Aha do na Porlu Hubahen?
Aha do na Porlu Hubahen Ase Boi Dihut Marbarita?
Boi do ham gabe parbarita na lape ididi anggo . . .
Taratur marlajar Bibel, martonggo, ampa roh hu partumpuan.
Porsaya ham bani aha na dob iparlajari janah rosuh mansaritahon ai bani na legan.
Holong uhurmu bani Jahowa janah ipilih ham hasoman na mangkaholongi-Si.
Domma kaluar ham humbani partai politik ampa ugama palsu.
Idalankon ham aturan ni Jahowa janah sihol ham gabe Saksi Jahowa.
Anggo domma sirsir ham gabe parbarita na lape ididi, patugah ma ai bani Saksi na mangurupi ham marlajar Bibel, ase iulas sintua holi persyaratanni pakon ham.
Aha do na Porlu Hubahen Ase Boi Ididi?
Boi do ham ididi anggo . . .
Domma gabe parbarita na lape ididi.
Ringgas ham marbarita.
Mangihutkon tugah-tugah na ibere “juakjuak na bujur anjaha na maruhur”.—Mateus 24:45-47.
Domma mangondoskon diri bani Jahowa marhitei tonggo janah sihol mangidangi Ia sadokah ni dokahni.
Anggo domma sirsir ham laho ididi, patugah ma ai bani Saksi na mangurupi ham marlajar Bibel, ase iulas sintua holi persyaratanni pakon ham.
