PARLAJARAN 39
Na Ihatahon Naibata pasal Daroh
Ponting tumang do daroh ai. Halani Naibata na manompa hita, tontu Ia do na marhak laho manontuhon sonaha daroh igunahon. Aha do na ihatahon Jahowa pasal daroh? Boi do ipangan ai? Boi do ijalo hita transfusi darah? Sonaha ham boi mambahen haputusan na dear pasal on?
1. Aha do na ihatahon Jahowa pasal daroh?
Hinan, ihatahon Jahowa do bani juakjuak-Ni, “Hagoluhan ni sagala na manggoluh dong ibagas darohni.” (3 Musa 17:14) Jadi manggambarhon hagoluhan do daroh ai bani Jahowa. Halani maharga do hagoluhan bani Naibata, maharga do homa daroh ai i lobei-Ni.
2. Aha do parentah na ibere Jahowa pasal daroh?
Dobkonsi Bah na Sumbang, iparentahkon Jahowa do juakjuak-Ni ase ulang mangan daroh. Ibere do homa parentah ai bani halak Israel na hinan. (Basa 1 Musa 9:4 pakon 3 Musa 17:10.) Marratus tahun dobkonsi ai, marhitei pangurus pusat ihatahon Naibata do use parentah ai bani halak Kristen, “Padaoh nasiam ma dirimu . . . humbani daroh.”—Basa Lahoan 15:28, 29.
Aha do artini padaohkon diri humbani daroh? Anggo isuruh dokter ipantangkon ham alkohol, tontu lang ra ham manginum ai. Tapi ipangan ham do sipanganon na dong alkoholni, atap ijeksihon ham ai hu darohmu? Tontu lang tene! Sonai ma homa padaohkon diri humbani daroh, lang ra hita mangankon atap manginum daroh. Lang ra homa hita mangan jagal na lape iduruskon darohni atap mangan sipanganon na isampur pakon daroh.
Sonaha anggo partambaran na mamakei daroh? Dong partambaran na lang domu bani titah ni Naibata. Tarmasuk ma ai transfusi darah utuh atap pe transfusi darah manggunahon sada humbani ompat bagian utama daroh. Tapi dong piga-piga partambaran na maningon ipastihon hita, marlawanan do ai bani titah ni Naibata atap lang. Umpamani, partambaran na mamakei fraksi na ibahen humbani bagian utama daroh ampa partambaran na mamakei darohni sandiri. Jadi sanggah mambahen haputusan pasal ai, ganup halak maningon mambahen haputusanni sandiri. a—Galatia 6:5.
PARLAJARI ROH BAHATNI
Ulas hita ma sonaha hita boi mambahen haputusan pasal partambaran na manggunahon daroh.
3. Bahen ma haputusan na domu bani harosuh ni Jahowa
Sanggah mamilih partambaran na dong kaitanni pakon daroh, sonaha ham boi mambahen haputusan domu bani harosuh ni Jahowa? Tonton ma VIDEO, janah ulas hita ma mase ponting ihorjahon hita saran-saran na mangihut.
-
Martonggo ma mangindo hapentaran.—Jakobus 1:5.
-
Pindahi ma prinsip ni Bibel janah pingkirhon ma sonaha mandalankon ai.—Podah 13:16.
-
Darami ma partambaran aha na dong i iananmu.
-
Tontuhon ma partambaran na sonaha do na lang ijalo ham.
-
Pastihon ma anggo haputusanmu ai lang mambahen targanggu panggora ni uhurmu.—Lahoan 24:16. b
-
Dingat ma, sanggah mambahen haputusan na markaitan bani panggora ni uhur, ham do na maningon mambahen haputusan ai, lang boi suami atap istri, guru studi, pakon sintua.—Rom 14:12.
-
Suratkon ma haputusanmu ai ase ibotoh halak.
4. Itorihi Saksi-Saksi Jahowa do partambaran na sidearan
Boi do idalankon hita parentah ni Naibata pasal daroh janah mandapot partambaran na sidearan na lang mamakei daroh. Tonton ma VIDEO.
Basa ma Titus 3:2, janah ulas ma sungkun-sungkun on:
-
Mase maningon lamlam janah hormat hita sanggah marsahapi pakon dokter?
|
Na lang boi ijalo |
Na maningon iputuskon sandiri |
|---|---|
|
A. Plasma darah |
Fraksi humbani plasma |
|
B. Sel darah putih |
Fraksi humbani sel darah putih |
|
C. Trombosit |
Fraksi humbani trombosit |
|
D. Sel darah merah |
Fraksi humbani sel darah merah |
5. Partambaran na mamakei fraksi darah
Dong ompat bagian utama daroh, ai ma sel darah merah, sel darah putih, trombosit, pakon plasma. Na ompat bagian ai boi do ibagi gabe fraksi darah. c Piga-piga fraksi darah igunahon gabe ubat laho manambari panahit atap laho parontihon pendarahan.
Sanggah mambahen haputusan pasal manjalo fraksi darah, ganup halak maningon mambahen haputusan sandiri mangihutkon panggora ni uhur na dob ilatih prinsip ni Bibel. Dong do halak Kristen na manjalo fraksi darah. Tapi dong homa na lang ra halani targanggu panggora ni uhurni.
Sanggah mambahen haputusan sisonai, pingkirhon ma sungkun-sungkun on:
-
Mase ra ahu manjalo atap manulak fraksi darah? Sonaha ahu patorangkon pasal on hubani dokter?
ANGGO DONG NA MANUNGKUN: “Mase lang ra nasiam transfusi darah?”
-
Sonaha ma ham mambalosi ai?
RIMPUNAN
Sihol do Jahowa ase hita mangkargai daroh.
Na Dob Iparlajari
-
Mase maharga tumang daroh ai bani Jahowa?
-
Iparentahkon Jahowa do ase hita padaohkon diri humbani daroh. Hunja ibotoh hita anggo ai tarmasuk lang manjalo transfusi darah?
-
Sonaha ham boi mambahen haputusan na dear pasal partambaran na mamakei daroh?
TONGGOR HOMA
Aha deba na porlu ipingkirhon ham paima mamutuskon laho manjalo partambaran na manggunahon darohmu sandiri?
“Na Isungkun Pambasa” (Menara Pengawal 15 Oktober 2000) (dong bani bahasa Indonesia)
Aha deba na porlu ipingkirhon ham paima mamutuskon laho manjalo fraksi darah?
“Na Isungkun Pambasa” (Menara Pengawal 15 Juni 2004) (dong bani bahasa Indonesia)
Aha do na mambahen sahalak dokter setuju bani na ihatahon Naibata pasal daroh?
“Setuju do Ahu bani na Ihatahon Naibata pasal Daroh” (Sedarlah! 8 Desember 2003) (dong bani bahasa Indonesia)
Sonaha sintua na mangidangi i bagian Panitia Penghubung Rumah Sakit mangurupi sanina botounta?
Ipatoguh Jahowa do Hita Sanggah Boritan (10:23) (Dong bani bahasa Indonesia)
a Tonggor ma Parlajaran 35, “Cara Mambahen Haputusan na Dear”.
b Tonggor ma nomor 5, “Partambaran na Mamakei Fraksi Darah” pakon Hatorangan Tambahan 3, “Perawatan Kesehatan na Manggunahon Daroh”.
c Halani dong piga-piga dokter na mangkatahon anggo ompat bagian daroh ai sarupa pakon fraksi darah, porlu do tangkas ipatorang ham hubani dokter, anggo ham lang ra manjalo transfusi darah. Tarmasuk ma ai sel darah merah, sel darah putih, trombosit, atap plasma.
