Marosuh do Jahowa ase martuah goluhta janah boi do hita mambahen pesta na pamalaskon uhurta. Tapi, ai ganup do pesta atap perayaan pamalaskon uhur-Ni? Sonaha ma hita boi pamalaskon uhur ni Jahowa sanggah mambahen haputusan pasal on?

1. Mase lang marosuh Jahowa bani bahat perayaan?

Bahat do perayaan sonari on na ibuat humbani perayaan ni sisombah gana-gana janah lang sosok pakon ajaran ni Bibel. Umpamani, dong perayaan na markaitan pakon begu-begu ampa mangajarhon manggoluh do tonduy ni na matei. Bahat do homa perayaan na ibahen ugama palsu. Leganni ai, dong na mambahen perayaan ase ulang hona bencana janah ase roh na madear hubani sidea. (Jesaya 65:11) Halani ai, ipasingat Jahowa ma hita, “Luar ma hanima hun tongah-tongah ni sidea anjaha . . . ulang ma jamah hanima na butak.”​—2 Korint 6:17. a

2. Sonaha ma pangahap ni Jahowa bani perayaan na pasangapkon jolma?

Ipasingat Jahowa do hita ase ulang “porsaya bani jolma”. (Basa Jeremia 17:5.) Adong do perayaan na pasangapkon pamimpin negara, tentara, atap pahlawan. Ibahen do perayaan laho mamparingati hamardekaon atap pasangapkon lambang negara. (1 Johannes 5:21) Leganni ai, dong perayaan na pasangapkon organisasi politik pakon sosial. Jadi, sonaha ma pangahap ni Jahowa anggo ipasangap hita jolma atap organisasi na tujuanni lang mardomu pakon harosuh ni Jahowa?

3. Aha do na somalni ihorjahon halak bani sada perayaan?

Ilarang Bibel do hita ‘tenggen, marpestai ronsi mabuk, janah marlumba minum’. (1 Petrus 4:3) Bani piga-piga perayaan, dong do halak na mangkorjahon sisonai janah ujungni ihorjahon sidea ma seks na so patut. Tapi, ase totap hita marhasoman pakon Jahowa, maningon ipadaoh hita ma parlahou na sisonai.

 PARLAJARI ROH BAHATNI

 5. Dear ma patorangkon haporsayaonmu

6. Marosuh do Jahowa ase hita marmalas ni uhur

Marosuh do Jahowa ase hita marmalas ni uhur rap pakon kaluarga ampa hasoman. Basa ma Parambilan 8:15, janah ulas ma sungkun-sungkun on:

• Hunja ibotoh hita sihol do Jahowa ase hita marmalas ni uhur?

Marosuh do homa Jahowa ase juakjuak-Ni rap martumpu janah marmalas ni uhur. Tonton ma VIDEO laho mambotoh sonaha malas ni uhur na iahapkon sanina botou sanggah i kebaktian internasional.

Basa ma Galatia 6:10, janah ulas ma sungkun-sungkun on:

• Ai pitah sanggah perayaan do hita boi mambahen “na madear” bani na legan?

• Na ija do ham rosuhan, mambere hadiah halani kewajiban atap mambere halani holong ni uhurmu?

• Bahat do Saksi Jahowa na rosuh mambere hadiah bani niombahni sedo halani dong perayaan. Anggo dong niombahmu, aha do na boi ibahen ham ase sidea totap marmalas ni uhur, hassi pe lang dihut bani perayaan?

 RIMPUNAN

Sihol do Jahowa ase hita marmalas ni uhur rap pakon kaluarga ampa hasoman. Tapi ipasingat Ia do homa hita ase ulang dihut bani perayaan na lang iharosuhkon-Si.

Na Dob Iparlajari

• Sungkun-sungkun aha do na porlu ipingkirhon hita paima dihut bani sada perayaan?

• Sonaha cara na dear laho patorangkon haputusanta pasal perayaan?

• Hunja ibotoh hita anggo Jahowa sihol ase hita marmalas ni uhur?