Sadokah goluhta, bahat do na boi ihorjahon hita na mambahen malas uhurta. Hassi pe sipata dong masalah, tapi totap do hita boi marmalas ni uhur. Sonaha hita boi martarima kasih bani Jahowa halani domma ibere hagoluhan hubanta? Anjaha mase maningon ibahen hita sonai?

1. Mase maningon ihargai hita hagoluhan?

Naibata do “na manompa hagoluhan”. (Psalmen 36:9) Jadi sibere-bere na maharga humbani Jahowa do hagoluhan on. Halani ai, maningon ihargai hita ma hagoluhanta. “Ia do na mambere hagoluhan, hosah, ampa haganupan bani ganup jolma.” (Lahoan 17:25, 28) Ibere Jahowa do ganup haporluanta ase boi hita totap manggoluh janah marmalas ni uhur.​—Basa Lahoan 14:17.

2. Sonaha hita patuduhkon anggo hita mangkargai hagoluhan?

Sanggah ibagas kandungan, domma ipardiateihon Jahowa hita. Hunja ibotoh hita ai? Isurat do bani Bibel na ihatahon Raja Daud sanggah martonggo ia, “Domma itonggor Ham ahu sanggah ibagas kandungan ope.” (Psalmen 139:16) Maharga tumang do hagoluhanta bani Jahowa. (Basa Mateus 10:29-31.) Tontu pusok do uhur-Ni sanggah adong na mamunuh halak na legan atap bunuh diri. a (2 Musa 20:13) Sonai homa pusok do uhur ni Jahowa anggo lang ipardiateihon hita keselamatanta pakon keselamatan ni na legan. Jadi anggo ihargai hita hagoluhan, on patuduhkon martarima kasih do hita bani Jahowa halani domma ibere hagoluhan na maharga on hubanta.

 PARLAJARI ROH BAHATNI

3. Jaga ma kesehatanmu

Halani domma marjanji hita laho mangkorjahon harosuh ni Naibata, jadi igunahon hita ma hagoluhanta laho mangidangi-Si. On boi ihatahon ibere hita angkulanta gabe galangan na pansing hubani Naibata. Basa ma Rom 12:1, 2, janah ulas ma sungkun-sungkun on:

• Mase porlu ijaga ham kesehatanmu?

• Aha ma deba cara na boi ibahen ham laho manjaga kesehatan?

 5. Hargai ma hagoluhan ni janin

Raja Daud mangkatahon ipardiateihon Jahowa do aha na masa bani sada poso-poso sanggah ibagas kandungan. Basa ma Psalmen 139:13-17, janah ulas ma sungkun-sungkun on:

• Anggo bani Jahowa, attigan do hagoluhan ni sasahalak imulai, sanggah ibagas kandungan do, atap dobkonsi tubuh ia?

Hinan ibere Jahowa do titah bani bangsa Israel laho manlinggomi sada inang ampa poso-poso na ibagas kandunganni. Basa ma 2 Musa 21:22, 23, janah ulas ma sungkun-sungkun on:

• Sonaha ma pangahap ni Jahowa anggo adong sasahalak na lang sengaja mambahen sada inang keguguran?

• Sonaha ma pangahap ni Jahowa anggo dong na sengaja manggugurhon? b

• Sonaha ma pangahapmu pasal manggugurhon, dos do pakon Naibata?

Tonton ma VIDEO.

Hassi pe arga tumang hagoluhan ai, tapi ra do iahap sada naboru manggugurhon dassa haputusan na sidearan. Basa ma Jesaya 41:10, janah ulas ma sungkun-sungkun on:

• Anggo adong sada naboru na ipaksa manggugurhon kandunganni, hubani ise ma ia mangindo pangurupion? Mase?

 RIMPUNAN

Bibel mangajarhon sibere-bere na maharga humbani Jahowa do hagoluhan on. Halani ai, maningon ihargai pakon ijaga hita ma hagoluhanta sandiri pakon hagoluhan ni halak na legan.

Na Dob Iparlajari

• Mase arga tumang hagoluhan ni jolma i lobei ni Jahowa?

• Sonaha pangahap ni Jahowa anggo adong na mambunuh atap na bunuh diri?

• Mase ham mangkargai hagoluhan?