PARLAJARAN 55
Ham Boi Dihut Mangurupi i Kuria
Ganup Saksi Jahowa i sab dunia on martumpu do i kuria-kuria laho manombah Jahowa. Ijai, malas do uhur ni sidea mandapot tugah-tugah ampa pangajaran humbani Bibel. Janah ringgas do homa sidea mangurupi sanina botou ampa horja i kuria. Ai sonai do homa pangahapmu i kuria?
1. Aha do na boi ibahen ham laho mangurupi sanina botou i kuria?
Ganup do hita boi mangurupi sanina botou i kuria. Umpamani, anggo dong na matua i kurianta, boi do hita mangalop sidea hu partumpuan. Atap boi do homa hita mangurupi sidea marbalanja ampa paborsihkon rumahni. (Basa Jakobus 1:27.) Leganni ai, boi do hita dihut paborsihkon Balei Harajaon. Lang ipaksa hita mangkorjahon ganupan ai. Tapi holongta bani Jahowa pakon sanina botou do na mangojur hita ase “sirsir mangurupi”.—Psalmen 110:3.
Anggo domma ididi ham, lambin bahat ma na boi ihorjahon ham ibagas kuria. Anggo dalahi boi do marusaha gabe siparugas ampa sintua i kuria. Anjaha haganup sanina botou boi do dihut merintis, pajongjongkon ianan partumpuan, atap pindah hu ianan na mamorluhon bahat parbarita.
2. Sonaha hita boi manggunahon duit ampa artanta laho mangurupi sanina botou i sab dunia on?
Bibel mangkatahon, “Pasangap ma Jahowa marhitei artamu na harga.” (Podah 3:9) Tontu malas do uhurta mambere duit atap pe artanta gabe sumbangan laho mangurupi horja i kuria pakon horja laho marbarita i sab tanoh on. (Basa 2 Korint 9:7.) Sumbangan ai igunahon do homa laho mangurupi sidea na hona bencana. Dong do sanina botou na ‘papuligkon duitni’ ase boi taratur mambere sumbangan. (Basa 1 Korint 16:2.) Boi do ipamasuk hita sumbanganta hu kotak sumbangan i ianan partumpuan atap pe marhitei situs donate.pr418.com. Anggo ra hita mambere sumbangan, on artini holong do uhurta bani Jahowa.
PARLAJARI ROH BAHATNI
Ulas hita ma aha na boi ibahen ham laho mangurupi sanina botou i kuria.
3. Mambere sumbangan
Holong do uhur ni Jahowa pakon Jesus bani halak na mambere humbani malas ni uhurni. Umpamani, ipuji Jesus do inang na mabalu na rosuh mambere age pe miskin ia. Basa ma Lukas 21:1-4, janah ulas ma sungkun-sungkun on:
-
Ai maningon bahat do na ibere hita ase malas uhur ni Jahowa?
-
Sonaha do pangahap ni Jahowa pakon Jesus anggo hita mambere humbani malas ni uhur?
Laho mambotoh sonaha sumbanganta igunahon, tonton ma VIDEO. Dob ai, ulas ma sungkun-sungkun on.
-
Sonaha sumbanganta igunahon laho mangurupi horja marbarita ampa sanina botou i sab dunia on?
4. Manjaga ampa mangurus ianan partumpuan
Hinan, halak Israel lang pitah mambere sumbangan. Tapi dihut do homa sidea mangurus rumah panumbahan ase totap jenges. Basa ma 2 Kronika 34:9-11, janah ulas ma sungkun-sungkun on:
-
Sonaha halak Israel hinan boi dihut mangurus rumah panumbahan ase totap jenges?
Tonton ma VIDEO laho mambotoh sonaha Saksi Jahowa mangihutkon contoh na ibahen halak Israel na hinan. Dob ai, ulas ma sungkun-sungkun on.
-
Mase maningon ijaga hita Balei Harajaonta ase totap dear janah borsih?
-
Sonaha ham boi dihut mangurupi?
5. Bahat do na boi ibahen dalahi ibagas kuria
Bani Bibel iojur do ase dalahi lambin ringgas mangurupi sanina botou i kuria. Laho mambotoh contohni, tonton ma VIDEO. Dob ai ulas ma sungkun-sungkun on.
-
Aha do na ibahen si Ryan ase boi lambin bahat mangurupi sanina botou i kuriani?
Bani Bibel dong do ipatugah persyaratan ase boi gabe siparugas ampa sintua. Basa ma 1 Timoteus 3:1-13, janah ulas ma sungkun-sungkun on:
ANGGO DONG NA MANUNGKUN: “Hunja do organisasi ni Saksi Jahowa mandapot duit laho manggalar pangaluaran ni sidea?”
-
Sonaha ma ham mambalosi ai?
RIMPUNAN
Malas do uhur ni Jahowa anggo ra hita mangurupi horja i kuria, mambere sumbangan, ampa mangurupi sanina botou na legan.
Na Dob Iparlajari
-
Aha do na boi ibahen ham laho mangurupi sanina botou i kuria?
-
Sonaha hita mangunahon duit ampa artanta laho mangurupi sanina botou i sab dunia on?
-
Aha do na sihol ibahen ham laho mangurupi sanina botou i kuria?
TONGGOR HOMA
Mase lang be ipindo Naibata parsapuluhan bani halak Kristen?
“Aha do na Ihatahon Bibel pasal Parsapuluhan?” (Artikel web) (dong bani bahasa Indonesia)
Aha do na boi ibahen sada dalahi ase boi lambin bahat mangurupi horja i kuria?
“Ai Marusaha do Ham Mandapot Horja na Dear?” (Menara Pengawal 15 September 2014) (dong bani bahasa Indonesia)
Tonton ma tantangan aha do na iahapkon piga-piga Saksi sanggah manaruhkon publikasi bani sanina botou na legan.
Hunja do organisasi ni Saksi Jahowa mandapot duit laho manggalar pangaluaran ni sidea? Aha do bedani pakon ugama na legan?
“Sonaha ma Saksi Jahowa Manggalar Pangaluaran ni Sidea?” (Artikel web) (dong bani bahasa Indonesia)
