PARLAJARAN 41
Aha do na Ihatahon Bibel pasal Seks?
Bahat do halak na malang uhurni mangulas pasal seks. Tapi bani Bibel tangkas janah hormat do ipatorang pasal ai. Marguna do hatorangan ai hubanta halani humbani Jahowa do ai. Halani Jahowa do na manompa hita, ibotoh Ia ma na sidearan hubanta. Halani ai, ipatugah Ia do aha na maningon ibahen hita laho pamalaskon uhur-Ni janah sonaha ase hita boi totap marmalas ni uhur.
1. Aha do na ihatahon Jahowa pasal seks?
Domma itotapkon Naibata pitah dalahi pakon naboru na dob marhajabuan dassa na boi berhubungan seks. Halani ai, gabe boi ma sidea patuduhkon holong bani pasanganni janah marniombah. Gabe marmalas ni uhur ma homa sidea. Bibel mangkatahon, “Malas ma uhurmu bani parinangon na ialopmu sanggah poso.” (Podah 5:18, 19) Sihol do Jahowa ase halak Kristen setia bani pasanganni janah lang boi selingkuh.—Basa Heber 13:4.
2. Aha do artini seks na so patut?
Bibel mangkatahon, “Halak na mangkorjahon seks na so patut . . . seng sitean Harajaon ni Naibata.” (1 Korint 6:9, 10) Hata Junani seks na so patut na isurat i Bibel, ai ma por·neiʹa. Hata on boi do artini (1) seks na ihorjahon dalahi pakon naboru na lang suami istri, a (2) homoseks, ai ma seks na ihorjahon dalahi pakon dalahi atap seks na ihorjahon naboru pakon naboru, (3) seks na ihorjahon pakon binatang. Anggo “ipadaoh hita dirinta humbani seks na so patut”, gabe malas ma uhur ni Jahowa janah bahat do gunani ai hubanta.—1 Tessalonika 4:3.
PARLAJARI ROH BAHATNI
Ulas hita ma sonaha carani padaohkon diri humbani seks na so patut. Ulas hita homa aha do gunani anggo borsih pingkiran ampa parlahounta.
3. Padaoh ma dirimu humbani seks na so patut
Tiru hita ma juakjuak ni Naibata na margoran si Josep. Barani do ia manulak sada naboru na mangarahkon ia mangkorjahon seks pakonsi. Basa ma 1 Musa 39:1-12, janah ulas ma sungkun-sungkun on:
-
Aha do na mambahen si Josep barani manulak naboru ai?—Tonggor ma ayat 9.
-
Pandapotmu, dear do haputusan na ibahen si Josep ai? Mase sonai balosmu?
Sonaha ma na maposo sonari on boi maniru si Josep? Tonton ma VIDEO.
Sihol do Jahowa ase ganup hita manulak seks na so patut. Basa ma 1 Korint 6:18, janah ulas ma sungkun-sungkun on:
-
Bani situasi na sonaha do na boi mambahen sasahalak gabe mangkorjahon seks na so patut?
-
Sonaha ma ham boi padaohkon diri humbani seks na so patut?
4. Boi do ham manulak godaan
Aha do na mambahen sasahalak lang urah manulak godaan laho mangkorjahon seks na so patut? Tonton ma VIDEO, dob ai balosi ma sungkun-sungkun on.
-
Dob ibotoh hasomanta ai domma lepak pingkiran ampa parlahouni janah ai boi mambahen ia lang setia bani istrini, aha ma na ibahenni?
Ra do lang urah iahap halak Kristen manjaga pingkiranni ase tongtong borsih. Jadi aha ma na boi mangurupi hita? Basa ma Pilippi 4:8, janah ulas ma sungkun-sungkun on:
-
Pasal aha do na porlu ipingkirhon hita?
-
Anggo taratur hita mambasa Bibel janah ringgas mangidangi, mase ai boi mangurupi hita laho manulak godaan mangkorjahon seks na so patut?
5. Aturan ni Jahowa marguna hubanta
Ibotoh Jahowa do aha na sidearan hubanta. Jadi ipatugah Ia do sonaha ase tongtong borsih parlahounta, janah ipatugah do homa aha do gunani anggo ihorjahon hita ai. Basa ma Podah 7:7-27 atap tonton ma VIDEO, dob ai balosi ma sungkun-sungkun on.
-
Mase ma garama ai dong bani situasi na boi mambahen ia gabe targoda?—Tonggor ma Podah 7:8, 9.
-
Domu bani Podah 7:23, 26, bahat do akibatni anggo ihorjahon hita seks na so patut. Anggo totap borsih parlahounta, parsoalan aha ma na boi ipadaoh hita?
-
Anggo borsih parlahounta, mase ai boi mambahen hita marmalas ni uhur sadokah ni dokahni?
Dong na mangkatahon makarastu do aturan ni Bibel pasal homoseks. Tapi sasintongni parholong do Jahowa ai. Sihol do uhur-Ni ase ganup halak manggoluh sadokah ni dokahni. Ase dapot hita ai, maningon idalankon hita ma aturan-Ni ibagas goluhta. Basa ma 1 Korint 6:9-11, janah ulas ma sungkun-sungkun on:
-
Bani ayat ai, pitah homoseks dassa na ihagigihon Naibata?
Ase malas uhur ni Naibata, porlu do hita ganup mubah. Aha ma gunani anggo ihorjahon hita ai? Basa ma Psalmen 19:8, 11, janah ulas ma sungkun-sungkun on:
-
Pandapotmu, boi do idalankon hita aturan ni Jahowa pasal seks? Mase sonai balosmu?
Domma bahat halak na iurupi Jahowa mambahen hamubahon. Pasti iurupi Jahowa do homa ham
ANGGO DONG NA MANGKATAHON: “Lang pala mahua berhubungan seks pakon ise pe, asal ma sama-sama marosuh.”
-
Sonaha ma ham mambalosi ai?
RIMPUNAN
Itotapkon Jahowa do aturan pitah suami istri dassa na boi berhubungan seks ase sidea marmalas ni uhur.
Na Dob Iparlajari
-
Aha ma na tarmasuk seks na so patut ai?
-
Sonaha carani hita padaohkon diri humbani seks na so patut?
-
Aha do gunani anggo iihutkon hita aturan ni Jahowa pasal seks?
TONGGOR HOMA
Mase ilarang Naibata rap tading dalahi pakon naboru na marhalet dope?
“Aha ma na Ihatahon Bibel Anggo Dong Pasangan na Marhalet Tapi Domma Sarumah?” (Artikel web) (dong bani bahasa Indonesia)
Age pe bani Bibel salah do mangkorjahon homoseksual tapi sedo artini masogam uhurta bani sidea. Mase sonai?
“Salah do Mangkorjahon Homoseks Ai?” (Artikel web) (dong bani bahasa Indonesia)
Mase aturan ni Jahowa pasal seks marguna hubanta?
“Ai Legan do Seks Oral pakon Hubungan Seks?” (Artikel web) (dong bani bahasa Indonesia)
Bani artikel “Ihargai Sidea do Ahu”, basa ma mase sada dalahi na homoseksual hinan boi mubah janah pamalaskon uhur ni Naibata.
“Bibel Paubah Hagoluhan” (Menara Pengawal 1 April 2011) (dong bani bahasa Indonesia)
a Seks na so patut ai tarmasuk do homa seks oral, seks anal, pakon manjamah-jamah alat kelamin ni halak na legan.
