Marosuh do hita anggo dong hasomanta sanggah sonang atap pe sunsah. Tapi ipasingat Bibel, lang ganup halak boi gabe hasoman na dear. Jadi, sonaha ma mamilih hasoman na dear? Ulas hita ma bani parlajaran on.

1. Aha do pengaruhni hasomanta hubanta?

Bibel mangkatahon, “Gabe maruhur do atap ise pe na marhasoman pakon halak na maruhur. Tapi gabe maseda do atap ise pe na marhasoman pakon halak na oto [atap na lang mangkaholongi Jahowa].” (Podah 13:20) Tongon do ai. Anggo gati hita marhasoman pakon sasada halak, adong do pengaruhni ai hubanta. Boi do dear pengaruhni ai atap boi do homa sambor. Tarmasuk ma anggo marhasoman hita pakon halak i media sosial. Anggo marhasoman hita pakon halak na mangkaholongi Jahowa, gabe boi ma hita lambin dohor hu Bani janah iurupi ma hita mambahen haputusan na dear. Tapi anggo marhasoman hita pakon na lang sisombah Jahowa, gabe mandaoh ma hita hun Bani. Halani ai, iojur Bibel do hita ase dear mamilih hasoman. Jadi anggo hita marhasoman pakon halak na mangkaholongi Jahowa, dear do pengaruhni ai hubanta sonai homa bani sidea. Gabe boi ma hita ‘marsiurupan janah marsipatoguhan’.​—1 Tessalonika 5:11.

2. Sonaha ma pangahap ni Jahowa anggo lang dear hita mamilih hasoman?

Lang ganup halak ipilih Jahowa gabe hasoman-Ni. “Tapi pitah pakon halak na pintor maruhur do Ia marhasoman.” (Podah 3:32) Sonaha ma pangahap ni Jahowa anggo marhasoman hita pakon halak na lang mangkaholongi-Si? Tontu pusok do uhur-Ni. (Basa Jakobus 4:4.) Halani ai, ulang ma hita marhasoman pakon halak na lang mangkaholongi-Si. Anggo ibahen hita sonai, gabe malas ma uhur-Ni janah gabe boi ma hita marhasoman pakon Jahowa.​—Psalmen 15:1-4.

 PARLAJARI ROH BAHATNI

4. Boi do hita marhasoman pakon marmasam halak

Bani Bibel, dong sitiruon na boi iihutkon hita humbani si Jonatan pakon si Daud. Kompak do sidea age pe tuanan si Jonatan marimbangkon si Daud, janah anak ni raja do homa si Jonatan ai. Basa ma 1 Samuel 18:1, janah ulas ma sungkun-sungkun on:

• Mase dear anggo hita ra marhasoman pakon halak na lang sarupa umur atap pe latar belakangni?

Basa ma Rom 1:11, 12, janah ulas ma sungkun-sungkun on:

• Aha do gunani anggo hita marhasoman pakon halak na mangkaholongi Jahowa?

Bani video on, idah hita ma sonaha sahalak na maposo boi mandapot hasoman i kuria. Tonton ma VIDEO, dob ai ulas ma sungkun-sungkun on.

• Mase haru uhur ni orang tua ni si Akil anggo kompak si Akil pakon hasoman i sikolahni?

• Mase si Akil rosuh marhasoman pakon sidea?

• Mase si Akil lang be lungunan?

 5. Carani mandapot hasoman na dear

 RIMPUNAN

Anggo dear ipilih hita hasomanta, gabe malas ma uhur ni Jahowa janah bahat do homa gunani ai banta.

Na Dob Iparlajari

• Mase marosuh Jahowa ase dear ipilih hita hasomanta?

• Halak na sonaha do na lang ipilih hita gabe hasoman?

• Sonaha ham boi mandapot hasoman na dear humbani marmasam halak?