengawal 1 Januari 2011) (dong bani bahasa Indonesia)
Mase pos uhurta anggo tanoh on adong sadokah ni dokahni.
“Ai Iripaskon do Holi Tanoh On?” (Artikel web) (dong bani bahasa Indonesia)
Sonaha ase boi martuah goluhta?
“Aha do Tujuan ni Hagoluhan On?” (Artikel web) (dong bani bahasa Indonesia)
Tonton ma pangalaman ni sada dalahi na bayak tumang tapi dong na hurang iahapni.
a Bani parlajaran na mangihut, iulas hita ma mase sunsah hagoluhanta sonari on.
