PARLAJARAN 36
Jujur ma ibagas Haganup
Tontu marosuh do hita marhasoman pakon halak na jujur, sonai do homa Jahowa. Tapi sipata lang urah mangkorjahon ai halani bahat do halak na lang jujur sonari on. Aha do gunani anggo tongtong hita jujur?
1. Mase hita maningon jujur?
Anggo tongtong hita jujur, on patuduhkon anggo hita mangkaholongi Jahowa janah hormat Bani. Ibotoh Jahowa do ganup pingkiran ampa horjanta. (Heber 4:13) Jadi sanggah jujur hita, ipardiateihon Ia do ai janah malas uhur-Ni. Bibel mangkatahon, “Magigi do Jahowa bani sipangoto-otoi, tapi pitah pakon halak na pintor maruhur do Ia marhasoman.”—Podah 3:32.
2. Sonaha hita patuduhkon parlahou na jujur?
Sihol do Jahowa ase hita “mangkatahon na sintong bani halak na legan”. (Sakaria 8:16, 17) On artini lang ra hita mangoto-otoi kaluarganta, hasoman sahorja, sanina-botou, atap pe petugas pamarentah. Jadi sanggah hita marsahap pakon sidea, na sintong do na ihatahon hita. Leganni ai, lang ra hita manangko atap pe manipu halak. (Basa Podah 24:28 pakon Epesus 4:28.) Igalar hita do pajak na dob itontuhon pamarentah. (Rom 13:5-7) On ma piga-piga cara laho patuduhkon ‘parlahou na jujur ibagas haganup’.—Heber 13:18.
3. Aha do gunani anggo jujur hita?
Anggo jujur hita gabe porsaya ma halak hubanta, gabe sonang ma pangahap ni sanina botou i kuria janah songon kaluarga ma ganup hita. Leganni ai, gabe borsih ma panggora ni uhurta. On boi mambahen gabe “sangap pangajaran na humbani Naibata”. Halani ai, gabe ra ma halak marlajar pasal Jahowa.—Titus 2:10.
PARLAJARI ROH BAHATNI
Ulas hita ma sonaha pangahap ni Jahowa anggo jujur hita janah aha do gunani ai banta. Ulas hita homa sonaha hita boi jujur ibagas haganup.
4. Malas uhur ni Jahowa anggo jujur hita
Basa ma Psalmen 44:21 pakon Maleaki 3:16, janah ulas ma sungkun-sungkun on:
-
Pandapotmu, mase lepak anggo iagan hita lang dong na mambotoh sanggah lang jujur hita?
-
Anggo iahap ham, sonaha ma pangahap ni Jahowa anggo jujur hita, hassi pe sipata lang urah mangkorjahon ai?
Malas do uhur ni namatoras anggo jujur niombahni. Malas do homa uhur ni Jahowa anggo jujur hita
5. Jujur ma ibagas haganup
Bahat halak mangkatahon lang porlu jujur ibagas haganup. Tapi pardiateihon ma mase maningon jujur hita bai ganup panorang. Tonton ma VIDEO.
Basa ma Heber 13:18, janah ulas ma sonaha hita boi jujur . . .
-
sanggah ibagas kaluarga.
-
sanggah i sikolah atap i parhorjaan.
-
atap bani situasi na legan.
6. Bahat do gunani anggo jujur hita
Mungkahni, ra do iahap hita parohkon masalah dassa anggo jujur. Tapi anggo jujur hita, bahat do gunani i lobei ni ari. Basa ma Psalmen 34:12-16, janah ulas ma sungkun-sungkun on:
-
Anggo iahap ham, aha do gunani anggo jujur ham?
-
Lambin toguh do parhajabuan anggo jujur suami istri
-
Ihaporsayai bos do parhorja na jujur
-
Ihaporsayai petugas pamarentah do rakyat na jujur
ANGGO DONG NA MANGKATAHON: “Anggo lang adong na irugihon, lang mahua sahali-sahali lang jujur.”
-
Mase porsaya ham lang marosuh Jahowa mangidah halak na lang jujur age pe sahali-sahali ibahen ia sonai?
RIMPUNAN
Sihol do Jahowa ase jujur hita ibagas parsahap ampa parlahounta.
Na Dob Iparlajari
-
Sonaha ham boi patuduhkon anggo ham jujur ibagas haganup?
-
Mase lepak anggo iagan hita lang adong na mambotoh sanggah lang jujur hita?
-
Mase maningon jujur ham ibagas haganup?
TONGGOR HOMA
Sonaha namatoras boi mangajari niombahni ase jujur?
Aha ma gunani anggo itopati hita janjinta?
Topati ma Janji janah Jalo ma Pasu-Pasu (9:09) (Dong bani bahasa Indonesia)
Mase maningon igalar hita pajak hassi pe sipata ra do isalahgunahon ai.
“Maningon Igalar Hita do Pajak?” (Menara Pengawal 1 September 2011) (dong bani bahasa Indonesia)
Aha do na mambahen sada dalahi mubah gabe halak na jujur?
“Hubotoh do Anggo Jahowa ai Bujur janah Ra Manalpuhon Hasalahan” (Menara Pengawal 1 Mei 2015) (dong bani bahasa Indonesia)
